Jeremías 2:17 - Qullan Arunaka DC

¹⁷ Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Aymar Bibliia 1986

¹⁷ Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Qullan Arunaca

¹⁷ Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:17 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

Job 34:27

jupar jaysañ jan munapxatap layku, arunakaparjam sarnaqañsa jan munapxatap layku.

Job 4:8

Nayarux sarnaqäwiw yatichitu, ñanqha lurañanakan sarnaqirinakax luratapatjam achunak apthapi.

Salmos 107:7

Chiqa thakhiruw jupanakarux irpxatäna, jakañ markaruw irpäna.

Salmos 136:16

Wasar chiq markapar irpiriru, munasiñapax wiñayawa.

Salmos 77:20

21 (22) Markamarux ovej tamar uñtat irpäyätaxa, Moisesampin Aaronampin amparap tuqi.

Proverbios 15:10

Suma thakhinjam sarnaqañ apanukuri jaqirux qhuru kankañampi chiqachatawa; chiqachäwir jisk'achir jaqisti, jiwaniwa.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 59:13

Tatitutakiw sayt'astanxa, chuymanakasansti janiw jupatakjamäktanti, Tatitusarusti janiw arkañ munkäyätanti, jaqir nuwañampita, jan wali lurañampitak parlaskäyätanxa, mayninakar sallqjañatakikiw amtaskäyätanxa.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 4:18

“Jerusalén, jan wal sarnaqatamat taqi akanakax ukham lurasiski. Ñanqha luratamax axtkañawa, ukaw chuymamsa usuchjaraktam.”

Jeremías 44:3

kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 5:25

Ukampis jucha luratanakamaw taqi ukanak mayjt'ayxi, jichhasti janiw juk'ampi uka askinak katuqkxapxätati.

Ezequiel 39:24

Nayasti jupanakarux q'añu lurapxatapata, nayatak sayt'asipxatapatsa, wakisitaparjamaw apanukta, ukatsti maysa uñtxarakta.

Oseas 13:9

Israel, ukham jichhax tukjäma, janirakiw khitis jark'aqkätamti.

Miqueas 1:5

Taqi akanakasti Jacobun markapan Tatitur saykatatap laykuw lurasini, Israel markan jucha luratap laykuraki. ¿Kawkinkarak Jacobun jucha luratapasti? ¡Samaria markankiwa! ¿Kawkinkarak Judá markan yaqha diosanakar yupaychañatak luratäki ukanakasti? ¡Pachpa Jerusalén markankiwa!

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Deuteronomio 32:10

Diosax wasaran jupanakar jikxatäna, thayan jawq'suta waña uraqina, amparaparuw jupanakar qhumxarusïna, jupanakar yaticharakïnwa, pachpa nayraparjamaw sum uñjäna.

Deuteronomio 32:19

Ukham uñjasin Diosax q'apisïna, ukat yuqall wawaparu, imill wawaparus apanuküna.