Génesis 11:3 - Qullan Arunaca

³ Mä urusti jupanaccamaw parlt'asipjjäna aqham sasa: “Ladrillonac lurañäni, ucatsti ninaruw phichsuñäni” sasa. Uqhamwa ladrillonaca apnakjjapjjäna kalanac lantjja, ucatsti mezcla lantjja asfalto apnakjjapjjaraquïna.

Aymar Bibliia 1986

³ Mä urusti jupanaccamaw parlt'asipjjäna aqham sasa: “Ladrillonac lurañäni, ucatsti ninaruw phichsuñäni” sasa. Uqhamwa ladrillonaca apnakjjapjjäna kalanac lantjja, ucatsti mezcla lantjja asfalto apnakjjapjjaraquïna.

Qullan Arunaka DC

³ Mä urusti jupanakkamaw aruskipasipxäna akham sasa: “Ladrillonak lurañäni, ukatsti ninaruw phichsuñäni” sasa. Ukhamat ladrillonakxa qalanak lanti apnaqapxäna, mezcla lantsti asfalto apnaqapxarakïna.

Génesis 11:3 Jak'a apnaqawi uñst'ayäwi

Génesis 11:4

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Génesis 14:10

Take uca Sidim valle tokensti walja asfalto phuch'unacaw utjäna, cunapachatejj Sodoma, Gomorra marcan reyinacapajj nuwasïwit jaltjjañ munapjjän ucapachasti uca asfalto phuch'unacaruw jalantapjjäna. Mayni reyinacasti kollunacaruw jaltjjapjjaraquïna.

2 Samuel 12:31

Uca marcan khepariri jakenacarusti ansunisinjja serruchonacampi, fierro yawiñanacampi, hachanacampi irnakayaraquïna, uqhamaraqui ladrillo hornonacansa. Uca pachparacwa take amonitanacan marcanacapampejj luräna, ucatsti take soldadonacapampiw Jerusalén marcarojj cuttanjjäna.

Salmos 64:5

Ñankha lurañataquejj purapat ch'amañchasipjje; jamasat sipitanac uchañataquiw amtapjje, janis qhitis uñjcaspajj uqham amuyasipjje,

Éxodo 1:14

Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Éxodo 2:3

Ucampis jan juc'ampi jaya urunaca imjjäsiñjamätap laycusti, mamapajja totoranacat lurata mä canastaruw asfaltompi, uqhamarac alquitranampi josk'süna p'iyanacata umajj jan mantañapataqui, ucatjja uca canastaru wawa ichuntasinjja Nilo sat jawir thiya totoranac taypiruw jaytanïna.

Proverbios 1:11

Inas sapjjaracchïtam ‘Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Eclesiastés 2:1

Ucatjja chuymajjanjja saractwa: “Jichhasti nayajj yant'äwa cusisiñana; suma jacañanwa jicjjatasï” sasa. ¡Ucampis ucajja inamayaruquiwa tucuwayi!

Isaías 5:5

Waliquiwa, jichhasti sapjjämawa cuntejj uva yapojjampi lurañ amtcta uca: Cunampi muyuntatäcäntejj ucjja aptjjäwa uqhamat tucjapjjañapataqui, perkapsti aptjjaraquïwa uqhamat taquisipjjañapataqui,

Isaías 65:3

mä marca, cawquïritejj nayan ajanojjaru sapüru ñankhachquitu; diosanacarusti pankar yapunacan sacrificionac loktasipjjaraqui, ladrillot lurat altaranacjjan incienso naqhayasipjjaraquïnjja;

Isaías 9:10

“Ladrillonacajj liwisjjewa, ucampis kalampiw jichhajj perkt'jjañäni. Sicómoro sat viganacsa qhuchhurapjjewa, ucampis jichhajj cedro sat suma ch'ollkhe lawatwa uscuñäni” sasa.

Nahúm 3:14

Uñisirinacamampi muyuntata uñjascäta ucataquejj um phokhantasim; sayt'asiñanacamarusti juc'ampi yapjjatam, uma ñek'eru mantam, ñek'e taquiraquim; ladrill lurañ moldenac caturaquim.

Hebreos 10:24

Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa.

Hebreos 3:13

Ucampis, maynit maynicam sapüru ch'amacht'asipjjam, jichhüru tiempojj utjquipana, jan qhitis jumanacat juchamp atipjatäñapataqui, ucat chuymapajj jan wal tucuñapataqui.

Santiago 4:13

Qhitinacatejj aqham sapjjta: “Jichhürojj jan ucajj kharürusa uca marcaruw sarañäni, ucansti maraw utjañäni, alaquipa lurañäni, kollke jicjjatañäni” uc sirinacajj ist'apjjam:

Santiago 5:1

Ist'apjjam aca arunaca, kamirinaca: Jachapjjam, wararipjjaraquim cuna jan walt'añanacatejj jumanacjjaru jutcanis ucanacatjja.