Éxodo 24:2 - Qullan Arunaka DC

² Juma sapakiw nayan ukar jak'achasinïta; mayninakax janiw jak'achasipxañapäkiti, jaqinakas janirakiw jumamp chikax makhatapxañapäkiti —sasa.

Aymar Bibliia 1986

² Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Qullan Arunaca

² Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Éxodo 24:2 Jak'a apnaqawi uñst'ayäwi

Éxodo 19:12

Ukampis qullu kayurux chimpunak uchäta, israelitanakan jan makhataniñapataki, jupanakarusti saskakim: “Janiw qullur makhatapxätati, janirakiw thiyanakaparus jak'achasipxätati, chimputäki uksa janiw makhatapxätati, qullur jak'achasirix jiwayataw uñjasini.

Éxodo 20:21

Ukchañkamasti israelitanakax jayjankakïnwa, Moisesasti Diosax jikxataskän uka ch'amak qinayaruw jak'achasïna.

Éxodo 24:1

Tatitux Moisesarux sänwa: —Nayan ukar makhatanim, Aarón, Nadab, Abihú, israelitanakan paqallq tunka jilïrinakapampi; ukampis janiw jak'achasinipxitätati, jaya chiqar purisin ukawjaruw killt'asipxäta.

Éxodo 24:13

Moisesasti sartasin Diosan qulluparuw makhatäna Josué yanapiripamp chika.

Éxodo 24:15

Ukham sasinsti, Moisesax qulluruw makhatäna, uka qullurusti qinayaw wali urpxatäna.

Éxodo 24:18

Moisesasti qinay taypinjam qullurux makhatäna, ukatsti pusi tunka urumpi, pusi tunka arumampiw qullunkäna.

Éxodo 24:3

Ukatsti Moisesax israelitanakar yatiyiriw saräna kunanaktix Tatitux siskatayna uka arunaka, ukatsti taqiniw mä wawaki arsupxäna: —¡Taqi kuntix Tatitux arski ukanak lurapxä! —sasa.

Jeremías 30:21

Pachpa marka taypit mayni jilïrix mistuni, jupanak taypit jupanakar apnaqirix mistuni, ukatsti nayaruw jak'achasiyanï; ukampis, ¿khitis nayar jak'achasiniñ munaspa? Jupanakax markaxäniwa, nayasti Diosaparakïyäwa. Naya, Tatituw uk arsta.”

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Números 16:5

ukatsti Coré jaqimpiru, arkirinakapampirux sänwa: —Arumanthiw Tatitux yatiyani khitis jupanki, khitis jupar katuyata, khitirakis jupar waxt'anak luqtaspa ukanaka. Jupax khitirutix ajlliskan ukakiw waxt'anak luqtani.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.