Jeremías 15:9 - Qullan Arunaka DC

⁹ Walja wawanakan taykanakasti, jan ch'amaniw liwirtapxi; p'inqachata, jisk'achjataraki, lupi qhanasa jupanakatakix ch'amakt'xiwa. Jupanakat yaqhipanakatix jakasipkani ukanakaruxa, uñisirinakapampiw jiwarayarakï. Naya, Tatituw uk arsta.”

Aymar Bibliia 1986

⁹ Walja wawanacani warminacasti, liwirtapjjewa, jan ch'amaniw jicjjatasipjjaraqui; p'enkachata, jisc'achjataraqui, lupi khanasa jupanacataquejj ch'amact'jjaraquiwa. Jupanacat yakhepanacatejj jacasipcani ucanacarojja, uñisirinacapampiw jiwarayaraquï. Naya Tatituw ucjja arsta.”

Qullan Arunaca

⁹ Walja wawanacani warminacasti, liwirtapjjewa, jan ch'amaniw jicjjatasipjjaraqui; p'enkachata, jisc'achjataraqui, lupi khanasa jupanacataquejj ch'amact'jjaraquiwa. Jupanacat yakhepanacatejj jacasipcani ucanacarojja, uñisirinacapampiw jiwarayaraquï. Naya Tatituw ucjja arsta.”

Jeremías 15:9 Jak'a apnaqawi uñst'ayäwi

Isaías 47:9

Inas akatjamat jumxarux uka jan walt'añanakax jutchini, inamayäskaniw layqasitanakamasa, ijma warmi, jan wawanakaniw uñjasïta.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 44:27

Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.

Jeremías 50:12

Ukampis yurïwi markamax mä p'inqaw qhiparani. Taqi markanakat sipansa qhipankapuniniwa, ch'usa waña wasararu, jan jaqini tukuyatarakïniwa.

Jeremías 6:4

Uñisirinakapasti sapxarakiwa: “¡Jerusalenampi jichhax nuwasiñäni! ¡Jutapxam, chika urunpach jalxatapxañäni! Ukampisa, ¡llakiskañawa! Jayp'üxiwa, ch'iwis saraqanxarakiwa.

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Lamentaciones 4:10

¡Jerusalén markax q'ala t'unjataw uñjasi! Suma munasir taykanakas pachpa wawanakaparuw phayantasxapxi, ukhamat manq'atäpxañapataki!

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Ezequiel 5:13

Ukapachaw nayax jach'a q'apisiñaxampi jupanakarux mutuyä, q'apisiñaxax malarkani ukkhaw yatipxani naya, Israelan Diosapa arsutaxa phuqhirïtaxa.

1 Samuel 2:5

Khitinakantix taqi kunas jilarkir utjkänxa, jichhax mä jisk'a t'ant'a laykukiw katuyasipxi; manq'at awtjayasirinakasti janiw jichhax awtjayaskxapxiti. Jan wawachasir warmisa, jichhax paqallqu kutiw wawachasxi, walja wawachasir warmisti, jichhax janiw wawanakanïkxiti.