Jeremías 17:7 - Qullan Arunaca

⁷ “Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.

Aymar Bibliia 1986

⁷ “Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.

Qullan Arunaka DC

⁷ “Ukampis nayar iyawsirix qullanawa, taqi suyt'añap nayar uchatap layku.

Jeremías 17:7 Jak'a apnaqawi uñst'ayäwi

Salmos 125:1

Tatitur takpach chuymamp iyawsirinacajj jan onjjtcayäpjjewa; Sión kollur uñtatäpjjewa, wiñayataquiw sayt'asipjje.

Salmos 146:5

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Salmos 20:8

Jupanacajj tincurayataw uñjasipjje, jiwasanacasti ch'amaniw sayt'asisipctan.

Salmos 34:8

Yant'apjjam, uñjapjjaraquim, Tatitun munasir cancañapa, jupar take chuymamp maqhatirejj cusisiñan jakewa.

Salmos 40:4

Takpach chuymamp Tatitur alcatirejj, cusisiñan jakewa, jupajj janiw kallasirinacar thakquiti, janiraquiw c'ari diosanacar yupaychirinacarus thakquiti.

Salmos 71:5

Tatay, jumaw nayan suyt'añajjätajja, wayna cancañajjatpach alcatañajjätasa.

Salmos 84:12

¡Take ch'aman Diosay, jumar alcatir jakenacajj cusisiñaniwa!

Proverbios 16:20

Qhititejj Diosan arunacapar ist'i ucajja, cusisiñwa jicjjatani; ¡cusisiñaniwa Tatitur iyawsir jakejja!

Isaías 30:18

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Jeremías 39:18

Nayaw jumarojj jiwayatäñat khespiyäma. Jumajj jaltawayjjätawa, janiraquiw jiwayata uñjascätati, nayaru iyawsatam laycu. Naya Tatituw ucjja arsta’ ” sasa.

Daniel (hebreo) 3:28

Ucapachaw Nabucodonosor reyejj jach'at arsüna: “Sadrac, Mesac, uqhamaraqui Abed-nego sisqui uca jakenacan Diosapajj yupaychatäpan, jupaw angelap qhitani aca sirvirinacaparu khespiyañapataqui, jupanacasti janiw reyin arsutapjja phokhapcaraquïnti, jiwañataquisa janc'aquïpjjaraquïnwa, janiraquiw yakha diosanac nayrakatarus quillt'asiñ munapcänti, jan ucasti Diosap nayrakataruquiwa quillt'asipjjänjja.

Sofonías 3:12

Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.