Éxodo 18:7 - Qullan Arunaka DC

⁷ Moisesasti Jetró awkch'ipar katuqiriw mistuwayäna. Ukatsti jupan nayraqatapan alt'asisaw jamp'att'arakïna; aruntasisasti chhujllaruw mantapxi.

Aymar Bibliia 1986

⁷ Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Qullan Arunaca

⁷ Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Éxodo 18:7 Jak'a apnaqawi uñst'ayäwi

Génesis 14:17

Kunapachatix Abram chachax Quedorlaómer, ukhamarak jupampïpkän uka reyinakar atipjasin kuttankän ukkhaxa, Sodoma markankir reyiw katuqir mistunïna, Savé reyin qhirwaparu.

Génesis 18:2

Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna,

Génesis 19:1

Kunapachatix uka pä angelax Sodoma markaru puripkän ukapachax niya ch'amakthapxänwa, Lot chachasti markar mantañ punkun qunt'atäskänwa, kawkhantix jaqinakax tantachasipxirïkäna ukkhana. Uka pani angelar uñjasasti katuqañatakiw sayt'asïna, ukatsti killt'asisaw p'iqip uraqir puriyañkam alt'asïna,

Génesis 29:13

Labanasti, kullakapan Jacob yuqapat parlir ist'asinxa, katuqiriw jalsuwayäna, jamp'att'asaw qhumantarakïna, ukatsti utaparuw irpäna. Jacobusti taqi kunatix luraskatayna ukanak yatiyäna.

Génesis 31:28

Jumasti janiw phuchhanakaxarusa, allchhinakaxarus jamp'att'aykistati. ¡Jan walpun lurtaxa!

Génesis 43:26

Kunapachatix Joseax utapar purinxän ukkhasti, jupanakax uraqkamaw jupatak alt'asipxäna, ukatsti apapkatayna uka waxt'äwinak churapxarakïna.

Génesis 45:15

Ukxarusti Joseax taqi jilanakaparuw jamp'att'äna, jacht'asisaw taqpachanir qhumantarakïna. Uka qhipat jilanakapax jupar parlxayapxäna.

Génesis 46:29

Joseax awkipamp jikisir sarañatakiw carrop wakichayäna, ukat mistuwayarakïna. Joseasti awkipar uñjas ukspachaw qhumantir jaläna, ukatsti jaypachaw awkipar qhumantat jachäna.

2 Samuel 11:7

Urías chachax Davidan ukar purkän ukapachasti, Davidax Joab chachampita, soldadonakampita, nuwasïwinakampit jupar jiskt'äna.

1 Reyes 2:19

Ukhamasti Betsabé warmix Adoniasatakiw Salomón reyimpi parlir saräna. Reyisti taykapar katuqañatakix sayt'asïnwa, nayraqatapan alt'asirakïna. Ukatsti qunuñapar qunt'asisinxa, taykapatakix mä qunuñ aptayanïna; Betsabeasti Salomonan kupïxaparuw qunt'asïna,

Éxodo 18:6

Jupasti Moisesar yatiyiriw khithäna, akham sasa: —Naya Jetró awkch'imaw jumar tumpt'ir jutaskta, warmimampi, pani wawapamp chika —sasa.

Éxodo 33:7

Moisesasti campamentot jaya chiqaruw mä carpa uchäna, ukarusti Diosampi Jikisiñ Carpa sasaw sutichäna. Tatitur jiskt'asiñ munirinakaxa, Carparuw sarirïna, ukasti campamento anqäxankänwa.

Éxodo 4:27

Ukchañkamasti Tatitux Aarón chacharuw sarakitayna: “Moisés jilamamp jikisir wasarar saram” sasa. Aaronasti iyaw sasaw saräna, Diosan qullupan Moisesarux jikxatäna, ukansti jamp'att'asaw jupar aruntäna.

Números 22:36

Balac reyisti Balaaman jutaskatap yatisinxa, Moab uraqinkir mä markaruw katuqir mistuwayäna, Arnón jawir thiyaru, marka qurpäkis uka chiqaru,

Lucas 7:45

Janiw jumax jamp'at'kistati, ukampis aka warmix mantanki ukkhatpach jan qarjasisaw kayunakax jamp'ati.

Hechos 20:37

Taqinirakiw jacht'asisa Pablorux qhumantapxäna jamp'att'apxarakïna.

Hechos 28:15

Romankir jilatanakasti nanakan puriñax yatipxarakïnwa; ukat jupanakax nanak katuqir thakhir jutapxäna, Foro de Apio satäkis ukakama. Jikisipkta ukawjasti “Tres Tabernas” satänwa. Jupanakar uñkatasinsti, Pablox Diosaruw yuspagaräna, ukatsti wal kusisirakïna.

Jueces 11:34

Kunapachatix Jefté chachax Mispá chiqankir utapar kutt'xän ukkhasti, phuchhaw thuqt'asisa, panderetanak chhulluqt'ayasis jupar katuqir mistunïna. Jefté chachax uka sapa phuchhanikïnwa, janiw yaqha wawanakapax utjkänti,

1 Samuel 17:18

Ejerciton jilïripatakisti aka tunka quesompi apawayam. Ukatsti kunjamäskis jilanakamax uk uñjt'anim, ukat nayatak mä kunsa apanirapita jupanakan walikïskatap yatiñaxataki —sasa.

1 Samuel 17:22

Davidasti q'ipipxa khititix nuwasiñ yänak uñjirïkis uka jaqiruw jaytt'awayäna, ukatsti israelitanakax siqicht'atäpki uka taypiruw jalantawayäna, kunjamäskis jilanakapax uk yatxatiri.