Éxodo 2:23 - Qullan Arunaka DC

²³ Jaya maranak qhipatsti Egiptonkir reyix jiwxänwa. Ukampis israelitanakax t'aqhisisipkakïnwa, t'aqhisiyat jaqinakäpxatapat jachasipkakïnwa. Ukat Diosax jachatanakap ist'äna,

Aymar Bibliia 1986

²³ Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Qullan Arunaca

²³ Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 2:23 Jak'a apnaqawi uñst'ayäwi

Génesis 16:11

Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 4:10

Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Nehemías 9:9

Jumax uñjtawa, kunjämsa nayra awkinakaxax Egipto markan t'aqhisipkäna ukxa, Mar Rojo quta jak'an jachatanakapsa ist'araktawa.

Job 35:9

T'aqhisiyat uñjasisaw jaqinakax yanap mayisipxi; munañan jaqinakat qhispitäñ thaqhapxaraki;

Salmos 102:1

1 (2) Tatay, mayisitaxarux ist'akimaya, ¡arnaqasitaxax jak'amkam purinikpanaya!

Salmos 102:2

2 (3) Janikiy llaki urun nayatak maysa uñtamti; ¡nayar ist'añatakix jank'akïmaya!, ¡art'asinsma ukapachax ist'akitaya!

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 18:6

6 (7) Llakisiñaxan Tatitur art'asta, Diosaxat yanap mayista: jupasti qullan utapatpach ist'anitu; ¡arnaqasitaxax jinchupkamaw puri!

Éxodo 1:14

Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna.

Éxodo 4:19

Moisesax Madián chiqankaskän ukkhaw Tatitux jupar sarakïna: —Egipto markar kutt'askakim, jumar jiwayañ munirinakax taqiniw jiwatäxapxi —sasa.

Éxodo 6:5

Ukampis israelitanakar arnaqasir ist'asina, egipcionakan sinti t'aqhisiyat irnaqatanakap uñjasinxa, mä suma arust'äwir mantataxat amtasta.

Éxodo 6:9

Moisesasti kuntix Tatitux siskatayna ukanak israelitanakar yatiyarakïna, ukampis jupanakax janiw Moisesar ist'apkänti, sinti ch'ama lurañanakamp t'aqhisiyatax wali mayjt'atäpxänwa.

Éxodo 7:7

Faraón reyimp parlapkän ukkhasti Moisesax kimsaqallqu tunka maranïnwa, Aaronasti kimsaqallqu tunka kimsan maranirakïnwa.

Isaías 19:20

Uka qalasti Egipto markankir jaqinakan taqi ch'amani Tatitut amtasipxañapatak uskutäniwa. Kunapachatix jupanakar uñisirinakat arxatañapatak Tatitut yanapa mayisipkani ukkhaxa, Tatitux jupanakatakix mä qhispiyir khithanini, uka qhispiyiriw arxatani, qhispiyarakini.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Números 20:16

ukat nanakax Tatitur yanap mayisipxta, jupasti arnaqasitanakaxar ist'apxituwa, angelap khithanipxitu, jupaw Egipto uraqit irpsunipxitu; jichhasti Cadés markan jikxatasipxta, markamampi qurpa uraqina.

Hechos 7:30

“Ukat pusi tunka mara qhipatsti, Sinaí qullu jak'a wasaran sarnaqaskäna. Ukansti mä angelaw juparux uñsti, nina aqaskir ch'aphi taypina.

Deuteronomio 24:15

Ukürpachaw irnaqatapat qullqi churxapxäta, intin janïra jalantkipana; jupax pist'añan jikxatasir jaqiwa, manq'añ alasiñatakiw uka qullqi munaraki. Janitix ukham lurapkäta ukkhaxa, uka jaqix Diosaruw art'asini, jupasti jumanakarux juchañchapxätamwa.

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.

Jueces 4:3

Jabín reyix hierrot lurat llätunk pataka carronakanïnwa, israelitanakarux pä tunka maraw walpun t'aqhisiyäna, ukhamïpan israelitanakax yanapt'ayasiñatak Tatitur art'asxapxäna.

1 Samuel 12:8

Kunapachatix Jacobumpi, wawanakapampix Egipto markar sarapkän ukkhaxa, egipcionkirinakasti jupanakarux t'aqhisiyapxänwa, jumanakan nayra awkinakamasti Tatituruw arnaqasipxäna, Tatitusti Moisesampiru, Aaronampiruw khithanïna, jupanakaw nayra awkinakamarux Egiptot irpsunïna, ukatsti jupanakarux aka uraqiruw utjnuqtayäna.

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.