Génesis 12:8 - Qullan Arunaka DC

⁸ Ukatsti Betel markat inti jalsu tuqiruw sarxäna, kawksantix qullunakax utjkän uksaru, uka chiqan chhujllanakap sayt'ayäna. Betel markat inti jalanta tuqiru, Ai markat inti jalsu tuqiru. Uka chiqansti Abram chachax yaqha altar lurt'äna, ukansti Tatituruw art'asirakïna.

Aymar Bibliia 1986

⁸ Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Qullan Arunaca

⁸ Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Génesis 12:8 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 13:3

Négueb tuqitsti juk'at juk'at kuttanxäna, Betel markar puriniñkama, ukatsti kawkharutix nayraqatax utjnuqtkatayna uka chiqaruw kuttxäna, Betel, Ai sata markanak taypiru.

Génesis 13:4

Uka chiqan nayrax Tatitur yupaychañatak mä altar luratayna, ukan Tatitur yupaycharakïna.

Génesis 21:33

Beerseba chiqansti Abrahamax mä tamarisco quqa ayruntäna, ukatsti wiñay jakir Tatit Diosaruw art'asirakïna.

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Génesis 26:25

Ukhamasti Isaacax uka chiqan mä altar luräna, ukatsti Tatituruw art'asïna. Uka chiqarurakiw chhujllap sayt'ayäna, uywatanakapasti yaqha phuch'u allsupxarakïna.

Génesis 28:19

Uka chiqansti nayrax mä markaw utjatayna, uka markasti “Qhana” satänwa, ukampis Jacobux Betel sasaw uka markar sutichäna, ukasti ‘Tatit Diosan utapa’ sañ muni.

Génesis 31:25

Labanasti Jacoburux Galaad qullunakan jikxatäna, kawkharutix Jacobux utjnuqtkatayna uka chiqaru. Labanasti uka chiqarurakiw wila masinakapampix utjnuqtarakïna,

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Génesis 35:3

Jank'ak Betel uraqir sarxañäni, ukan nayax mä altar sayt'ayä, kawkïr Diosatix nayaru llakisiñaxan jikxataskasin yanapt'kitäna, ukhamarak kawkirutix sarkta ukan nayamp chikäskäna uka Diosar yupaychasa.

Génesis 35:7

Uka chiqan Jacobux mä altar sayt'ayäna, uka chiqarusti “Tatitun Utapa” sasaw sutichäna, kunapachatix jupax jilapat jaltkäna ukapacha, uka chiqan Tatitux jupar uñstatapata.

Génesis 4:26

Set chachasti mä wawanirakïnwa, jupasti Enós satänwa. Uka urunakatpach jaqinakax Tatitun sutip art'asis yupaychañ qalltapxäna.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

Nehemías 11:31

Benjamín ayllunkirinakasti: Gueba, Micmás, Aías, ukhamarak Betel jisk'a markanakapan jakañatak utt'asipxäna.

Salmos 116:4

Nayasti Tatitun sutip art'asta: “Tatay, jakañax qhispiyita” sasa.

Éxodo 17:15

Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,

Isaías 10:28

Uñisiristi Rimón tuqit juti, Aiat siski uka chiqaruw puri, Migrón siski uka chiq sarakipi, q'ipipsti Micmás siski uka chiqaruw jayti,

Joel 2:32

32 (5) Khitinakatix Tatitun sutipar art'askani ukanakaw jiwañat qhispipxani, Sión qulluna, Jerusalén markana qhispiyasiñax utjani, Tatitun arsutaparjamaw phuqhasini. Khitinakarutix Tatitux ajlliskatayna ukanakax jakasipkaniwa.

Hechos 2:21

Tatitun sutipar art'asir jaqinakasti, qhispiyasiñ jikxatapxani” sasa.

Hebreos 11:9

iyawsañap utjatap laykuw yaqha markankir jaqjam jakasïna, Diosax kawkïr uraqtix jupar churañatak arskän uka uraqina. Jupax chhujllu utanakan jakasïna, ukhamarak Isaac, Jacob chachanakasa, jupanakasti, Diosax jupanakar churañatak arskäna uka uraq katuqapxarakïna.

Josué 18:22

Bet-arabá, Semaraim, Betel,

Josué 22:10

Kunapachatix Rubén, Gad, ukhamarak Manasés ayllunkir chikat jaqinakapax Jordán jawirar puripkän ukkhaxa, Canaán uraqinkkasin, jawir thiyar mä jach'a altar lurapxäna.

Josué 7:2

Josué chachax Jericó markatpach Ai chiqar mä chachanak khithäna, uraqi uñaqanipxañapataki, uka markasti Betel chiqat inti jalsu tuqinkänwa Bet-avén jak'ana. Jupanakas sarasax Ai marka uñaqanipxäna,

Josué 8:12

Josué chachax niya phisqa waranqa jaqinak imantäna Betel, Ai taypiru, markat inti jalanta tuqiru,

Josué 8:17

Janiw mä jaqis Ai, Betel markanakan qhiparkänti, taqinipuniw israelitanakar arktañatakix mistupxäna; ukatsti markaparux jan arxatirini apanukuwayapxäna.

Josué 8:3

Josué chachasti taqpach soldadonakapampiw Ai markar sarañatak wakicht'asïna. Kimsa tunk waranqa nuwasir jaqinak ajllïna, jupanakarusti arumaw khithäna, akham iwxt'asa:

Josué 8:30

Ukatsti Josué chachax mä altar Israelan Tatitu Diosapatakix Ebal qullun luräna,

Josué 8:9

Ukatsti Josué chachax sarapxam sasaw ejercitopar khithanuküna, jupanakasti sarasax Betel, Ai markanak taypiruw, inti jalanta tuqir imantasipxäna, ukchañkamasti Josué chachax campamenton uka arumax qhiparäna.

Jueces 6:24

Gedeonasti ukawjan Tatitur jach'añchasaw mä altar sayt'ayäna, ukarusti “Tatituw samarañaxa” sasaw sutichäna. Uka altarasti Ofrá markankaskiwa, Abiézer wila masi taman markapana.

1 Samuel 30:27

Ukhamarakiw khitinakatix Betel chiqan utjapkän ukanakarux churäwinak apayäna, Néguev chiqan Ramot ukankirinakaru, Jatir,