Éxodo 12:16 - Qullan Arunaka DC

¹⁶ Ukatsti nayrïr urumpi, paqallqüri urumpix mä qullan tantachasïwi lurapxäta. Uka urunakansti janiw kunsa lurapxätati, jan ukasti kunatix manq'añatak phayañäki ukak lurapxäta.

Aymar Bibliia 1986

¹⁶ Ucampis nayrïr urumpi, pakallko urumpejja janiwa cunsa lurapjjätati, jan ucasti mä kollana tantachasïwi lurañataquiquiw tantachasipjjäta, uqhamaraqui mank'a waquichasiñataquiquiw tantachasipjjaraquïta.

Qullan Arunaca

¹⁶ Ucampis nayrïr urumpi, pakallko urumpejja janiwa cunsa lurapjjätati, jan ucasti mä kollana tantachasïwi lurañataquiquiw tantachasipjjäta, uqhamaraqui mank'a waquichasiñataquiquiw tantachasipjjaraquïta.

Éxodo 12:16 Jak'a apnaqawi uñst'ayäwi

Éxodo 16:23

Moisesasti jupanakar sänwa: —Tatituw ukham lurañatak arsu. Qharürux sábado uruwa, Tatitur luqtat samarañ uruwa. Kuntix phayasipxañamäki ukxa jichhür phayasipxam, kuntix qhatiyasipxañamäki uksa jichhür qhatiyasipxam; jilt'kani ukxa qharürutak imasipxam —sasa.

Éxodo 16:29

Amuyapxam, naya, Tatituw samarañ uru churapxsma; ukat nayax suxtïr urunxa, payürutak manq'añ churapxsma. Ukhamasti paqallqüri urunxa, sapa mayni utapan qhiparpan, jan khitis utapat mistpati —sasa.

Éxodo 16:5

Suxtïr urusti, sapür apthapisipxirïki ukat sipan pä ukkhamp qhipürumpitak apthapisipxani —sasa.

Éxodo 20:10

paqallqüri urusti samarañ uruwa, Tatit Diosamatak yaqhachat uruwa. Uka urux janiw jumax kuns lurätati, yuqamasa, phuchhamasa, uywatamasa, uywanakamasa, utamankki uka jaya markankir jaqis janiw kuns lurapxañapäkiti.

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Isaías 1:13

¡Nayatakix uka luqtanakamax jan kunatak askiwa! ¡Janiw apanipxañam munkxti! Inciensonaksa janirak q'aphicharapipxistati, uka q'aphinakax nayatakix janiw askïkxiti. Machaq phaxsi, samarañ uru phunchhäwinakamsa, janiw munkti, Jan wali jaqinakan tantachasitapsa janirakiw munkti. Uka luratanakam nayax wal uñista, janipuniw jumanakat kuns yatiñ munkti.

Levítico 23:21

“Uka urusti jumanakax mä suma qullan tantachasïwi nayatakix lurapxäta, janirakiw uka urux kunanaksa irnaqapxätati. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 23:27

“Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Levítico 23:35

qallta urunsti mä suma qullan tantachasïwi lurapxäta. Janirak uka urun kuna irnaqañanaksa lurapxamti.

Números 28:18

Uka paqallqu urunakat nayrïr urunxa, mä qullan tantachäwiwa utjani. Ukürusti janiw jumanakax kuna irnaqañanaksa lurapxätati.

Números 28:25

Paqallqüri ururusti qullan tantachäwi lurapxäta. Uka urusti janiw kuna irnaqañanaksa lurapxätati.

Números 28:26

“Nayrïr achunak luqtañ urunxa, Tatitur yapunakamat machaq achunakap apthapisin luqtapkäta ukapachax, Semananaka sat uruyañ urunxa, qullan tantachäwi lurapxarakïta. Uka urusti janiw kunsa irnaqapxätati.

Números 29:1

“Paqallqür phaxsina, nayrïr uru saraqataruw jumanakax mä qullan tantachasïwi lurapxäta. Uka urusti janiw kuna irnaqañanaksa lurapxätati, trompetanak phust'asaw uka uru yatiyapxäta.

Números 29:12

“Paqallqür phaxsina, tunka phisqan uru saraqatarusti, jumanakax qullan tantachasïwi lurapxäta. Uka urux janiw kunanaksa irnaqapxätati. Paqallqu uruw Tatitun jach'a kankañapar jach'añchasa uruyapxäta.

Juan 19:31

Pascuatakix mä urukïxänwa. Judionakax janiw sábado urun amayanakan cruzan qhiparañap munapkänti, uka sábado urun wali jach'a urütap layku. Ukat Pilatorux cruzan ch'akkatatäpkän ukanakan kayunakap p'akirayañatak mayipxäna, ukhamat jank'ak jiwapxañapataki, ukatsti amayanakap cruzat apaqayañapataki.

Deuteronomio 16:8

Suxta uruw jan levaduran t'ant'a manq'apxäta, paqallqüri urunsti mä jach'a tantachasïwi lurapxäta, Tatit Diosamar jach'añchañataki, ukürusti janiw jumanakax kuna irnaqäwinaksa lurapxätati.