Éxodo 32:1 - Qullan Arunaka DC

¹ Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.

Aymar Bibliia 1986

¹ Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.

Qullan Arunaca

¹ Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.

Éxodo 32:1 Jak'a apnaqawi uñst'ayäwi

Génesis 19:14

Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

Génesis 21:26

Abimélec chachasti ukxaruw sarakïna: —Jichhakamax janipuniw uk yatkayätti, janirakiw jumas yatiykistati. ¿Khitirak uk lurasapänsti? —sasa.

Génesis 39:8

Ukampis Joseax janiw munkänti, sarakïnwa: —Uywirixax taqi yänakap nayar katuyitu, nayan uka yänakap uñjaskataxatsti, jupax janiw kunatsa llakiskiti.

Génesis 44:15

Joseasti sarakïnwa: —¿Kunatsa uk lurapxista? ¿Janit yatipkta, nayan taqi kun yatirïtaxsti? —sasa.

Génesis 44:4

Jupanakasti janïraw markat jayankapkänti, ukapachaw Joseax utap apnaqir jilïrir säna: —Uka jaqinakar arktam, ukatsti jikxatasin sarakim: “¿Kuns ak lurapxista? ¿Kunatsa uywirixan qullqi qirup lunthatsunipxta?

Salmos 106:19

Horeb qullun vaca qallu lursusipxäna, quri umatatayasaw mä dios lursupxäna, ukaruw yupaychapxäna:

Éxodo 13:21

Tatitusti jupanakan nayraqatap thakhi uñacht'ayas saräna, urux mä qinay taypitpach jupanakar irpäna; arumasti mä nina taypitarak jupanakar qhant'ayäna. Ukhamat jupanakax uruy arum sarapxäna.

Éxodo 14:11

Moisesarusti sapxänwa: —¿Kunatakis nanakar Egiptot irpsunipxista? ¿Kunatsa nanakar wasaran jiwarir irpanipxista? ¿Janit Egipton imäwix nanakar imt'añatak utjkänxa?

Éxodo 16:3

Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 24:12

Tatitux Moisesar sänwa: —Qullur makhatanim, nayan ukaru, ukan suyt'ita, nayasti qalat lurat tablanak churäma, ukaruw nayax kamachinakampi, kamachi arunakamp qillqta israelitanakar yatichañataki —sasa.

Éxodo 24:18

Moisesasti qinay taypinjam qullurux makhatäna, ukatsti pusi tunka urumpi, pusi tunka arumampiw qullunkäna.

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 32:22

Aaronasti ukxaruw säna: —Tatay, janiy nayatak q'apisimti. Jumax sum yattaxa aka jaqinakan kunatix jan walïki ukak lurañ munirïtapxa.

Éxodo 32:23

Jupanakax sapxituwa: “Mä dios lurarapipxita nanakar irpañapataki, Egipto markat irpsunipkitu uka Moisesarux kunapunix kamachxchi, janiw kunas yatiskxiti” sasa.

Éxodo 32:7

Ukat Tatitux Moisesar säna: —Qullut saraqxam, Egiptot irpsunkta uka markamax jan walinak lurasipki.

Éxodo 33:3

Sarapxam kawkhantix lechesa, misk'isa umjam jalaski uka uraqiru. Ukampis janiw nayax jumanakamp chik sarkäti, thakhin jumanakar jan tukjaskañaxataki, jumanakax jan ist'asir jaqinakäpxtawa —sasa.

Ezequiel 20:8

“ ‘Ukampis jupanakax kutkatasipxituwa, janiw arunakaxsa ist'añ munapkänti; uka axtaskañ diosanakapatsa janiw jithiqtapkänti, janirakiw Egiptonkir k'ari diosanakapsa apanukuñ munapkänti. Nayasti wali phiñasitapunïyätwa, uka phiñasiñax apaqtayasiñatakix pachpa Egipto uraqin mutuyañ amtäyäta.

Oseas 12:13

13 (14) Tatitux mä profeta tuqiw Egiptot Israel markarux irpsunïna. ¡Mä profeta tuqirakiw juparux sum uñjarakïna!

Miqueas 6:4

Nayaw Egipto markat irpsunsma, t'aqhisiñat qhispiyanisa; nayaw Moisesaru, Aaronaru, Mariarus khithanta, jumar irpsuniñapatakiw khithanta.

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Mateo 24:43

Ak yatipxam, mä utanitix kunapacha lunthatan jutañap yatispa ukkhaxa, jupax janiw ikkaspati, janirakiw lunthatarus utapar kun lunthatsuñatakis mantaykaspati.

Mateo 24:48

Ukampis, uka uywatatix jan wali jaqïspa, ukat chuymapan saspa: Uywirixax janiw jank'as purinkaniti, sasaxa,

Hechos 17:29

Ukhamasti, Diosan wawanakapäkasinxa, janipï amuyañasäkitix Diosax jaqinakan amuyuparjam qurita, qullqita, qalata luratäkaspas ukhama.

Hechos 19:26

Jichhasti jiwasax uñjtanwa, ist'apxaraktanwa, uka Pablo jaqix Éfeso markankirinakaru, taqpach Asia suyunkirinakampiruw parlatapamp mayjt'ayi. Jupax siwa: ‘Jaqinakan lurat diosanakax janiw chiqa diosäkiti’ sasa; uksti walja jaqinakaw iyawsapxi.

Hechos 7:40

Mä urusti, israelitanakax Aaronaruw sapxäna: ‘Diosanak lurarapipxita, nanakar irpañapataki, Egipto markat irpsunipkitu uka Moisesarux ¡kunax kamachxchi!’ sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Deuteronomio 9:1

Moisesasti saskakïnwa: “Israelit jaqinaka, ist'apxam: Jordán jawira khurkatar makhatañampïpxtawa, jumanakat sipan juk'amp jach'a ch'aman markanak katuntapxäta, ukhamarak jach'a pirqanakan uyuchrantat suma markanaksa;

Deuteronomio 9:9

Nayax Horeb qulluruw makhatäyäta, qalat lurat tablanak aptiri, Diosax jumanakampi suma arust'äwi lurkatayna uka qala tablanaka, nayasti pusi tunka urumpi, pusi tunka arumampiw uka qullunkäyäta jan manq'ata jan umata.

Josué 7:13

Sartasim, ukatsti Israel markar tantacham. Jupanakasti wakichasipxpan, nayan nayraqataxan qharüru uñstapxañapataki. Naya, Israelan Tatitu Diosapaw akham arsta: ‘Jumax Israel marka, kunatix taqi tukjatäñapäkän ukat apaqastaxa, janitix jumax ukanak tukjkäta, jaqunukkarakïta ukaxa, janiw uñisirinakamarux saykatkasmati.’

2 Pedro 3:4

akham jiskt'apxarakïtam: “¿Kawkirak Criston ‘jutäwa’ satapasti? Awkinakasas jiwarawayxiwa, aka uraqix utjki ukkhatpach taqi kunas pachpakïskarakisä” sasa.