Éxodo 18:9 - Qullan Arunaka DC

⁹ Ukham yatisinsti Jetrox kusisïnwa, Tatitun israelitanakar khuyapayasiñap uñacht'ayatapata, egipcio jaqinakan amparapat qhispiyatapata.

Aymar Bibliia 1986

⁹ Uqham yatisinsti Jetrojj cusisïnwa, Diosajj qhuyapayasiñapa uñacht'ayasa israelitanacarojj egipcionacan ch'amapat khespiyatapatjja.

Qullan Arunaca

⁹ Uqham yatisinsti Jetrojj cusisïnwa, Diosajj qhuyapayasiñapa uñacht'ayasa israelitanacarojj egipcionacan ch'amapat khespiyatapatjja.

Éxodo 18:9 Jak'a apnaqawi uñst'ayäwi

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Isaías 44:23

¡Alaxpacha, kuntix Tatitux lurki ukat kusisiñat arnaqasim! ¡Uraq manqhanaka, kusisiñat arnaqasipxam! ¡Qullunaka, ch'uminakan utji uka quqanaka, kusisiñat arnaqasipxam! Tatitux jach'a kankañap uñacht'ayi, Israelaru, Jacobun markaparus qhispiyarakiwa.

Isaías 63:7

Nayax Tatitun munasiñapat parlañ munta, yupaychañ q'uchunakap q'uchuña, taqi kuntix jupax jiwasanakatak lurki ukanaka, Israelan wawanakapatak khuyapayasiñapan jach'ätapata, kuntix khuyapayasiñapana, jach'a munasiñapansa lurki taqi ukanakata.

Isaías 66:10

Tatitux siwa: “Jumanakax Jerusalén markarux wal munasipxta, jupamp chikaw jachapxta, jichhax wal kusisipxam, jupamp chikarak kusisipxam;

Romanos 12:10

Maynit maynikamax jilapurjam munasipxam, purapat yäqasisa.

Romanos 12:15

Kusisitanakampix kusisipxam, jachirinakampisti jachapxarakim.

1 Corintios 12:26

Janchisan mä chiqatix t'aqhischixa, taqi chiqaw t'aqhisiraki, mä chiqatix yäqatächixa, taqpachaniw kusisipxi.

1 Samuel 15:6

Quenitas sat jaqinakarusti sarakïnwa: —¡Jithiqtapxam! ¡Amalecita jaqinak taypit mistupxam, ukhamat nayan jumanakar jan jupanakamp chika tukjañaxataki; jumanakasti israelitanakarux sum uñjapxäyätaxa kunapachatix Egiptot jutapkän ukaxa! —sasa. Quenitanakasti amalecita jaqinak taypit mistuwayxapxänwa.