Éxodo 3:1 - Qullan Arunaca

¹ Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Aymar Bibliia 1986

¹ Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Qullan Arunaka DC

¹ Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Éxodo 3:1 Jak'a apnaqawi uñst'ayäwi

1 Reyes 19:19

Eliasajj ucqhat sarjjasinjja Eliseompiwa jiquisïna, jupasti kholliscänwa. Eliseon nayrakatapanjja tunca payan yuntampiw sarascäna, khepäqui ucsti jupa pachparaquiw irpascaraquïna. Eliasasti jupar jaq'achasisinjja, jupa patjjaruwa capapa liwjjatäna.

1 Reyes 19:8

Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Salmos 106:19

Horeb kollun vaca kall lursusipjjäna, kori umatatayasaw mä dios lursupjjäna, ucaruw yupaychapjjäna,

Éxodo 17:6

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 19:11

Jupanacasti jurpüru alwataquejja suma waquichatäpjjañapawa. Naya Tatitusti jurpür alwaw Sinaí kollurojj sarakanëjja take israelitanacansa uñjcata.

Éxodo 19:2

Jupanacajj Refidim sat chekat mistuwayasinsti, Sinaí wasararu purisinwa ucaru utjantapjjäna kollu uñcatasiru.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 2:16

Uca Madián sat chekansti mä sacerdotew utjäna pakallko phuchani. Ucampis uca chekar purisinjja mä phuch'u jac'aruw kont'asïna. Ucatsti uca urojja uca sacerdotena phuchanacapaw jutapjjäna phuch'ut uma apsusa ovej umañanacaru phokharañataqui, ucata awquipan ovejanacapar umarayañataqui.

Éxodo 2:18

Ucampis cunapachatejj tawakonacajj awquipan ucaru cutt'anjjapjjän ucqhasti, Reuel sat awquipajja sänwa: —¿Cunatsa jichhürojj wali urut jutjjapjjta? —sasa.

Éxodo 2:21

Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 3:5

Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Éxodo 33:6

Ucat israelitanacajj Horeb sat kollutpachwa jaytanucjjapjjäna, janiw uchascjjapjjänti suma yänacapsa.

Éxodo 4:18

Moisesasti, Jetro sat awcch'ipan utapar cutt'asinjja sanwa: —Nayajja Egipto marcar cutt'añajjawa cawqhancapquitejj marca masi jilanacajjajj ucaru. Nayajja uñjaniñwa jupanacarojj munta jacasipcpachati janicha uca —sasa. Ucatsti Jetro awcch'ipajj saraquïnwa: —Uqhamajj saramaya, waliqui —sasa.

Éxodo 4:27

Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Malaquías 4:4

“Jumanacajj amtasipjjamaya cawquïri leyinactï Moisés uywatajjaru Horeb sat kolluna churcta ucanacata. ¡Ucanacasti ewjja arunacänwa, camachi arunacaraquïnwa take Israel marcan phokhañapataqui!

Números 10:29

Moisesasti mä urojj warmipan jilaparuw jawsäna, ucasti Hobab satänwa, Reuel sat madianita chachan wawaparaqui, ucatsti sänwa: —Nanacajj sarasipctwa cawquïri oraktejj Tatitojj churämaw sapquitu ucaru. Jutam, nanacampi chica sarañäni, sum uñjapjjaraquïma, Tatitojj arupampiw arsu Israel marcar munasiñampi uñjañataquejja —sasa.

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Lucas 2:8

Belén jac'ansti awatirinacaw utjäna, jupanacasti pampan arumajj ovejanacap uñjasipcäna.

Hechos 7:30

“Ucat pusi tunca mara pasatatsti, Sinaí sat kollu jac'a wasaranwa sarnakascäna. Ucansti mä angelaw juparojj uñsti, mä nina akasquir jisc'a kokana.

Deuteronomio 1:2

Horeb kolluta Cades-barnea sat chekacamajja, tunca mayan urunac sarañäsquiwa, Seir kollun thaquipanjam sarasajja.

Deuteronomio 1:6

“Jiwasan Tatitu Diosasasti aca arunacwa Horeb sat kollun churistu: ‘Jumanacasti walja maranacaw aca kolluncjjapjjta.

Deuteronomio 4:10

“Cunapachatï jumanacajj Diosan nayrakatapan jicjjatasipjjäyäta Horeb kolluna ucqhajj, Tatitojj nayarojj sitänwa: ‘Tantachthapim takpach marcaru arunacajj ist'apjjañapataqui, uqhamaraqui ajjsarapjjañapataqui jacañ urunacapana, ucatsti wawanacapar quipca yatichapjjañapataqui’ sasa.

Jueces 4:11

Cedes sat marca jac'anjja Zaanaim sat encina jac'an Heber sat quenitajj utapwa lurasïna, jupasti mayni quenitanacatjja jayaruw sarakjjatayna, jupajj Hobab sata, Moisesan awcch'ipat sarakeriraquïnwa

1 Samuel 16:11

Ucat Isaí jakerojj jisct'äna: —¿Janit juc'ampi yokanacamajj utjcjje? —sasa. —Sinti sullcäqui ucaw utjasqui, jupasti oveja awatiriwa —sasaw Isaí chachajj saraquïna. —Irptayanim. Jupan puriniñapcamajja janiw cunatejj lurañasäqui ucjja lurcañäniti —sasaw Samuelojj saraquïna.