Éxodo 18:8 - Qullan Arunaka DC

⁸ Ukatsti Moisesax kuntix Tatitux Israel markat arxatasisax faraonampiru, egipcionakampir lurkatayna taqi ukanak awkch'ipar yatiyäna, kuna jan walt'añanakatix thakhin utjkatayna, kunjämtix Tatitux jupanakar qhispiykatayna taqi ukanak yatiyarakïna.

Aymar Bibliia 1986

⁸ Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Qullan Arunaca

⁸ Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Éxodo 18:8 Jak'a apnaqawi uñst'ayäwi

Génesis 44:34

¿Kunjämarak nayasti awkixan ukar kuttästi, aka wayna jan irpt'atasti? Janiw nayax awkixar t'aqhisir uñjañ munkti” sasa.

Nehemías 9:32

“Ukhamasti, nanakan Diosaxay, taqi ch'amani axsarkañ Diosay, sumankäwir mantatamsa, munasiñamsa imtawa, jichhax uñjamaya ukataq jan walt'añanaka jutatapa, reyinakaxarusa, jilïrinakaxarusa, sacerdotenakaxarusa, profetanakaxarusa, nayra awkinakaxarusa, Asiria markan reyinakapan amparapar jalt'apkta ukkhat jichhürkama.

Salmos 106:10

Ukham lurasaw uñisirin amparapat qhispiyäyätaxa, timasirin amparapat antutnukuyäyätaxa.

Salmos 106:8

Ukampis juma, Diosaw jupanakarux qhispiyäyätaxa, ukhamat juman sutimax jach'achatäñapataki.

Salmos 107:2

Tatitun qhispiyatanakax arsupxpan, timasirin amparapat antutayatanaka,

Salmos 66:16

¡Jumanakax taqin jutapxam, jutapxam, Diosar yupaychirinaka! ¡Ist'apxam, kuntix Diosax nayatak lurki ukanak yatiyapxäma!

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 15:6

Tatay, kupi amparaman ch'amapampiw uñisirinakarux t'unjtaxa.

Éxodo 16:3

Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa.

Éxodo 18:1

Jetró chachax Moisesan awkch'ipänwa, Madián markan sacerdoteparakïnwa, jupasti taqi kuntix Diosax Moisesampitaki, Israel markapampitakis lurkatayna ukanak yatïna, kunjämtix Tatitux Egiptot jupanakar irpsunkatayna ukanak yatirakïna.

Éxodo 2:25

Diosasti israelitanakar t'aqhisir uñjasinxa, jan walt'añankapxatap amuyäna.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 4:23

Nayax niyaw sisma: wawaxar khithanukxam, nayar yupaychir sarxañapataki, sasa. Ukampis jupanakar jan antutañ munatamat nayax jilïr wawamar jiwayä’ ” —sasa.

Éxodo 7:4

Faraonasti janiw jumanakarux ist'añ munapkätamti, ukampis nayaw ch'amaxa Egipto markar uñacht'ayä, ukatsti jach'a muspharkañ chiqa luräwinak uñacht'ayasaw israelita ejército markaxarux Egiptot irpsunï.

Éxodo 7:5

Egipto markar ch'amax uñacht'ayasa, israelitanakar uka markat apsunkä, ukkhaw egipcionakax yatipxani nayan Tatitütaxa —sasa.

Números 20:14

Moisesax Cadés chiqatpach jaqinakar khithäna Edom markan reyipar akham sañapataki: “Israelit jilanakamax akham siriw khithanipxitu: ‘Jumax sum yatta nanakan wali ch'ama tukutanakaxa.