Éxodo 2:3 - Qullan Arunaca

³ Ucampis jan juc'ampi jaya urunaca imjjäsiñjamätap laycusti, mamapajja totoranacat lurata mä canastaruw asfaltompi, uqhamarac alquitranampi josk'süna p'iyanacata umajj jan mantañapataqui, ucatjja uca canastaru wawa ichuntasinjja Nilo sat jawir thiya totoranac taypiruw jaytanïna.

Aymar Bibliia 1986

³ Ucampis jan juc'ampi jaya urunaca imjjäsiñjamätap laycusti, mamapajja totoranacat lurata mä canastaruw asfaltompi, uqhamarac alquitranampi josk'süna p'iyanacata umajj jan mantañapataqui, ucatjja uca canastaru wawa ichuntasinjja Nilo sat jawir thiya totoranac taypiruw jaytanïna.

Qullan Arunaka DC

³ juk'amp jaya urunak jan imxäsiñjamïpansti, jupax totoranakat lurat mä canastaruw asfaltompi, alquitranampi lluch'ikipäna, p'iyanakat uman jan mantañapataki, ukat uka canastar wawa ichuntasin Nilo jawir thiyan utjir totoranak taypir jaytanïna.

Éxodo 2:3 Jak'a apnaqawi uñst'ayäwi

Génesis 11:3

Mä urusti jupanaccamaw parlt'asipjjäna aqham sasa: “Ladrillonac lurañäni, ucatsti ninaruw phichsuñäni” sasa. Uqhamwa ladrillonaca apnakjjapjjäna kalanac lantjja, ucatsti mezcla lantjja asfalto apnakjjapjjaraquïna.

Génesis 14:10

Take uca Sidim valle tokensti walja asfalto phuch'unacaw utjäna, cunapachatejj Sodoma, Gomorra marcan reyinacapajj nuwasïwit jaltjjañ munapjjän ucapachasti uca asfalto phuch'unacaruw jalantapjjäna. Mayni reyinacasti kollunacaruw jaltjjapjjaraquïna.

Génesis 6:14

Jichhajj mä arca lurasim gofer sat maderata, uca arca mankharusti cuartonaca luraraquim, uqhamarac arcarojja mankhatsa, ankäjjatsa breampi sum lluch'suraquim, umajj jan mantañapataqui.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Isaías 18:2

uqhamaraqui qhitanacapsa Nilo jawiranjam qhitanqui uca marcataquejja, umanjama juncu sat alinacat lurat botenacat jutapqui ucanacataquejja! Qhitanaca, jalacamaqui jalapjjam, uca jach'a tansa, jank'olla jakenacan marcaru, take chekan wali ajjsarat marcaru, wali ch'amani jach'a jach'a tucuri marcaru, cawquïri marcatejj jawiranacan muyuntata jacquejja uca marcaru.

Isaías 19:6

uma k'awanacasti wal thujsani. Egipton jalir umanacasti juc'at juc'atwa wañt'awayjjani, uca uma jac'an utjir alinacas wañsuwayjjaraquiniwa;

Isaías 35:7

Uca wasarajj mä kotaw tucuni, waña orakesti uma phuch'unacampi phokhantatäniwa. Cawqhantejj kollu anunacampi utjañapäqui uca chekansti sokosanacampi cañanacampiw jilani.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.