Éxodo 4:1 - Qullan Arunaka DC

¹ Moisesasti Tatiturux wasitat säna: —Israelan jilïrinakapax janiw yäqapkitaniti, janirakiw ist'añsa munapkitaniti, jan ukasti sapxitaniwa: “Janiw Tatitux uñstkpachätamti” —sasa.

Aymar Bibliia 1986

¹ Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: “Tatitojj janiw jumarojj uñstcpachätamti” —sasa.

Qullan Arunaca

¹ Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: ‘Tatitojj janiw jumarojj uñstcpachätamti’ —sasa.

Éxodo 4:1 Jak'a apnaqawi uñst'ayäwi

1 Reyes 13:3

Ukürpachaw profetax muspharkay mä chimpu uñacht'ayäna. Sarakïnwa: “Tatitun yatiyat qhanañchäwi chimpupax akawa: Altarax jisk'a jisk'aruw tukuni; uka altar patxankki uka qhillasti willitattaniwa” sasa.

Éxodo 2:14

Uka hebreo jaqisti Moisesar sänwa: —¿Khitirak jumarusti nanak taypiru jilïrita, taripiritsa uchtamsti? ¿Kunjämtix mayni egipcior jiwaykta ukhamti nayar jiwayañ munarakista? —sasa. Moisesasti uka arunak ist'asin axsarayasïnwa, egipcio jaqir jiwayatap yatipxatap amuyasina.

Éxodo 3:15

Diosasti Moisesar saskakïnwa: —Israelitanakarux sarakim: “Abraham, Isaac, Jacob uka nayra awkinakaman Tatit Diosapaw nayar jumanakan ukar khithanitu.” Jupax siwa: Akaw nayan wiñayatak amtasiñ sutixaxa, ukaw wiñayan wiñayapatak sutixaxa.

Éxodo 3:16

Jichhasti saram, israelitanakan jilïrinakap tantachthapisin jupanakar sarakim: “Abraham, Isaac, Jacob, nayra awkinakaman Tatit Diosapaw nayar uñstasin akham situ: ‘Nayax jumanakar ist'apxsmawa, kunjämtix Egipton jumanakar lurapktam ukanaksa uñjaraktwa.

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Éxodo 4:10

Moisesasti Tatiturux sänwa: —¡Tatay! Nayax janiw sum parlirïkti. Nayax parlkta ukkhax khakt'irïtwa, janiw arunaksa suma arsurïkti, ukat nayarux jan khitis yäqkituti, wawatpach ukhamätxa —sasa.

Éxodo 4:30

Aaronasti kunanaktix Tatitux Moisesar siskatayna ukanak jupanakarux yatiyäna, Moisesasti jupanak nayraqatanxa, kawkïr muspharkañ chimpunaktix Diosax lurañapatak siskatayna ukanak lurarakïna.

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Éxodo 6:12

Moisesasti ukxaruw Tatitur sarakïna: —Janiw israelitanakas ist'apkituti, ¿kunjämarak faraonasti nayar ist'itanisti? Nayax janiw sum parlirïkti —sasa.

Éxodo 6:30

Moisesasti sarakïnwa: —Tatay, nayax janiw sum parlirïkti, ukhamasti, ¿kunjämarak faraonasti nayar ist'itaspasti? —sasa.

Jeremías 1:6

Nayasti saraktwa: “¡Tatay! ¡Nayax wawäsktwa, janiw jaqinak taypin parlañ yatkti!” sasa.

Ezequiel 3:14

Tatitun ch'amapaw nayarux aptitu ukatsti uka chiqat apsunirakitu, nayasti wali llakt'ata mayjt'ataw sarxarakta, ukchañkamasti Tatitux amparapampiw wali waythapirakitu.

Hechos 7:25

Jupax israelita jilanakapan amuyasipxañap munäna, Diosax jupanakar jupa tuqi t'aqhisiñat antutnukkani uka; ukampis jupanakax janiw uk amuyasipkänti.

Jueces 6:17

Ukatsti Gedeonax sänwa: —Nayatix jumatakjamästa ukaxa, mä uñacht'äwi churita, juman nayar parlaskatam yatiñataki.