Éxodo 20:4 - Qullan Arunaka DC

⁴ “Janiw yaqha diosanak uñtat lurasïtati, alaxpachan utjir uñtatsa, aka uraqin utjir uñtatsa, quta manqha uraqin utjir uñtatsa.

Aymar Bibliia 1986

⁴ “Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa.

Qullan Arunaca

⁴ “Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa.

Éxodo 20:4 Jak'a apnaqawi uñst'ayäwi

1 Reyes 12:28

Uka tuqit suma yatxatasinxa, reyix qurit pä vaca qallunak luräna, ukat markar sarakïna: “Israelitanaka, janiw wakiskxiti jumanakan Jerusalén markar sapa kuti makhatasipkañamaxa. Akax diosanakamaxa, ukanakaw Egipto markat irpsunipxtam” sasa.

2 Reyes 17:12

Jupanakasti idolonakaruw yupaychapxäna, Tatitux ukanak jan lurapxañapataki siskchïna ukasa.

2 Crónicas 33:7

Ukhamarak Diosan utaparux yaqha diosar uñtasit luraykatayna uk uchayäna, uka tuqitsti Diosax Davidampiru, Salomón yuqapampirux sataynawa: “Israelan ayllunakap taypit Jerusalenankki uka uta ajllista, sutixan wiñayatak ukankañapataki.

Salmos 78:58

Jucha lurañ altaranakapampiw Diosarux q'apisiyapxäna, akapach diosanakar yupaychatapampiw Diosan chuymap mayjt'ayapxäna.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 32:1

Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.

Éxodo 32:23

Jupanakax sapxituwa: “Mä dios lurarapipxita nanakar irpañapataki, Egipto markat irpsunipkitu uka Moisesarux kunapunix kamachxchi, janiw kunas yatiskxiti” sasa.

Éxodo 32:4

Aaronasti uka quri aretenak katuqasin ninampiw umatatayäna, ukatsti mä vaca qallur uñtat lursüna. Ukat jaqinakax sapxäna: —¡Israel, akaw Egiptot irpsunktam uka diosamaxa! —sasa.

Éxodo 32:8

¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.

Éxodo 34:17

“Janipuniw jumanakax metal umatatayasin diosanak lurasipxätati.

Isaías 42:17

K'ari diosanakar alkatasirinakasti, uka diosanakar yupaychirinakasa, p'inqachjataw jayar sarxapxani.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Isaías 45:16

Taqi khitinakatix diosanak lurasipki ukanakaxa, p'inqachjata, jisk'achjataw uñjasipxani.

Ezequiel 20:7

Nayasti taqpachaniruw sarakta uka axtaskañ diosanakap apanukxañapataki, Egiptonkir diosanakampis jan q'añuchasipxañapa, naya Tatitun jupanakan Diosapätax layku.

Ezequiel 8:10

Nayasti mantasin, kunayman katarinakan uñnaqapa, q'añu animalanakan uñnaqap uka pirqa irampachan qillqsuta uñjta, ukhamaraki Israel markan axtaskañ idolonakapa qillqsuta.

Ezequiel 8:3

Uka jaqisti mä amparampjamaw luqtanisax ñik'utat katuntitu. Ukat Tatitun ch'amapax alayar tuytayitu, Tatitux unañchäwinak tuqiw Jerusalén markar irpitu, ukatsti marka manqhana amsta tuqi uñtatäki uka punku chiqaruw sayt'ayitu, uka chiqanarak Tatitur q'apisiyiri idolox jikxatasïna.

Levítico 19:4

“Janipun yaqha diosanakarux yupaychapxamti, janirak kuna kasta metalanak umatatayasas diosanak lurasipxamti. Nayätwa jumanakan Tatit Diosamaxa.

Levítico 26:1

“Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Hechos 17:29

Ukhamasti, Diosan wawanakapäkasinxa, janipï amuyañasäkitix Diosax jaqinakan amuyuparjam qurita, qullqita, qalata luratäkaspas ukhama.

Romanos 1:23

jupanakax wiñay jakir Diosan jach'a kankañapsa, jiwir jaqin lurat diosan uñtasitaparuw jaqukipapxi, jamach'inakaru, asirunakaru, pusi kayun animalanakan uñtasitaparu.

Deuteronomio 16:22

Jan jumanakax kuna qalanaksa ukanakar yupaychañatak pirqsusipxamti, taqi ukanakasti Tatit Diosamarux axtasiyiwa.

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.

Deuteronomio 5:8

“ ‘Janiw yaqha diosanak lurasïtati kunar uñtatsa, alaxpachankirir uñtatsa, aka uraqinkirir uñtatsa, quta manqhankirir uñtatsa.

Apocalipsis 16:2

Nayrïr angelasti sarasin uraqiruw qirup waranuküna; ukatsti taqi khitinakatix uka jach'a axsarkañ animalan chimpupampi chimpt'atäpkäna, ukar uñtasit lursutarus yupaychapkarakïn uka jaqinakarusti, jan wali llixti usuw janchinakapar mistüna, wal usuyasa.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.