Éxodo 12:15 - Qullan Arunaka DC

¹⁵ Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Aymar Bibliia 1986

¹⁵ Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Qullan Arunaca

¹⁵ Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:15 Jak'a apnaqawi uñst'ayäwi

Génesis 17:14

Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

2 Crónicas 30:21

Ukhamasti, Jerusalén markan jikxatasipkän uka israelitanakax paqallq uruw wali kusisiñampi jan levadurani t'ant'a amtasiñ uru uruyapxäna. Sacerdotenakampi, levitanakampisti, sapüruw uka wali jayar ist'asiyiri toct'añ yänakampi, qullana q'uchunakampi Tatitur yupaychapxäna.

Esdras 6:22

Paqallq uruw jan levaduran t'ant'a manq'añ phunchhäwi, kusisiñamp uruyapxäna, Tatituw jupanakarux kusisiñamp phuqt'atayna, Persia markankir reyin aski luratapata, Israelankir Tatitun utap wasitat lurañanakan yanapt'asitap layku.

Éxodo 12:8

Uka arumasti uka aycha manq'apxäta, ninar kankata, jan levaduran t'ant'ampi, jaru ch'uxña alinakampi.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Éxodo 30:38

Khititix uka incienso uñtasit yaqha incienso wakichanixa, markap taypit jaqunukutaw uñjasini.”

Éxodo 31:14

Sábado urusti qullanawa, uka laykuw jumanakax imapxäta. Khititix uka uru jan imkani ukaxa, jiwaniwa. Ukhamarusa, khiti jaqitix uka urun kunsa lurani ukaxa, markap taypit jaqunukutaw uñjasini.

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Éxodo 34:25

“Wilañcha luqtañatak jiwatäkani uka uywarux, janiw wilampi, levaduran t'ant'ampi apthapit luqtapxätati, janirakiw Pascuan wilañcha luqtatäki ukan jilt'anakapsa qhipärmanthitak imapxätati.

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:14

taqi jakirinakan jakañapax wilankatap layku. Ukatpï sapxsmaxa, wilan aycha jan manq'apxamti sasaxa, jakañan uka wilankatap layku, khititix wilan aycha manq'kani ukasti, markapat jaqunukutäniwa.

Malaquías 2:12

¡Walïspawa, Tatitux ukham q'añu sarnaqir jaqinakaru aka markat jaqunukuñapaxa, kawkïrïskpasa, khitïskpasa, taqi ch'aman Tatitur waxt'äwinak luqtirïskpasa!

Números 28:17

tunka phisqan uru saraqatasti, jach'a urüniwa. Paqallq uruw jan levaduran t'ant'a manq'apxäta.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

Mateo 16:12

Ukapachaw yatiqirinakapax amuyapxäna, Jesusan t'ant'a puqtayir levadurat jan parlatapa, jan ukasti, fariseonakana, saduceonakan yatichäwipat parlatapa.

Lucas 12:1

Ukchañkamasti walja jaqinakapuniw tantthaptäna, kayunakatsa takirasipxänwa. Jesusasti nayraqatax yatiqirinakaparuw säna: “Fariseonakan k'ari yatichäwipat amuyasipxam, jupanakax taqi kunas chiqäkaspa ukham yatichasaw jaqinakar sallqjapxi.

Lucas 2:43

Uka kusisiñ urunak tukuyxipansti, jupanakax utaruw kuttxapxäna, ukampis Jesusax pachpa Jerusalén markaruw qhiparäna, janirakiw awkipasa, taykapasa uk amuyapkataynati.

Hechos 12:3

Judionakatak uka luratan walïtap uñjasinsti, Herodesax Pedroruw katuntayarakïna. Uka urunakasti jan levaduran t'ant'a manq'añ uruyañ urunakänwa.

Gálatas 5:12

Ukampis khitinakatix jumanakar pixtuntas sarnaqasipki: “circuncisión lurayasipxañamaw” sasa, ukanakax, ¡mäpit jupanakpach taqpach khariqasipxpan!

Deuteronomio 16:3

“Luqtapkäta uka animalxa jan levaduran t'ant'ampiw manq'apxäta. Paqallqu uruw jan levaduran t'ant'a manq'apxäta, t'aqhisiñ t'ant'äki uka, jumanakan Egipto markat jank'aki mistunipxatamata; ukham jumanakax jakkasin Egipto markat mistunipxatam amtasipxäta.

Deuteronomio 16:5

Tatit Diosamax churapkätam uka markanakanxa, janiw jumanakax Pascua wilañcha luqtapxañamäkiti,

Deuteronomio 16:8

Suxta uruw jan levaduran t'ant'a manq'apxäta, paqallqüri urunsti mä jach'a tantachasïwi lurapxäta, Tatit Diosamar jach'añchañataki, ukürusti janiw jumanakax kuna irnaqäwinaksa lurapxätati.