Éxodo 20:2 - Qullan Arunaka DC

² “Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Aymar Bibliia 1986

² “Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Qullan Arunaca

² “Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 20:2 Jak'a apnaqawi uñst'ayäwi

1 Reyes 18:39

Ukham uñjasinsti, jaqinakax taqpachaniw p'iqip uraqir puriyañkam alt'asipxäna, akham sasa: —¡Israelan Tatitupaw chiqpach Diosaxa! ¡Jupaw chiqpach Diosaxa! —sasa.

2 Reyes 17:12

Jupanakasti idolonakaruw yupaychapxäna, Tatitux ukanak jan lurapxañapataki siskchïna ukasa.

2 Reyes 17:7

Israelita jaqinakan Tatit Diosap nayraqatan jucha lurapxatap laykuw ukax lurasïna, jupanakarux Tatituw Egipto markat irpsunïna, faraón reyin amparapat qhispiyasa, jupanakasti yaqha diosanakaruw yupaychapxäna,

2 Crónicas 28:5

Ukat Tatit Diosapax siriankir reyin amparapar jupar katuyäna, sirio jaqinakasti atipjasinxa, walja katurat jaqinak Damasco markar apapxäna. Ukatsti Tatitux Israelan reyipan amparaparuw katuyarakïna, jupasti q'ala atipjataw uñjasïna.

Salmos 50:7

“Israel markaxay, ist'ita, jumaruw qhan parlxayäma. ¡Nayaw Diosätxa! ¡Nayaw jumar juchanchir Diosamätxa!

Salmos 81:10

10 (11) Nayaw Tatitu Diosamätxa, nayaw Egipto markat irpsunsma, kuns manq'añ munta, nayax jilarkir churäma” sasa.

Salmos 81:11

11 (12) “Markaxasti janiw ist'añ munkitänti; ¡Israel markax janiw jaysañ munkitänti!

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Éxodo 13:14

Ukatsti wawanakamatix qhipür jiskt'apxätam: ‘¿Kunatsa uka wilañchanak lurapxta?’ sasaxa, jumanakax sapxätawa: ‘Tatituw jach'a ch'amapamp Egipto uraqit irpsunipxitu, t'aqhisiyat jakañata.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 15:13

Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 20:1

Diosasti taqi aka kamachi arunak arsüna:

Éxodo 29:46

Ukhamat jupanakax yatipxani naya, Tatit Diosax Israelan Diosapätaxa, jupanak taypin jakañatak Egipto markat irpsunitaxa. Nayaw jupanakan Tatit Diosapätxa.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Isaías 43:3

Nayätwa juman Tatitumaxa, qhispiyirimasa, Israelan Qullan Diosapätwa. Nayaw jumarux alasinsma. Egipto, Etiopía, Sabá uka markanakata.

Jeremías 16:14

“Naya, Tatituw uk arsta: Pachasti purininiwa kunapachatix jan siskxapxäta: ‘Israelitanakaru Egiptot irpsunki uka Diosax jach'añchatäpan’ sasa;

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 31:1

Tatitux siwa: “Babilonia markat kuttanxapxani uka urunakanxa, nayaw taqi Israel markan Diosapäyä, jupanakasti nayan markaxäpxarakiniwa” sasa.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 34:13

“Naya, Israelan Diosapaw nayra awkinakamampi Egipto markat apsunkta ukapachax, mä arust'äwi lurta, kunapachatix jupanakax t'aqhisiyata taqi kunsa lurapkäna ukapacha.

Ezequiel 20:19

Jupanakarusti sarakïyätwa: Nayätwa jumanakan Tatitu Diosamaxa, kamachinakaxsa, arsutanakaxsa sum phuqhapxam,

Ezequiel 20:5

Jupanakar sarakim: ‘Tatitux akham siwa: Israelar ajlliskäyät ukapachasti, wawanakapatakix mä juramento lurta, Egipto uraqin jupanakar uñstarakta. Ukansti amparaxa aytasaw juramento lurta: Nayätwa Tatitu Diosamaxa, sasa.

Ezequiel 20:7

Nayasti taqpachaniruw sarakta uka axtaskañ diosanakap apanukxañapataki, Egiptonkir diosanakampis jan q'añuchasipxañapa, naya Tatitun jupanakan Diosapätax layku.

Oseas 12:10

10 (11) “Nayaw profetanakarux parlta, unañchäwinakapsa yapxataraktwa, jupanak tuqirakiw uñtasïwinak parlarakta.

Oseas 13:4

Tatitux Israel markaparux siwa: “Naya Tatituw juman Diosamätxa, Egiptonkkäyätas ukkhatpacha; naya sapakiw juman qhispiyir Diosamätxa.

Levítico 11:45

Nayätwa Tatituxa, nayarakiw jumanakan Diosamäñaxatak Egipto markat irpsunipxsma. Jumanakax qullanäpxañamawa nayan qullanätax layku.”

Levítico 19:36

Balanzanakamasa, taqi tupunakamas phuqhatäñapapuniwa. Nayätwa jumanakan Tatit Diosamaxa, khititix Egipto markat irpsunipktam ukaxa.

Levítico 23:43

ukhamat taqi wawanakamax yatipxani kunapachatix israelitanakar Egiptot irpsunkäyäta ukapachax nayax chhujllanakan jupanakar jakayäyäta. Nayätwa jumanakan Tatit Diosamaxa.”

Levítico 25:38

Nayätwa jumanakan Tatit Diosamaxa, nayaw jumanakarux Egipto uraqit irpsunipxsma, aka Canaán uraqsa churapxaraksma, nayan jumanakan Diosamäñataki.

Levítico 25:42

jupanakasti nayan luqtirinakaxäpxiwa; nayaw jupanakarux Egiptot irpsunta, janipuniw jupanakax t'aqhisiyat jaqjam aljatäñapäkiti.

Levítico 25:55

israelitanakasti nayan luqtirinakaxawa; nayaw jupanakarux Egipto markat irpsunta. Nayätwa jupanakan Tatit Diosapaxa.

Levítico 26:1

“Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Levítico 26:13

Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.

Amós 2:10

Nayaw jumanakarux Egipto markat irpsunipxsma, pusi tunka maraw wasaran irpnaqapxsma amorreonakan uraqipsa jumanakaruw churapxsma.

Romanos 10:12

Janiw yaqha yaqhäñax utjkiti; judionakatakisa, jan judionakatakis pachpa Tatituw taqinin Tatitupaxa, jupar art'asirinakarux taqpachaniruw taqi kun jilarkir churi.

Romanos 3:29

¿Diosasti judionakan Diosapakiti? ¿Janit taqi markanakan Diosapäkarakisti? ¡Qhanäskiwa, taqi markanakan Diosapawa,

Deuteronomio 13:10

10 (11) Jiwayañkamaw qalamp k'upjäta, Tatit Diosamat jumar armasiyañ munatapata, Egipto markan t'aqhisiñat qhispiyanktam uka Tatitumat jithiqtayañ munatapata.

Deuteronomio 15:15

Janiw jumax Egipto markan t'aqhisiyat sarnaqatam armasïtati, Tatit Diosamaw qhispiyantam. Ukat nayax jumar aka iwxanak chursma.

Deuteronomio 20:1

Moisesasti saskakïnwa: “Kunapachatix jumanakax uñisirinakamamp nuwasir sarantapkät ukapachaxa, janiw jupanakar axsarapxätati. Uñisirinakamax jumanakat sipan juk'amp ch'amanïskpasa, walja caballonakani, walja nuwasiñ carronakanïskpasa; Egipto uraqit irpsunipktam uka Tatit Diosamaw jumanakampïskani.

Deuteronomio 5:15

Egipto markan t'aqhisiyat jaqïtam amtasim, Tatit Diosamaw jach'a ch'amapamp uka markat irpsuntam, ukat Tatit Diosamax iwxtam sábado urun samarañamataki.

Deuteronomio 5:6

“ ‘Nayätwa juman Tatit Diosamaxa, nayarakiw Egipto markat irpsunsma, kawkhantix t'aqhisiyat jaqïkäyat uka markata.

Deuteronomio 7:8

Tatituw Egipto markan t'aqhisiyat jakañat irpsunipxtam, ukatsti jach'a ch'amapampiw faraón reyin apnaqäwipat qhispiyanipxtam, jumanakar taqi chuymapampi munatapata, awkinakamar arupampi arsuwaykatayna uka arunak phuqhañ munasa.

Jueces 2:1

Tatitun angelapax Guilgal chiqat Boquim chiqaruw saräna, ukatsti israelitanakarux sänwa: “Nayaw jumanakarux Egipto markat irpsunipxsma, ukatsti nayra awkinakamar arsuta uraqiruw irpanipxsma, jupanakarusti säyätwa: ‘Janipuniw jumanakampi lurat arust'äwirux p'akintkäti,

Jueces 6:10

Ukatsti sapxaraksmawa: Nayätwa jumanakan Tatitu Diosamaxa, jichha jakasipkta uka amorreonakan uraqipan utjir diosanakarux jan axsarapxamti, sasa; ukampis jumanakax janiw ist'apkistati’ ” sasa.