Éxodo 2:3 - Qullan Arunaka DC

³ juk'amp jaya urunak jan imxäsiñjamïpansti, jupax totoranakat lurat mä canastaruw asfaltompi, alquitranampi lluch'ikipäna, p'iyanakat uman jan mantañapataki, ukat uka canastar wawa ichuntasin Nilo jawir thiyan utjir totoranak taypir jaytanïna.

Aymar Bibliia 1986

³ Ucampis jan juc'ampi jaya urunaca imjjäsiñjamätap laycusti, mamapajja totoranacat lurata mä canastaruw asfaltompi, uqhamarac alquitranampi josk'süna p'iyanacata umajj jan mantañapataqui, ucatjja uca canastaru wawa ichuntasinjja Nilo sat jawir thiya totoranac taypiruw jaytanïna.

Qullan Arunaca

³ Ucampis jan juc'ampi jaya urunaca imjjäsiñjamätap laycusti, mamapajja totoranacat lurata mä canastaruw asfaltompi, uqhamarac alquitranampi josk'süna p'iyanacata umajj jan mantañapataqui, ucatjja uca canastaru wawa ichuntasinjja Nilo sat jawir thiya totoranac taypiruw jaytanïna.

Éxodo 2:3 Jak'a apnaqawi uñst'ayäwi

Génesis 11:3

Mä urusti jupanakkamaw aruskipasipxäna akham sasa: “Ladrillonak lurañäni, ukatsti ninaruw phichsuñäni” sasa. Ukhamat ladrillonakxa qalanak lanti apnaqapxäna, mezcla lantsti asfalto apnaqapxarakïna.

Génesis 14:10

Taqi uka Sidim qhirwa tuqinsti walja asfalto phuch'unakaw utjäna, kunapachatix Sodoma, Gomorra markan reyinakapax nuwasïwit jaltapkäna ukkhaxa, uka asfalto phuch'unakaruw jalantapxäna. Mayni reyinakasti qullunakaruw jaltxapxäna.

Génesis 6:14

Jichhax resinosa sat lawat mä arca luram, arca manqharusti utanak lurarakim, arcarusti, uman jan mantañapatakix manqhatsa, anqäxatsa alquitranampi sum lluch'ikipam.

Éxodo 1:22

Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.

Isaías 18:2

khithanakapsa Nilo jawiranjam khithanki uka markatakixa, junco sat alinakat lurat botenakat jutapki ukanakatakixa! Khithanaka, jalakamak jalapxam, uka jach'a tansa, janq'ull jaqinakan markaru, taqi chiqan wali axsarat markaru, wali ch'amani jach'a jach'a tukur markaru, jawiranakan muyuntat markaru.

Isaías 19:6

uma sarañawjanakapas walipuniw thujsani. Egipton jalir umanakasti juk'at juk'at wañt'awayxani, uka jak'an utjir alinakas wañsuwayxaniwa;

Isaías 35:7

Uka wasar uraqix mä qutaw tukuni, waña uraqisti uma phuch'unakampi phuqhantatäniwa. Kawkhantix jichhax qullu anunakax jakapki ukkhasti, suqusanakampi, totoranakampiw jilantani.

Mateo 2:13

Amawt'anakan sarxatapatsti, Tatitun angelapaw Josearux samkan uñstäna, juparusti sänwa: “Sartasim, ukatsti wawampiru María taykapampir irpxarusin Egipto markar jaltxam. Kunapachkamatix nayax siskäma ukürkamaw ukankäta, Herodesaw wawar jiwayañatak thaqhani” sasa.

Mateo 2:16

Herodesasti amawt'anakan jupar sallqjatap amuyasisinxa, walpun phiñasïna, ukat Belén markana, uka thiyanakan jakir wawanakar pä maranit aynachar taqpachanir jiwarayiriw khithäna; amawt'anakax sapkatayna uka urunakarjam amuyt'asa.

Hechos 7:19

Uka reyisti markasarux wal sallqjäna, nayra awkinakasarusti wal t'aqhisiyarakïna; asu wawanakapar apanukuyasa, ukhamat jiwarapxañapataki.