Éxodo 2:24 - Qullan Arunaka DC

²⁴ mayisitanakap ist'arakïna, kuna arust'äwtix Abrahamampi, Isaacampi, Jacobumpi lurkatayna ukat amtasisa.

Aymar Bibliia 1986

²⁴ Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Qullan Arunaca

²⁴ Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Éxodo 2:24 Jak'a apnaqawi uñst'ayäwi

Génesis 15:13

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Génesis 16:11

Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 18:18

niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta.

Génesis 22:16

ukatsti sarakïnwa: —Tatitux akham siwa: “Jichhax ukham luratamata, mä sapa wawam nayar luqtañsa, jan ‘Janiw’ satamatxa, naya kipkaw juramentomp arsta,

Génesis 26:2

Ukampis Tatituw Isaacar uñstäna, ukat sarakïna: “Egiptor jan sarkamti. Jan ukasti, Guerar sat uraqir mä qawqha pachatak sarxam, kawkintix filisteonakan Abimélec reyipax jakki ukaru.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 32:28

28 (29) Ukat uka jaqix säna: —Janiw jichhax Jacob satäxätati. Sutimax Israel satäxaniwa, Diosampi, jaqinakampi nuwasitamata, jumaw atipjaraktaxa —sasa.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Génesis 8:1

Diosasti, Noé chachata, jupamp chika arca manqhankapkän taqi uka animalanakat amtasïna. Uraqirusti mä thaya thayt'ayanïna, ukatsti umax wañaqañ qalltxäna;

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

Salmos 102:2

2 (3) Janikiy llaki urun nayatak maysa uñtamti; ¡nayar ist'añatakix jank'akïmaya!, ¡art'asinsma ukapachax ist'akitaya!

Salmos 102:20

20 (21) katuntatanakan ayqutanakap ist'añataki, jiwañatak juchañchatanakar qhispiyañataki;

Salmos 105:42

Qullan arust'äwit amtasïna, Abraham luqtiripar arsutat amtasïna.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 138:3

Art'asinsma ukapachax ist'istawa, ch'am yapxatarakista.

Salmos 22:24

24 (25) Jupax janiw jan utjirin jaqinakarux jisk'achkiti, janiw jan yäqasas uñjkarakiti, janirakiw jupanakatakix imantaskiti. ¡Yanap mayipki ukapachax, jupax ist'iwa!

Salmos 22:5

5 (6) yanap mayipxäyätam, jumasti jupanakarux qhispiytawa; jumaruw alkatasipxäyätam, jumasti janiw inamay suyayktati.

Salmos 79:11

Katuntat jaqin ayqutap ist'am: jiwañar juchañchatanakarusti ch'amamampiy qhispiyam.

Éxodo 6:5

Ukampis israelitanakar arnaqasir ist'asina, egipcionakan sinti t'aqhisiyat irnaqatanakap uñjasinxa, mä suma arust'äwir mantataxat amtasta.

Números 20:16

ukat nanakax Tatitur yanap mayisipxta, jupasti arnaqasitanakaxar ist'apxituwa, angelap khithanipxitu, jupaw Egipto uraqit irpsunipxitu; jichhasti Cadés markan jikxatasipxta, markamampi qurpa uraqina.

Hechos 7:34

Nayax qhanpach uñjta wawanakaxar Egipton t'aqhisipxatapa. Jupanakan jachatanakap ist'arakta, ukat nayax jupanakar qhispiyir saraqanta. Ukhamasti, wakichasimaya, jumarux Egipto markaruw khithäma’ sasa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.