Éxodo 6:7 - Qullan Arunaka DC

⁷ Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Aymar Bibliia 1986

⁷ Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Qullan Arunaca

⁷ Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Éxodo 6:7 Jak'a apnaqawi uñst'ayäwi

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

1 Reyes 20:28

Uka pachasti Tatitun mä profetapaw Israelan reyipan ukar saräna, juparusti sänwa: —Tatitux akham siwa: “Sirio jaqinakax sapxiwa: ‘Tatitux qullunakankir diosawa, janiw qhirwanakankir diosäkiti’ sasa, jichhasti nayaw uka jach'a ejercitorux amparamar katuyäma, ukhamat jumax yatïta nayan Tatitütaxa” —sasa.

1 Reyes 8:60

ukhamat aka uraqinkir taqi markanakax, Tatitun Diosätapa, yaqhax jan utjatapa yatipxañapataki.

Nehemías 1:10

“Nanakax juman uywatanakamäpxtwa, juman markamäpxaraktwa, jach'a ch'amamampiw Egipto markat irpsusinipxistaxa.

Salmos 100:3

Tatitun Diosätap uñt'apxam; jupaw irnuqistu, jiwasanakax jupankapxtanwa; jupan markapäpxtanwa, ovej tamapäpxaraktanwa.

Salmos 81:6

6 (7) “Jatxattir q'ipim kallachimat apaqxsma, ch'ama tukuñ lurañamat samart'aysma.

Éxodo 13:14

Ukatsti wawanakamatix qhipür jiskt'apxätam: ‘¿Kunatsa uka wilañchanak lurapxta?’ sasaxa, jumanakax sapxätawa: ‘Tatituw jach'a ch'amapamp Egipto uraqit irpsunipxitu, t'aqhisiyat jakañata.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 14:18

Kunapachatix faraonampiru, taqpach ejercitopampiru, ukhamarak carronakaparus nayan ch'aman kankañax uñacht'aykä ukapachaw Egipcio jaqinakax nayan Tatitütax yatipxani —sasa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 15:2

Q'uchuxax Tatitutakiwa, jupaw ch'amañchirixaxa, qhispiyirixasa. Jupaw Diosaxaxa, juparuw yupaycharakï; jupaw awkixan Diosapaxa, juparuw jach'añcharakï.

Éxodo 16:12

—Nayax israelitanakan arusitanakap ist'twa. Jupanakamp parlam, akham sarakim: “Jayp'thapirux aycha manq'apxäta, willjtarusti sist'asiñkamaw t'ant'a manq'apxarakïta. Ukhamat jumanakax yatipxäta nayan jumanakan Tatit Diosamätaxa” —sasa.

Éxodo 16:6

Ukat Moisesampi, Aaronampix israelitanakar sapxäna: —Jayp'uruw yatipxäta Tatitun jumanakar Egiptot irpsunitapa,

Éxodo 2:11

Mä urusti, Moisesax wali waynäxän ukkhaw marka masinakapar tumpt'ir saräna, jupanakan ch'ama lurañanakan irnaqasipkatap amuyasina. Ukatsti akatjamat uñjäna mä egipcio jaqin mayni hebreo masipar nuwjaskiri;

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 7:17

Ukat Tatitux saraki: ‘Jichhaw yatïta nayan chiqa Tatit Diosätaxa.’ Aka thujruxamp jawir umar jisktkä ukkhaxa, umax wilaruw tukuni.

Isaías 41:20

Ukhamat taqinis uñjapxani, yatipxarakini, taqi ch'amaxampi taqi ukanak lurataxata. Ukapachaw yatipxarakini nayax Israelan Qullan Diosapätaxa.”

Isaías 49:23

Reyinakaw jumanakar uywasir awkinakamäni, reyinakan phuchhanakapasti wawa uywirinakamarakïniwa. Jupanakasti juma nayraqatan uraqkamaw alt'asipxani, laq'arar kayunakamsa jamp'att'apxarakïtamwa. Ukapachaw jumax nayan Tatitütax yatïta, khitinakatix nayar iyawsapki ukanakasti, janiw p'inqachjat uñjasipkiti.”

Isaías 49:26

Jumar t'aqhisiyirinakarusti, pachpa janchip manq'asiyä, pachpa wilapampiw vinompjam macharapxani. Ukhamat taqi jaqinakax yatipxani naya sapaki Tatit Diosätaxa, nayätwa taqi ch'aman Tatituxa, Israel markar qhispiyirixa.”

Isaías 51:15

“Nayätwa Tatit Diosamaxa, sutixasti Taqi Ch'amani Tatitu satawa; nayaw jach'a qutxa unxtayta, uka mathapinaksa jach'aruw sartayta,

Isaías 60:16

Markanakasti suma manq'anakap churapxätam, reyinakasti qamir kankañanakap apanipxani; ukapachaw jumanakax yatipxäta naya, ch'amani Tatitun Israel markar qhispiyirïtaxa.

Isaías 63:8

Tatitux siwa: “Jupanakax nayan markaxawa, aka wawanakaxax janiw ch'uxña lurapkitaniti” sasa.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Ezequiel 20:19

Jupanakarusti sarakïyätwa: Nayätwa jumanakan Tatitu Diosamaxa, kamachinakaxsa, arsutanakaxsa sum phuqhapxam,

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 11:45

Nayätwa Tatituxa, nayarakiw jumanakan Diosamäñaxatak Egipto markat irpsunipxsma. Jumanakax qullanäpxañamawa nayan qullanätax layku.”

Números 15:41

Nayätwa jumanakan Tatit Diosamaxa, nayaw jumanakan Diosamäñatak Egipto uraqit irpsunipxsma. Nayätwa jumanakan Tatit Diosamaxa” sasa.

Mateo 22:32

“Nayax Abrahamana, Isaacana, Jacobun Diosapätwa” sänwa. ¡Diosax janiw jiwatanakan Diosapäkiti, jan ukasti jakirinakan Diosapawa! —sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 14:2

Jumanakax Tatit Diosamatak yaqhachat markäpxtawa; jupaw aka uraqin utjir taqi markanak taypit jumanakar ajllisipxtam, jupan markapäpxañamataki.

Deuteronomio 26:18

Tatitusti jichhüruw qhanañcharaki, juma Israel markan jupan markapätama, kunjämatix arupampi arsuwayktam ukhama, taqi kamachi arunakap phuqhañamataki.

Deuteronomio 29:12

12 (11) Tatit Diosamax jichhürun jumanakamp arust'äwi lurkani uk phuqhañatakiw akankapxtaxa.

Deuteronomio 29:13

13 (12) Jichhüruw uñt'ayasi jumanakax jupan markapäpxatama, jupasti jumanakan Diosamätaparaki, kamisatix Abraham, Isaac, Jacob nayra awkinakamar arsuwaykatayna ukhamarjama.

Deuteronomio 29:5

5 (4) Nayax pusi tunka maraw wasaranjam irpanipxsma, taqi uka maranakansti janiw isimasa, wiskhumasa mirq'iskänti.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

1 Pedro 2:10

Jumanakax nayrax janiw mä markäpkayätati, jichhasti Diosan markapäxapxtawa. Nayrax jupax janiw jumanakat khuyapayaskänti, ukampis jichhax khuyapayasxapxtamwa.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.