Jeremías 17:7 - Qullan Arunaka DC

⁷ “Ukampis nayar iyawsirix qullanawa, taqi suyt'añap nayar uchatap layku.

Aymar Bibliia 1986

⁷ “Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.

Qullan Arunaca

⁷ “Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.

Jeremías 17:7 Jak'a apnaqawi uñst'ayäwi

Salmos 125:1

Tatitur taqpach chuymamp katuyasirinakax jan unxtkayäpxiwa; Sión qullur uñtataw wiñayatak sayt'asipxi.

Salmos 146:5

Jacobun Diosapan yanapat jaqix kusisiñaniwa, Tatitu Diosapar suyt'irix kusisiñaniwa.

Salmos 20:8

8 (9) Jupanakax tinkurayataw uñjasipxi, jiwasanakasti ch'aman sayt'atakïsktanwa.

Salmos 34:8

8 (9) Yant'apxam, uñjapxarakim, Tatitux suma jaqiwa. ¡Jupar taqi chuymamp makhatirix kusisiñaniwa!

Salmos 40:4

4 (5) ¡Taqpach chuymamp Tatitur alkatir jaqix kusisiñaniwa, jupax janiw qallasirinakar thaqkiti, janirakiw k'ari diosanakar yupaychirinakarus thaqkiti!

Salmos 71:5

Tatay, jumaw nayan suyt'añaxätaxa, wayna kankañaxatpach alkatañaxätasa.

Salmos 84:12

12 (13) ¡Taqi ch'aman Diosay, jumar alkatir jaqinakax kusisiñaniwa!

Proverbios 16:20

Diosan arunakapar taqi chuymamp ist'irix, kusisiñ jikxatani; ¡Tatitur alkatir jaqix kusisiñaniwa!

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 39:18

Nayaw jumarux jiwayatäñat qhispiyäma. Nayar iyawsatam laykusti, janirakiw jiwayapkätamti. Naya, Tatituw uk arsta’ ” sasa.

Daniel (hebreo) 3:28

Ukapachaw Nabucodonosor reyix jach'at arsüna: “¡Sadrac, Mesac, Abed-nego waynanakan Diosapax jach'añchatäpan, jupaw angelap khithani arkirinakapar qhispiyiri, jupanakax janiw nayan arsutaxsa phuqhañ munapkänti, yaqha diosanak nayraqatan killt'asiñat sipansa, jiwañatakis jank'akïpxänwa, Tatituparukiw yupaychapxäna!

Sofonías 3:12

Nayasti jumanak taypirux llamp'u chuymani, aski jaqinak jaytawayä, jupanakasti nayar iyawsas sarnaqirïpxaniwa.

Efesios 1:12

Jupasti jiwasanakan nayrïrïñas muni, Criston suyt'äwi tuqi jakañasataki, ukhamat taqpachani muspharkañ ch'amapat jach'añchañasataki.