Éxodo 2:22 - Qullan Arunaka DC

²² Séfora warmisti mä yuqall wawa wawachasïna, Moisesax uka wawapar Guersón sutimpiw uchäna, sarakïnwa: “Aka markanxa sart'ir jaqikïtwa” sasa.

Aymar Bibliia 1986

²² Ucampis Moisesan warmipajja mä yokall wawa wawachasïna, ucatsti Moisesajj, wawaparojj Gersón sasaw sutichäna, saraquïnwa: “Nayajja janiw aca orakenquirïcti” sasa.

Qullan Arunaca

²² Ucampis Moisesan warmipajja mä yokall wawa wawachasïna, ucatsti Moisesajj, wawaparojj Gersón sasaw sutichäna, saraquïnwa: “Nayajja janiw aca orakenquirïcti” sasa.

Éxodo 2:22 Jak'a apnaqawi uñst'ayäwi

Génesis 23:4

—Nayax jumanak taypin yaqha markat jutir jaqikïkta ukasa, amay imäwi uraqi aljt'apxita, warmixan jiwat amayap imt'xañataki —sasa.

1 Crónicas 16:20

markat marka muyupkchïn ukasa, reyin apnaqat markat marka sarnaqapkchïn ukasa,

1 Crónicas 29:15

Juman nayraqatamanxa jaya markankir sarir jaqikïpxtwa, kamisatix nayra awkinakaxax sarir jaqikïpxäna ukhama, nanakan jakäwinakaxas aka uraqin mä ch'iwir uñtatakiwa, jan kuna suyt'añani.

Salmos 119:19

Aka uraqin sart'ir jaqikïtwa; janikiy kamachi arunakam nayatak imantamti.

Salmos 39:12

12 (13) “Tatay, mayisitaxar ist'ita, ¡t'aqhisiñat jakhusitanakaxar ist'ita!, ¡janikiy jachataxatakix uqar tukumti! Nayax jumatakix jayat jutir jaqïtwa, nayrapach awkinakaxjam sarir jaqikïtwa.

Éxodo 2:10

Wawax jach'äxän ukkhasti, faraonan phuchhaparuw katuyxäna, faraonan phuchhapasti uka wawarux wawapat uñt'asxäna, ukatsti Moisés sasaw sutichäna; sarakïnwa: —Nayax uma taypit aka wawa apsusta —sasa.

Éxodo 22:21

21 (20) “Janiw yaqha markat jutir jaqirux t'aqhisiyätati, janirakiw llakisiyätasa, jumanakax Egipto markan yaqha markankir jaqinakäpxarakïyätawa.

Éxodo 4:20

Moisesasti, warmipampiru, wawanakapampir mä asnor qunxatayasin Egipto uraqir kutt'äna. Amparaparusti Diosan thujrup ayxarusiwayarakïna.

Levítico 25:23

“Uraqisti janiw wiñayatak aljatäñapäkiti, uka uraqix nayankiwa; jumanakasti uka uraqinxa sart'ir jaqinakakïpxtawa.

Hechos 7:29

Uk ist'asinsti, Moisesax jaltxänwa, ukatsti Madián sat uraqiruw sarxäna. Ukansti yaqha markankir jaqjamaw jakäna, pä wawanirakïnwa.

Jueces 18:30

Danita jaqinakax uka chiqaruw Micaías chachan lurata idolopa uchapxäna, ukaru yupaychañataki, sacerdotepasti Jonatán chachänwa, jupasti Guersón chachan yuqapänwa, Moisesan allchhiparakïnwa. Uka qhipatsti danita jaqinakan sacerdotenakapax Jonatanan wawanakapänwa, jayaru apanukuta uñjasipkän uka urunakkama.

1 Samuel 1:20

Ukhamat Ana warmix usur jaqiptxäna, ukatsti mä yuqall wawa wawachasïna, uka wawarusti Samuel suti uchäna, Tatitux jupan mayisitapar ist'atap layku.