Éxodo 6:8 - Qullan Arunaka DC

⁸ Jumanakarusti kawkha uraqtix Abrahamaru, Isaacaru, Jacobur churañ arskäyät ukaruw irpapxäma, ukatsti Naya Tatituw jumanakar uka uraqi churxapxäma” sasa.

Aymar Bibliia 1986

⁸ Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma” sasa.

Qullan Arunaca

⁸ Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma’ sasa.

Éxodo 6:8 Jak'a apnaqawi uñst'ayäwi

Génesis 14:22

Ukampis Abram chachax sarakïnwa: —Alaxpacha, akapach lurir jach'a Diosaruw juramentompi arsta,

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Nehemías 9:15

Manq'at awtjatäpkäna ukkhasti sist'asipxañapatakix alaxpachat t'ant'a churantaxa, umat pharjatäpkäna ukkhasti umt'apxañapatakix qarqat uma jalsuyaraktaxa. Ukatsti jupanakar churañatak arsut uraqiruw mantayaraktaxa.

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 6:2

Diosax Moisesar akham säna: —Nayätwa TATITUXA.

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Ezequiel 20:15

“ ‘Wasaran jupanakarux juramentompi arsurakta, jupanakar churata uraqir jan mantayañataki, yaqha uraqinakat sipan wali suma uraqiru, kawkhantix leches, misk'is umjam jalaski uka uraqiru.

Ezequiel 20:23

Wasaransti jupanakarux juramentompiw arsurakïyäta, taqi markanak taypiru ananukuñataki,

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 20:42

“ ‘Ukatsti kunapachatix nayax Israel uraqir puriyxapxäma, nayra awkinakamar churañatak arsuta uraqiru, ukapachaw jumanakax nayan Tatitütax yatipxäta.

Ezequiel 36:7

Uka laykuw naya Tatitux jichhax juramentompi arsta, jumanak jak'ankir markanakax p'inqachjataw uñjasipxani.

Ezequiel 47:14

Nayasti jumanakan nayra awkinakamaruw aka uraqi churañatak juramentompi arsüyäta. Jichhax taqinis mä ukch'akamak jaljasipxam. Aka uraqisti jumanakan uraqimäniwa.

Números 10:29

Mä urusti, Moisesax warmipan jilaparuw jawsäna, ukasti Hobab satänwa, Reuel sat madianita chachan wawaparakïnwa, juparusti akham säna: —Tatitux churapkitani uka uraqiruw nanakax sarasipkta. Jutam, nanakamp chik saram, nanakax sum uñjapxäma, Tatitux arupampiw arsu Israel markar munasiñamp uñjañataki —sasa.

Números 11:12

¿Nayasti jupanakan awkipätti, taykapätcha, nayra awkinakapar churañatak arsut uraqir puriyañkam ñuñur wawanakarjam amparaxar ichuskañatak nayar mayiñamatakisti?

Números 14:30

Jumanakat janiw maynis jumanakar churañatak arskta uka uraqir mantkaniti, Caleb chachampi, Josué chachampikiw uka uraqirux mantapxani.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Deuteronomio 32:40

Alaxpacharuw amparax aytta, wiñay jakañax laykuw juramento lurarakta,

Deuteronomio 4:31

Diosan suma chuymanïtap laykux janiw jaytanukupkätamti, t'unjapkätamsa, janiw awkinakamamp lurat arust'äwit armaskaniti, janirakiw arupampi arsuwayki ukanak phuqhañsa armaskaniti.

Josué 24:13

Nayaw jumanakarux jan yapuchapkta uka uraqinak churapxsma, janirak sayt'ayapkta uka markanaksa churapxsma. Jichhasti jumanakax ukan jakapxtaxa, ukatsti uvanaka, aceitunanaka manq'apxtaxa, kawkïrinaktix jan yapuchapkta ukanaka’ —sasa. Josué chachasti saskakïnwa:

Apocalipsis 10:6

ukatsti mä juramento lurarakïna, khititix wiñayatak jakki, khitirakitix alaxpachsa, akapachsa, qutsa, ukan utjir taqi kunsa lurki ukan sutiparu. Sarakïnwa: “Janiw jichhax juk'ampi suyaskxaniti,

1 Samuel 15:29

Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.