Éxodo 24:3 - Qullan Arunaka DC

³ Ukatsti Moisesax israelitanakar yatiyiriw saräna kunanaktix Tatitux siskatayna uka arunaka, ukatsti taqiniw mä wawaki arsupxäna: —¡Taqi kuntix Tatitux arski ukanak lurapxä! —sasa.

Aymar Bibliia 1986

³ Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Qullan Arunaca

³ Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Éxodo 24:3 Jak'a apnaqawi uñst'ayäwi

2 Crónicas 15:14

Jupanakasti jach'at arsusaw Tatitutak juramento lurapxäna, kusisiñat jach'at arnaqasa, pututunak pututt'asa.

2 Crónicas 15:15

Judá uraqinkir taqpach jaqinakaw kusisipxäna, taqi chuyma uka juramento lurapxatanakapata, jupanakax taqi chuymarakiw Tatitur thaqtapxatayna, ukham lurasaw jupar jikxatapxäna, ukatsti jak'ankir markanakampis suman jakayarakïna.

Salmos 50:5

“Nayar iyawsirinakar tantacharapipxita, arusjäwixar wilañchampi chimpuntirinakaru” sasa.

Éxodo 19:8

Ukatsti israelitanakax mä arukiw sapxäna: —Kunanaktix Tatitux arski ukanak lurapxäwa —sasa. Moisesasti israelitanakan arsusitanakapxa Tatituruw yatiyäna.

Éxodo 24:2

Juma sapakiw nayan ukar jak'achasinïta; mayninakax janiw jak'achasipxañapäkiti, jaqinakas janirakiw jumamp chikax makhatapxañapäkiti —sasa.

Éxodo 24:7

Ukatsti arust'äwi qillqat aptasinxa israelitanakatakiw ullart'arapïna, jupanakasti sapxänwa: —Tatitun arsutaparjamaw phuqhapxä, jaysapxarakï —sasa.

Jeremías 11:4

Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Jeremías 34:13

“Naya, Israelan Diosapaw nayra awkinakamampi Egipto markat apsunkta ukapachax, mä arust'äwi lurta, kunapachatix jupanakax t'aqhisiyata taqi kunsa lurapkäna ukapacha.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Malaquías 2:10

¿Janit jiwasasti mä sapa awkinikïktansti? ¿Janit mä sapa Diosan uskutäktansti? ¿Kunatarak jiwasasti maynit maynikam sallqjasis sarnaqasktansti, kawkïr suma arust'äwirutix Tatitumpi awkinakasampix mantawayapki uka arunak p'akintasasti?

Deuteronomio 11:1

Moisesasti saskakïnwa: “Jumanakax Tatit Diosamar munasipxam, ukatsti iwxanakapa, kamachinakapa, arsutanakapsa phuqhapxarakim.

Deuteronomio 4:1

Moisesasti saskakïnwa: “Jichhasti Israelit jaqinaka, yatichapksma uka kamachi arunak ist'apxam, uka kamachi arunakarjam phuqhas sarnaqapxarakim, kawkïri uraqtix nayra awkinakaman Tatit Diosapax churapkätam ukan jakapxañamataki.

Deuteronomio 4:45

ukhamarak kamachinaka, kamachi arunaka, arsüwinak yatiyäna, kunapachatix jupanakax Egipto markat mistunisina,

Deuteronomio 4:5

Nayasti jumanakarux Tatit Diosax iwxawaykitu taqi uka kamachi arunak yatichapxsma, katuqapkäta uka uraqin uka kamachinakarjam sarnaqapxañamataki.

Deuteronomio 5:1

Moisesasti Israel markar tantachthapisin säna: “Israelankir jaqinaka, sum ist'apxam kawkïr kamachinaka, kamachi arsutanaktix jichhürun yatiyapkäma ukanaka. Sum p'iqinakamar yatiqapxam, ukatsti taqi sarnaqäwiman ukarjam sarnaqapxarakim.

Deuteronomio 5:31

ukampis jumax akankañatakiw kuttanïta. Kamachinak katuyäma jupanakar yatichañamataki, ukhamat jupanakax uka kamachi arunakarjam kuna uraqtix churkä ukan sarnaqapxañapataki’ sasa.

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.

Josué 24:21

Israel markasti Josué chacharux sänwa: —Janiw ukax ukhamäkaniti. Nanakax Tatituruw luqtapxä —sasa.

Josué 24:22

Josué chachasti sänwa: —Jumanak pachpaw qhanañchapxtaxa, Tatitur luqtañ ajllisipxatamxa —sasa. Jupanakasti sapxänwa: —Ukhamawa, nanak pachpaw qhanañchapxta —sasa.

Josué 24:24

Israel markasti sänwa: —Nanakax Tatitu Diosaxarukiw luqtapxä, kuntix jupax sapkitani uk lurapxarakï —sasa.