Génesis 12:6 - Qullan Arunaka DC

⁶ Abram chachax taqi uksa uraqinak sarakipawayaskakïnwa, Siquem sat chiqar puriñkama, kawkhankkäntix encina qullan quqax Moré sat chiqana. Ukapachasti cananeo jaqinakaw uka uraqinakan jakapxäna.

Aymar Bibliia 1986

⁶ ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Qullan Arunaca

⁶ ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 12:6 Jak'a apnaqawi uñst'ayäwi

Génesis 10:15

Canaán jaqisti pä yuqanïnwa, jilïr yuqapax Sidón sata, sullkïristi, Het sataraki.

Génesis 13:7

Abram chachan uywap awatirinakasti, Lot sobrinopan awatirinakapampiw jan walt'ayasipkänti. Ukhamarus uka urunakan cananeo, ferezeo jaqinakaw uksa tuqinakan jakasipkäna.

Génesis 33:18

Kunapachatix Jacobux Padán-aram chiqat kuttankän ukkhaxa, k'umaraw Canaán uraqir purïna, ukatsti Siquem sat marka uñkatasin utjnuqtäna.

Génesis 34:2

ukampisa juparux Jamor sat heveo jaqin Siquem sat yuqapaw uñjäna. Uka Jamor jaqisti uka chiqan mä jach'a jilïrïnwa, ukatsti munkir jan munkir jupampi ikintäna, ukhamat tawaqur jisk'achjäna.

Génesis 34:30

Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

Génesis 35:4

Jupanakasti kuna yaqha diosanakapatix utjkäna ukanak Jacobur katuyxapxäna, jinchunakapar uchasipkän uka aretenaksa, Jacobusti ukanak encina sat quqa k'uchuruw allintxäna, Siquem jak'ana.

1 Reyes 12:1

Roboam chachasti Siquem chiqaruw saräna, uka chiqaru Israel markpachaw jupar reyit utt'ayir sarapxatayna.

1 Reyes 12:25

Jeroboam reyix Efraín qullunakan jikxataski uka Siquem marka wasitat luräna, ukasti ukan utjasirakïna. Ukxarusti Penuel marka wasitat lurarakïna.

Salmos 60:6

6 (8) Diosax qullan utapan sänwa: “¡Kusisisaw Siquem uraq jalanuqä, Sucot qhirwa uraq lakinuqarakï!

Oseas 6:9

Sacerdotenakax lunthatkamakïpxiwa, jaqit lunthatañak uñch'ukisipki; Siquem thakhin jaqinak jiwarayapxi, kunayman jan walinak lurapxaraki.

Juan 4:5

Samaria chiq sarkasinsti, Sicar sat markaruw purïna, Jacobux José yuqapar tuti uraq churkatayna uka jak'aru.

Hechos 7:16

Jacobun ch'akhanakapasti jaya maranak qhipat Siquem sat uraqir apataxänwa, Abrahamax Hamor sat jaqin wawanakapat alkatayna, uka amay imäwiruw imt'xapxarakïna.

Deuteronomio 11:30

Uka pä qullux Jordán jawirat inti jalanta tuqinkiwa, Guilgal sat uraqi uñkatasina, Moré sat quqanak thiyana, cananeonakax jakapki uka qhirwana.

Hebreos 11:9

iyawsañap utjatap laykuw yaqha markankir jaqjam jakasïna, Diosax kawkïr uraqtix jupar churañatak arskän uka uraqina. Jupax chhujllu utanakan jakasïna, ukhamarak Isaac, Jacob chachanakasa, jupanakasti, Diosax jupanakar churañatak arskäna uka uraq katuqapxarakïna.

Josué 20:7

Ukhamasti israelitanakax imantasiñatakix aknïr markanak ajllipxäna: Quedes marka, Galilea uraqina, Neftalí ayllun qullunakapana. Siquem marka, Efraín ayllun qullunakapana. Hebrón marka, Judá ayllun qullunakapana.

Josué 24:32

Josean ch'akhanakapxa, kawkïrinaktix Israelitanakax Egipto markatpach apanipkatayna ukanaksti, Siquem markankir mä uraqiruw imantxapxäna. Uka uraqxa Jacob chachaw Hamor chachan wawanakapat patak qullqimpi alatayna, Siquem chachan awkipa, ukhamat uka uraqix José chachat saraqir wawanakapar wakt'arakïna.

Jueces 7:1

Gedeón chachasti, khitirutix Jerubaal sapxarakïna, jupax, taqi jupampïkäna ukanakampi wali willjtat sartawayasinxa, Harod chiqan utjir uma jalsu jak'aruw utjnuqtir sarapxäna. Madianitanakan campamentopasti jupanakat amsta tuqin jikxatasïna, Moré qullu kayunkki uka qhirwana.

Jueces 9:1

Gedeonan Abimélec yuqapax Siquem chiqaruw saräna, taykapan wila masinakapamp parliri, jupanakarusti sänwa: