Éxodo 32:2 - Qullan Arunaka DC

² Aaronasti jupanakar sänwa: —Warminakamana, wawanakaman jinchur uchasiñ quri aretenakap apthapisin akar apanipxam —sasa.

Aymar Bibliia 1986

² Ucatsti Aaronajj sänwa: —Warminacamana, wawanacamana jinchunacapancqui uca kori aretenaca apthapisa apanipjjam —sasa.

Qullan Arunaca

² Ucatsti Aaronajj sänwa: —Warminacamana, wawanacamana jinchunacapancqui uca kori aretenaca apthapisa apanipjjam —sasa.

Éxodo 32:2 Jak'a apnaqawi uñst'ayäwi

Génesis 24:22

Camellonakax umañ tukuyxipansti, uywat jaqix suxta gramon quri surtija tawaqun nasapar uchäna; ukxarusti qurit lurat pä chipana amparanakapar ucharakïna, ukasti patakat jila gramonïnwa,

Génesis 24:47

Ukxaruw jiskt'arakta: ‘¿Khitin phuchhapätasa?’ sasa. Jupasti situwa: ‘Betuel chachan phuchhapätwa, jupasti Nahor chachampina, Milcampin wawapawa’ sasa. Ukat nayax mä surtija nasapar uchta, amparanakaparusa pä chipananak ucharakta,

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 32:3

Ukatsti taqpachaniw jinchur uchasiñ quri aretenak apsusisin Aaronan ukaru apapxäna.

Éxodo 35:22

Ukatsti chachanaka, warminakaw chuymapatjam apanipxäna, t'iriñanaka, surtijanaka, argollanaka, quri wallqanaka, qurit lurat kunayman yänaka. Sapa mayniw Tatitutak yaqhachapkatayna uka quri apanipxäna.

Proverbios 25:12

Yatiñan jaqin chiqachäwi arunakap katuqasir jaqitakix suma quri sortijampiru, suma quri wallqampir uñtatawa,

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Ezequiel 16:17

Nayax churkäyäsma uka qurita, qullqit lurat k'achachasiñanakampisti, chachanakar uñtat luraraktaxa, ukanakampiw q'añu luräwinakar puriraktaxa;

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.