Éxodo 20:3 - Qullan Arunaka DC

³ “Janiw jumax nayat sipan yaqha diosanak uchasïtati.

Aymar Bibliia 1986

³ “Janiw jumajja nayat sipana yakha diosanacjja uscusïtati.

Qullan Arunaca

³ “Janiw jumajja nayat sipana yakha diosanacjja uscusïtati.

Éxodo 20:3 Jak'a apnaqawi uñst'ayäwi

1 Reyes 11:4

Salomonax ch'ama qarit awkïxäna ukkhasti, warminakapax chuymap yaqha diosanak tuqiruw uñtayäna, Salomonax janiw Tatit Diosaparux David awkipjama taqi chuyma luqtaskataynati.

Salmos 29:2

Tatitun qhapaq sutip jach'ar aptapxam, qullan utapan Tatitur yupaychapxam.

Salmos 73:25

¿Khitis alaxpachan utjitu? ¡Juma sapakïtawa! Jumampi chik utjasax janiw kuns aka uraqin munkti.

Salmos 81:10

10 (11) Nayaw Tatitu Diosamätxa, nayaw Egipto markat irpsunsma, kuns manq'añ munta, nayax jilarkir churäma” sasa.

Salmos 81:9

9 (10) Janiw yaqha markankir diosanakanïyätati, janiw yaqha markankir diosanakarux yupaychätati.

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 22:19

19 (18) “Mä uywamp q'añusir jaqix jiwañapatak juchañchatäniwa.

Éxodo 23:24

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Éxodo 32:8

¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.

Éxodo 34:14

“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Isaías 26:4

Tatiturupun katuyasipxam, jupaw jiwasan wiñay arxatirisaxa.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Isaías 43:10

Tatitusti siwa: “Nayan qhanañchirinakaxax jumanakäpxtawa, nayan luqtirinakaxas jumanakäpxaraktawa, nayar uñt'apxañamataki, alkatapxañamataki, khitïktix nayax uk amuyt'apxañamatakiw ajllisipxsma. Nayat nayrax janiw khiti diosas utjkänti, akat qhiparus janiw utjkarakiniti.

Isaías 44:8

Ukampis ¡ch'amañcht'asipxam, jan axsarapxamti! Kunatix nayratpach lurasiñapäki ukanak yatiyapxsma, jumanakasti taqi ukanak uñjapxtawa. Janiw yaqha diosax nayat sipan utjkiti, Janiw yaqha diosax nayjam imirix utjkiti; Utjkchi ukasa, janiw nayax uñt'kti.”

Isaías 46:9

kunanakatix nayratpach luraskän ukanak amtasipxam. Nayakïtwa Diosaxa, janiw yaqhax utjkiti, nayätwa Diosaxa, janirakiw khitis naya kikipax utjkiti.

Jeremías 25:6

Jan yaqha diosanakar arkapxamti; janirak jupanakarus yupaychapxamti. Tatiturux jan q'apisiyapxamti jumanak pachpan lurasit diosanakar yupaychasa, jupasti janirakiw kuna jan walt'añsa apayanipkätamti’ sasa.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Daniel (hebreo) 3:18

Ukampis jan qhispiyapkitani ukasa, juma jach'a reyix yatiñamawa, janipuniw nanakax diosanakamar yupaychapkäti, janirakiw qurit lurat uka dios nayraqatansa killt'asipkäti —sasa.

Oseas 13:4

Tatitux Israel markaparux siwa: “Naya Tatituw juman Diosamätxa, Egiptonkkäyätas ukkhatpacha; naya sapakiw juman qhispiyir Diosamätxa.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

1 Corintios 8:6

jiwasanakatakix mä sapa Dios Awkikiw utji, uka Dios Awkimpiw taqi kunas qallti, jupatakikiw jiwasanakax jakapxtan. Mä sapa Tatitukiw utjaraki, jupasti Jesucristowa, jupïpan taqi kunas utji, jiwasanakas utjaraktan.

Efesios 5:5

Jumanakax yatipxam, janiw wachuq juchanakan sarnaqirisa, ñanqhanak luririsa, mich'asirisa, Cristompina, Diosampin qhapaq markapar mantapkaspati. Ukasti yaqha diosanakar yupaychañampi sasiwa.

Deuteronomio 5:7

“ ‘Janiw nayat sipan yaqha diosanakanïyätati.

Deuteronomio 6:14

Janipuni yaqha markanakan diosanakaparux yupaychapxamti.

Deuteronomio 6:5

“Tatit Diosamarux taqi chuymamampi, taqi jakañamampi, taqi ch'amamampi munam.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.

Apocalipsis 22:9

Ukampis jupax situwa: “Jan uk luramti. Diosaruy yupaycham, taqpach jiwasanakax jupan luqtiripätanwa, nayasa, jumasa, profetanakasa, Diosan arunakapar jaysirinakasa” sasa.

Jueces 6:10

Ukatsti sapxaraksmawa: Nayätwa jumanakan Tatitu Diosamaxa, jichha jakasipkta uka amorreonakan uraqipan utjir diosanakarux jan axsarapxamti, sasa; ukampis jumanakax janiw ist'apkistati’ ” sasa.