Jeremías 15:10 - Qullan Arunaka DC

¹⁰ ¡Ay kunakïkan nayatxa, taykaxay, jumaw wawachasista taqinimpi nuwasiñaxataki! Janiw khitirus qullqi mayt'kti, janirakiw nayarus mayt'apkituti, ukampis taqiniw nayarux ñanqhachapxitu.

Aymar Bibliia 1986

¹⁰ ¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Qullan Arunaca

¹⁰ ¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Jeremías 15:10 Jak'a apnaqawi uñst'ayäwi

1 Reyes 21:20

Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

Salmos 109:28

Jupanakax ñanqhachapxitpasa, jumax askimay churita. Timanakaxax aynacht'apxpan, uywatamasti ukchañkamax kusispan.

Salmos 15:5

khititix qullqi mayt'asin jalaqtap jan apski uka, jan juchanir aynacht'ayañatak qullqi jan katuqaski uka. Khititix ukham lurasapun sarnaqki ukaxa, janipuniw aynacht'kaniti.

Salmos 69:4

4 (5) Ina ch'usat uñisirinakaxax ñik'utanakaxat sipansa juk'amp jilawa; ina ch'usat nayar uñisipxitu, jiwayañpun munapxitu; jan lunthataskta ukanak kutiyañatakiw wayt'apxitu.

Éxodo 22:25

25 (24) “Jumatix markaxankiri, jumamp jakir jan kunan jaqir qullqi mayt'äta ukaxa, janiw jumax qullqi mayt'irjam tukütati, janirakiw qullqin jalaqtapsa mayïtati.

Proverbios 26:2

Ina ch'usat ñanqhachäwix janiw khitirus wakt'kiti; chhaqhat jamach'ir uñtata, jan tapani golondrina sat jamach'ir uñtatakiwa.

Jeremías 15:20

Nayasti jumarux aka markatakix broncet lurat jan atipjkay pirqjam tukuyarakïma. Jumarux wal nuwantapxätam, ukampis janiw atipapkätamti, nayaw jumampi chikäskta, jumar qhispiyañataki. Naya, Tatituw uka arunak arsta.

Levítico 25:36

Kuntix mayt'käta ukanakatsti janipuniw juk'amp jila mayïtati; jan ukasti, Diosamar axsartam, uka marka masimarux utamar katuqarakim.

Levítico 25:37

Kuna qullqtix mayt'käta ukatsti janiw juk'amp jila mayïtati, kuna manq'tix churkäta ukatsa janirakiw juk'amp jila mayisïtati.

Habacuc 1:3

¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Mateo 24:9

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Hechos 28:22

Ukampis nanakax juman amuyum ist'añ munapxirista; taqi chiqan aka machaq tamat jan walinak arsupxatap nanakax yatipxta —sasa.