Génesis 11:3 - Qullan Arunaka DC

³ Mä urusti jupanakkamaw aruskipasipxäna akham sasa: “Ladrillonak lurañäni, ukatsti ninaruw phichsuñäni” sasa. Ukhamat ladrillonakxa qalanak lanti apnaqapxäna, mezcla lantsti asfalto apnaqapxarakïna.

Aymar Bibliia 1986

³ Mä urusti jupanaccamaw parlt'asipjjäna aqham sasa: “Ladrillonac lurañäni, ucatsti ninaruw phichsuñäni” sasa. Uqhamwa ladrillonaca apnakjjapjjäna kalanac lantjja, ucatsti mezcla lantjja asfalto apnakjjapjjaraquïna.

Qullan Arunaca

³ Mä urusti jupanaccamaw parlt'asipjjäna aqham sasa: “Ladrillonac lurañäni, ucatsti ninaruw phichsuñäni” sasa. Uqhamwa ladrillonaca apnakjjapjjäna kalanac lantjja, ucatsti mezcla lantjja asfalto apnakjjapjjaraquïna.

Génesis 11:3 Jak'a apnaqawi uñst'ayäwi

Génesis 11:4

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Génesis 11:7

Ukhamasti parlanakap mayjt'ayir saraqañäni, ukhamat jupanakkama jan kuna parlatanakapsa amuyasipxañapataki” sasa.

Génesis 14:10

Taqi uka Sidim qhirwa tuqinsti walja asfalto phuch'unakaw utjäna, kunapachatix Sodoma, Gomorra markan reyinakapax nuwasïwit jaltapkäna ukkhaxa, uka asfalto phuch'unakaruw jalantapxäna. Mayni reyinakasti qullunakaruw jaltxapxäna.

2 Samuel 12:31

uka markan qhiparir jaqinakarusti, ananukusin wali ch'ama lurañanakan jupanakar irnaqayäna, serruchonakampi, piconakampi, hierro hachanakampi, ukatsti ladrillo lurañ hornonakan jupanakar irnaqayäna. Uka pachparak taqi amonita markanakarux luräna, ukatsti taqi soldadonakapampiw Jerusalén markarux kuttanxäna.

Salmos 64:5

5 (6) Ñanqha lurañatakix purapat ch'amañchasipxi; jamasar imantat sipitanak uchañatakiw amtapxi, janis khitis uñjkaspa ukham amuyapxi,

Éxodo 1:14

Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna.

Éxodo 2:3

juk'amp jaya urunak jan imxäsiñjamïpansti, jupax totoranakat lurat mä canastaruw asfaltompi, alquitranampi lluch'ikipäna, p'iyanakat uman jan mantañapataki, ukat uka canastar wawa ichuntasin Nilo jawir thiyan utjir totoranak taypir jaytanïna.

Proverbios 1:11

Inas sapxchïtam: “Jutam, nanakamp chik saraskam, munañasar mä sipit wakichañäni, uka chiq sarakipaskir aski jaqir jiwayañataki.

Eclesiastés 2:1

Ukat naya pachpaw chuymaxan sarakta: “Jichhax nayax kusisiñan yant'ä; kunatix sumäki ukampiw jakäwixan kusisi” sasa. ¡Ukampis ukax inamayarukiw tukuwayi!

Isaías 5:5

Walikiwa, jumanakaw nayan uva yapuxäpxtaxa, jichhax kuntix jumanakampi lurañ amtkta uk sapxäma: tukjatäpxañamatakix janiw arxatxapxämati, markaman pirqapsti aptxarakïwa ukhamat taksutäpxañamataki;

Isaías 65:3

Uka markax nayarux ñanqhachapunituwa; k'ari diosanakaruw wilañchanak luqtaski, ladrillot lurat altaranakxan incienso q'uphicharaki.

Isaías 9:10

10 (9) “Ladrillonakat lurat utanaksa liwinukusipkpan; jiwasanakax qalat yaqha utanak sayt'ayasiñani. Uta q'irunaksa khuchhurasipkpan, jichhax cedro suma ch'ullqhi lawat uskusxañäni” sasa.

Nahúm 3:14

Uñisirinakamar saykatañatak walja uma imasiskäta ukasa; janiw kunatakis askïkaniti. Pirqanakam jach'aptayañatak walja ñiq'i tikanak luraskäta ukasa,

Hebreos 10:24

Maynit maynikam yanapt'asiñatak ch'amachapxañäni, juk'ampi munasiñ utjañapataki, aski luräwinak lurañataki.

Hebreos 3:13

Jan ukasti, maynit maynikam sapür ch'amachasipxam, pachax “jichhür” utjkipana, kunjämtix Qillqatax siski ukarjama, ukat jumanakat jan maynis juchampi atipjayasiñapataki, ukatsti chuymapas jan kutkatasir tukuñapataki.

Santiago 4:13

Jumanaka, akham arsurinak ist'apxam: “Jichhüru, jan ukax qharürus khä markaruw sarapxañäni, ukansti mä maraw alakip lurañäni, ukatsti qullqi jikxatañäni” sasa,

Santiago 5:1

¡Qamirinaka, aka arunak ist'apxam! ¡Jachapxam wararipxarakim kuna chijinakatix jumanakxar jutkan ukanakata!