Éxodo 3:1 - Qullan Arunaka DC

¹ Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Aymar Bibliia 1986

¹ Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Qullan Arunaca

¹ Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 3:1 Jak'a apnaqawi uñst'ayäwi

1 Reyes 19:19

Eliasax uka chiqat sarxasin Safat chachan Eliseo yuqaparuw jikxatäna, jupasti tunka payan yuntampiw yapup qhulliskäna. Jupaw qhip sarki uka yunta irpaskarakïna. Eliasasti jupar jak'achasisinxa, jupa patxaruw isip liwxatäna.

1 Reyes 19:8

Eliasasti sartasisin manq'asïna, umt'asirakïna. Uka manq'aw ch'ama churäna pusi tunka urumpi, pusi tunka arumampi thakhinjam sarañataki, Tatitun Horeb qullupar puriñkama.

Salmos 106:19

Horeb qullun vaca qallu lursusipxäna, quri umatatayasaw mä dios lursupxäna, ukaruw yupaychapxäna:

Éxodo 17:6

Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Éxodo 19:11

jurpür willjtatak sum wakichasipxpan, naya, Tatitusti jurpür willjtaw Sinaí qullur saraqanï, taqi israelitanakan uñjkaña.

Éxodo 19:2

Refidim chiqat mistuwayasinsti, Sinaí wasararuw puripxäna, uka pachpan utjnuqtapxarakïna, qullu uñkatasina.

Éxodo 19:3

Mä urusti, Moisesax Diosampi jikisiriw Sinaí qullur makhatäna, Tatitusti qullu patatpach jawsasin jupar sarakïna: —Jacobun israelita wawanakapar aka arunak yatiyam:

Éxodo 2:16

Uka qhipatsti paqallqu tawaqunakaw uka chiqar purinipxarakïna, ovejanakapar umt'ayañatak uma waysuri. Jupanakasti Madián chiqankir Jetró sacerdoten phuchhanakapänwa.

Éxodo 2:18

Tawaqunakax utapar purxapxän ukkhasti, awkipax jupanakar jiskt'änwa: —¿Kunatarak jichhürusti wali urut jutxapxtasti? —sasa.

Éxodo 2:21

Moisesasti iyaw sasaw uka tawaqunakan awkipan utapan jakxäna. Uka qhipatsti Jetró sacerdotex Séfora sat phuchhapampiw Moisesar jaqichxäna.

Éxodo 24:13

Moisesasti sartasin Diosan qulluparuw makhatäna Josué yanapiripamp chika.

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 3:5

Ukat Tatitux sarakïna: —Jan jak'achasinimti, wiskhum apsusim, kawkhankktatix uka uraqix qullanawa.

Éxodo 33:6

Ukat, israelitanakax Horeb qullun jikxatasipkän ukkhatpach suma quri yänakap jan uchaskxapxänti.

Éxodo 4:18

Moisesasti, Jetró awkch'ipan utapar kutt'asin jupar säna: —Egipto markar kutt'añaxawa, kawkhankapkitix marka masi jilanakaxax ukaru. Jupanakax jakasipkpachati janicha uk uñjiriw sarañ munta —sasa. Jetró awkch'ipasti sarakïnwa: —Ukhamax saramaya, walik saräta —sasa.

Éxodo 4:27

Ukchañkamasti Tatitux Aarón chacharuw sarakitayna: “Moisés jilamamp jikisir wasarar saram” sasa. Aaronasti iyaw sasaw saräna, Diosan qullupan Moisesarux jikxatäna, ukansti jamp'att'asaw jupar aruntäna.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Malaquías 4:4

4 (22) “Horeb qullun Moisés luqtirixar churkta uka kamachinakat amtasipxam. ¡Ukanakasti iwxa arunakampi, kamachi arsutanakampiwa taqpach Israel markan phuqhañapataki!

Números 10:29

Mä urusti, Moisesax warmipan jilaparuw jawsäna, ukasti Hobab satänwa, Reuel sat madianita chachan wawaparakïnwa, juparusti akham säna: —Tatitux churapkitani uka uraqiruw nanakax sarasipkta. Jutam, nanakamp chik saram, nanakax sum uñjapxäma, Tatitux arupampiw arsu Israel markar munasiñamp uñjañataki —sasa.

Números 10:33

Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Lucas 2:8

Belén marka jak'ansti, awatirinakaw uka arumax ovejanakap uñjasipkäna.

Hechos 7:30

“Ukat pusi tunka mara qhipatsti, Sinaí qullu jak'a wasaran sarnaqaskäna. Ukansti mä angelaw juparux uñsti, nina aqaskir ch'aphi taypina.

Deuteronomio 1:2

Cadés-barnea sat markar puriñatakisti, Seír qullun thakhipanjam sarasaxa, Horeb qulluta tunka mayan uru sarañäskiwa.

Deuteronomio 1:6

“Jiwasan Tatit Diosasax Horeb qullun jikxataskäyätan ukkhaxa, aka arunak sistu: ‘Jumanakax walja maranakaw aka qullunkxapxtaxa.

Deuteronomio 4:10

“Kunürutix Horeb qullun jumanakax Diosan nayraqatapan jikxatasipkäyäta ukkhaxa, Tatitux nayaruw sitäna: ‘Taqpach markar tantachthapim, arunakax ist'añapataki, jakañanakapan nayar waqaychañ yatiqañapataki, ukatsti wawanakapar kipkarak yatichapxañapataki’ sasa.

Jueces 4:11

Quedes sat chiqa jak'anxa, Saanaim sat encina thiyan Héber sat quenita jaqix utap lurasïna, jupasti mayni quenitanakat jayaruw saraqxatayna, jupanakax Hobab sata, Moisesan awkch'ipat saraqirïpxarakïnwa.

1 Samuel 16:11

Ukatsti Samuelux jiskt'askakïnwa: —¿Janit juk'ampi yaqha yuqanakamax utjkxi? —sasa. Jesé chachasti sarakïnwa: —Sinti sullkäki ukaw utjaski, jupasti ovejanak awatiski —sasa. Samuelux sarakiwa: —Irptayanim, jupan puriniñapkamasti janiw kunatix lurañasäki uk lurkañäniti —sasa.