Éxodo 12:14 - Qullan Arunaka DC

¹⁴ Aka urux jumanakatak amtasiñ urüniwa, Tatitur jach'añchasaw uruyapxäta. Wiñay kamachïkaspas ukham wawanakamana, wawanakapaw amtasipxäta.

Aymar Bibliia 1986

¹⁴ Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Qullan Arunaca

¹⁴ Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 12:14 Jak'a apnaqawi uñst'ayäwi

2 Reyes 23:21

Uka qhipatsti Josías reyix markachirinakaruw yatiyäna Pascua uru uruyapxañapataki, Israel markan Tatitupar jach'añchasa, kunjämtix arust'äwi qillqatankki ukhamarjama.

Salmos 111:4

Amtaskay muspharkañanak jupax luri. Tatitux munasiñaniwa, khuyapayasiriwa;

Salmos 135:13

Tatay, sutimax wiñayawa; sutimax wiñayapuniw amtatäni.

Éxodo 12:17

Jan levaduran t'ant'a manq'añ uruyäwi amtasipxapunïtawa, uka uruw nayax jumanakar Egipto markat tam tama irpsunipxsma. Uka laykuw jumanakasa, wawanakaman wawanakapas aka kamachi wiñay amtapxäta.

Éxodo 12:24

Aka luräwi, jumanakasa, wawanakaman wawanakapas imapxäta, wiñay kamachïkaspas ukhama.

Éxodo 12:43

Tatitusti Moisesampiru, Aaronampiruw säna: “Pascua uruyañatak aka kamachinak phuqhapxäta: Janiw khiti jaya markankir jaqis wilañcha luqtat uywa manq'añapäkiti.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 5:1

Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.

Ezequiel 46:14

Ukhamaraki, Tatitur sapärmanthi luqtasini: paqallqu kilo granonakampi, mä litro aceitempi, ukasti jak'uruw warxatasini. Aka luräwisti wiñayatakipunïniwa.

Levítico 23:6

“Uka pachpa phaxsina tunka phisqani uru saraqatarusti, jan levaduran t'ant'anak manq'añ phunchhäwi amtapxarakïta. Paqallqu urunakaw jan levaduran t'ant'a manq'apxäta.

Zacarías 6:14

Pillunakasti Tatitun utapan qhiparani, Heldai, Tobías, Jedaías, Josías ukanakar jach'añchas amtasiñataki.’ ”

Números 10:8

Aarón chachat saraqir sacerdotenakakiw trompetanak phust'apxani. Aka kamachinakax jumanakatak wiñayatakïniwa.

Números 15:15

Uka pachpa kamachinakaw jumanakatakisa, yaqha markat jutir jaqinakatakisa, wawanakamatakisa; uka kamachix wiñayatakïniwa.

Números 16:40

40 (5) Ukasti israelitanakan amtasiñapatakïnwa, uka qhipat Aarón sacerdoten saraqirinakapat jan khiti jaqis altarar incienso luqtir jak'achasiskañapataki; kamisatix Coré chachampi, masinakapampix jiwarapki ukham jan jiwarasipkañapataki. Ukhamaw taqi ukanakax phuqhasïna, kunjämtix Tatitux Moisés tuqi Eleazarar siskatayna ukhamarjama.

Números 18:8

Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Mateo 26:13

Qhanak sapxsma, kawkhanakantix aka qhispiyasiñ arunakax parlaskani ukawjanakanxa, aka warmin luratapax yatiyasirakiniwa, jupat amtasipxañapataki.

Lucas 22:19

Ukatsti, t'ant'a irtasin Diosaruw yuspagaräna, pachjasinsti jupanakaruw churäna, sarakïnwa: —Akax janchixawa, ukasti jumanak layku jiwayañatak katuyatawa. Uksti nayat amtasisin lurapxam —sasa.

Deuteronomio 16:1

Moisesasti markar saskakïnwa: “Abib sat phaxsix purinkani ukkhaxa, jumanakax Pascua uruyapxäta Tatit Diosamar jach'añchasa; uka phaxsin Tatit Diosamax mä aruma Egipto uraqit jumanakar irpsunipxatam layku.

Deuteronomio 16:11

Ukatsti Tatit Diosam nayraqatan uruyapxäta, kawkha chiqarutix jupax sutipan utjäwipatak ajlliski uka chiqana, taqpach wawanakamampi, uywatanakamampi, levitanakampi, yaqha markat jutir jaqinakampi, wajchanakampi, ijmanakampi, khitinakatix jumanak taypin jakapki ukanakamp chika.

Deuteronomio 6:8

Uka kamachi arunaksti amparamaruw ñach'antasïta, paramaruw mä chimpur uñtat uchasirakïta,

Josué 4:7

jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.

1 Samuel 30:25

Ukürut jichhürkamasti, israelitanakax ukhampun lurapxi.