Éxodo 34:16 - Qullan Arunaka DC

¹⁶ jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.

Aymar Bibliia 1986

¹⁶ Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Qullan Arunaca

¹⁶ Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Éxodo 34:16 Jak'a apnaqawi uñst'ayäwi

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

1 Reyes 11:1

Salomón reyix faraonan phuchhapat, yaqha markankir walja warminakaruw munarakïna: moabita, amonita, edomita, sidonia, hitita, warminakaru;

1 Reyes 21:25

(Janiw khitis Ahab reyjam utjkänti, Jezabel warmipan amtayatap layku Tatitun nayraqatapan jan walinakaki luririxa.

2 Crónicas 21:11

Ukxarusti Joram reyix Judá qullu patanakanxa yaqha diosanakar yupaychañ utanak lurayäna, jupaw Jerusalenankir jaqinakan Tatitur jan sum arkañapatakix juchanïna, Judá markarux maysaruw saranukuyäna.

Esdras 9:12

Sapxarakistawa, phuchhanakaxax uka jaqinakan yuqanakapamp jan jaqichasipxañapataki, janirak jupanakan phuchhanakapas yuqanakaxamp jaqichasipxañapataki. Janipun kunapachas uka jaqinakan samarañanakapsa, sumankañapsa munañanakaxa, ukhamata nanakax ch'aman sarantañataki, aka uraqin utjir suma achunakapat manq'asiñataki, kusisit jakañatakiraki, ukatsti wawanakaxampiru, allchhinakaxampir tutipäkaspas ukham wiñayatak jaytañataki.

Esdras 9:2

Jupanakasa, yuqanakapasa uka markankirinakan phuchhanakapampiw jaqichasipxi; ukhamasti Tatitun markapax yaqha markanakankir jaqinakampiw mayachasxapxi. Nayraqatax jilïrinakampi, marka apnaqirinakampiw juch lurapxi” sasa.

Nehemías 10:30

30 (31) Ukhamarusa, nanakax taqiniw arsupxta, imill wawanakaxaru, jani yaqha markanakankir jaqinakampi jaqichañataki, janiraki jupanakan imill wawanakapasa yuqall wawanakaxampi jaqichasipxañapataki.

Nehemías 10:31

31 (32) Ukhamaraki, sábado urunsa, mä phunchhäwi urunsa, yaqha markankir jaqinakax achunakapa, ukhamaraki kunaymani granonaksa aljañataki apanipkaspa ukkhaxa, jan kuns jupanakat alasiñataki; uka pachparaki, paqallqüri maranxa uraqi samarayañataki, taqi manunak pampachañataki.

Nehemías 13:23

Uka urunakan uñjarakta yaqhip judionakaru Asdod, Amón, Moab uka markanakankir warminakamp jaqichasiri;

Nehemías 13:25

Ukat jupanakar tuqinuqta, ñanqhacharakta. Yaqhipanakarusti nuwjtwa, ñik'utanakap jik'irarakta, ukatsti Tatit layku juramento lurañapatakiw wayt'arakta, jupanakasa, yuqanakapasa, phuchhanakapas janipun yaqha markat jutir jaqinakamp jaqichasiñapataki. Ukxarusti saskaktwa:

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Levítico 21:15

ukhamat taqi jaqinakap taypin wawanakapax jan jisk'achatäñapataki; naya Tatituw juparux nayatak yaqhachasta uka layku.”

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

Jueces 14:3

Ukampis awkip taykapax sänwa: —¿Kunatarak jumasti uka filisteo jucharar jaqinak taypiru warmi thaqhir sartasti? ¿Janit warmix wila masinakas taypina, jan ukax israelitanak taypin utjkisti? —sasa. Sansonasti sänwa: —Uka tawaquruw walpun munta, nayan warmixäñapatak irpaqanirapipxita —sasa.

Jueces 3:5

Ukhamawa, israelitanakax jakañ qalltapxäna cananeo, hitita, amorreo, ferezeo, heveo, jebuseo jaqinak taypina,

Jueces 3:6

israelitanakan yuqanakapasa, phuchhanakapasa, uka markanakankir jaqinakan yuqanakapampi, phuchhanakapampiw jaqichasipxäna, ukatsti diosanakaparuw yupaychapxarakïna.

Jueces 8:27

Uka qurimpisti Gedeonax mä ídolo lurayäna, uksti Ofrá sat markaparuw uchayäna, Israel markpachaw uka ídolo laykux Tatitut armt'asis jan sum arkapkänti, Gedeonatakisa, wila masinakapatakisa ukax sipitar uñtatänwa.