Génesis 12:7 - Qullan Arunaka DC

⁷ Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Aymar Bibliia 1986

⁷ Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Qullan Arunaca

⁷ Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 12:7 Jak'a apnaqawi uñst'ayäwi

Génesis 12:8

Ukatsti Betel markat inti jalsu tuqiruw sarxäna, kawksantix qullunakax utjkän uksaru, uka chiqan chhujllanakap sayt'ayäna. Betel markat inti jalanta tuqiru, Ai markat inti jalsu tuqiru. Uka chiqansti Abram chachax yaqha altar lurt'äna, ukansti Tatituruw art'asirakïna.

Génesis 13:15

uñjktas uka uraq nayaw jumar churäma, wiñayatakiw jumankani, wawanakamankarakini.

Génesis 13:17

¡Sartasim, ukatsti uksaru aksaru uñatatas saram, nayaw jumar aka uraq churäma!” sasa.

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 13:4

Uka chiqan nayrax Tatitur yupaychañatak mä altar luratayna, ukan Tatitur yupaycharakïna.

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 17:3

Ukapachasti Abram chachax ajanup uraqir puriñkamaw alt'äna, Diosasti ukchañkamax parlxayaskakïnwa:

Génesis 17:8

Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

Génesis 18:1

Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 26:25

Ukhamasti Isaacax uka chiqan mä altar luräna, ukatsti Tatituruw art'asïna. Uka chiqarurakiw chhujllap sayt'ayäna, uywatanakapasti yaqha phuch'u allsupxarakïna.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Génesis 35:7

Uka chiqan Jacobux mä altar sayt'ayäna, uka chiqarusti “Tatitun Utapa” sasaw sutichäna, kunapachatix jupax jilapat jaltkäna ukapacha, uka chiqan Tatitux jupar uñstatapata.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

2 Samuel 24:25

ukawjaruw jupax Tatitutak mä altar sayt'ayäna, ukatsti nakt'at waxt'äwinaka, sumankañ wilañchanak luqtarakïna. Tatitusti Davidan marka layku mayisitanakap ist'änwa, Israel markar t'aqhisiykän uka jach'a ususti chhaqtawayxänwa.

1 Reyes 18:32

uka qalanakampisti Eliasax mä altar Tatitutak luräna; ukatsti mä q'awa lurarakïna altar muytpacharu, pä tunka litro uma mantkiri,

1 Crónicas 16:16

Abrahamampi arust'äwi luratasa, Isaacampi juramento luratasa,

1 Crónicas 16:18

kunapachatix siskäna: ‘Nayax Canaán uraqi churäma jumar wakt'ir churäwimjam katuyxäma’ sasa.

2 Crónicas 20:11

Jichhasti, ukata phuqsusiñatakiw nuwasir jutapxi, uraqimat nanakar alisnukuñataki, kawkïr uraqtix nanakan katusiñanakaxatak churapkista uka uraqita.

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Éxodo 17:15

Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,

Éxodo 24:4

Ukat Moisesax kunanaktix Tatitux siskatayna ukanak qillqäna, qhipärmanthisti, wali willjtat sartasin jupax qullu kayur mä altar luräna, ukatsti tunka payan qalanak uchäna; Israelan sapa ayllunakapat mä qala uchäna.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 33:1

Tatitux Moisesar sänwa: —Aka chiqat sarxam, Egiptot irpsunkta uka markamp chika. Kawkha uraqtix wawanakamaruw churä sas Abrahamaru, Isaacaru, Jacobur arskäyäta uka uraqiru.

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Números 26:53

“Taqi aka jaqinakaruw uraqinak lakintäta, qawqha jaqinakatix qillqantatäki ukhamarjama.

Números 32:11

“Nayar taqi chuyma jan iyawsapxatap layku, juramentompiw arsta Egiptot mistunipki uka jaqinakax janiw maynis pä tunka maranit amstarux mantkaniti, kawkïr uraqtix Abraham, Isaac, Jacob nayra awkinakapar churañatak nayax arsuwaykta uka uraqiruxa.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Romanos 9:8

Ukax sañ muni, janiw khitis wila masïtap laykukix Diosan wawapäkaspati; jan ukasti khitinakatix Diosan arsutaparjam phuqhapki jupanakaw wawanakapaxa.

Gálatas 3:16

Diosax Abrahamar arsuwaykän ukanakax, Abrahamampitaki, jupat saraqirimpitakïnwa. Qillqatan janiw “Saraqirinakat” parlkiti, walja jaqïkaspas ukhama, jan ukasti mayni sapatak parli: “Juman saraqirimaru” sasa, ukasti Cristowa.

Gálatas 4:28

Jilatanaka, jumanakax Isaac chachjamäpxtawa, Diosax arsuwaykatayna uka wawanakäpxtawa.

Deuteronomio 1:8

Nayaw taqi uka uraqinak amparamar katuyapxsma; jichhasti sarapxamay uka uraqinak katuntiri, naya Diosaw uka uraqinak Abrahamampiru, Isaacampiru, Jacobumpiru, jupanakat saraqir wawanakapampir churañatak juramentomp arsta’ sasa.

Deuteronomio 30:20

Tatit Diosamar munasipxam, jupar ist'apxam, suma iyawsañamp arkapxarakim, ukankiw jumanakan jakañamaxa, Tatitux Abrahamaru, Isaacaru, Jacob nayra awkinakamar churañ amtkatayna uka uraqin walja maranak jakañamasa.”

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 6:10

“Jumanakan Tatit Diosamax kuna uraqtix Abraham, Isaac, Jacob awkinakamar churä siskatayna ukaruw puriyapxätam. Uka uraqisti wali jach'awa, suma markanakaniwa, uka markanakasti janiw jumanakan luratäkiti.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.

Hebreos 11:13

Taqi uka jaqinakax kuntix Diosax churañatak arsuwaykän uk jan katuqasaw jiwarapxäna; ukampis iyawsañanïpxatap laykux jayatak uñtapxäna, aruntapxarakïna, ukhamat akapachan mä juk'a pacha sarir jaqinakäpxatap yatisipxäna.

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,

Josué 1:6

Jumasti wali ch'amani sayt'asim janirak axsaramti, jumaruw aka markaru uraq lakiñax wakt'tam; uksti nayaw nayra awkinakapar churañatak arsüyäta.

Josué 22:10

Kunapachatix Rubén, Gad, ukhamarak Manasés ayllunkir chikat jaqinakapax Jordán jawirar puripkän ukkhaxa, Canaán uraqinkkasin, jawir thiyar mä jach'a altar lurapxäna.

Josué 8:30

Ukatsti Josué chachax mä altar Israelan Tatitu Diosapatakix Ebal qullun luräna,

Jueces 6:24

Gedeonasti ukawjan Tatitur jach'añchasaw mä altar sayt'ayäna, ukarusti “Tatituw samarañaxa” sasaw sutichäna. Uka altarasti Ofrá markankaskiwa, Abiézer wila masi taman markapana.

1 Samuel 7:17

Ukatsti Ramá chiqankki uka utaparuw kutt'anxirïna, ukawjatpach Israel markarux apnaqäna. Ukansti Tatitutakix mä altar lurarakïna.