Efesios 1:5 - Qullan Arunaka DC

⁵ jupax nayratpach ajllisiwayistu, Jesucristo tuqi wawanakapat katuqatäñasataki, kunjämäkitix amtäwipax ukhamarjama.

Aymar Bibliia 1986

⁵ Munasiñapatwa jupajj nayratpach ajllisiwayistu, Jesucristo toke wawanacapat catokatäñasataqui, cunjämäquitejj munañapajj uqhamarjama.

Qullan Arunaca

⁵ Munasiñapatwa jupajj nayratpach ajllisiwayistu, Jesucristo toke wawanacapat catokatäñasataqui, cunjämäquitejj munañapajj uqhamarjama.

Efesios 1:5 Jak'a apnaqawi uñst'ayäwi

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Jeremías 3:4

Jichhakiw saskistaxa: ‘Awkixay, tawaqu kankañaxan nayan suma irpirixa,

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Mateo 1:25

Ukampis wawanïñapkamax janiw chacha warmjam mayachasipkänti. Wawarusti JESÚS sasaw sutichäna.

Mateo 11:26

Tatay, jumaw ukham muntaxa.”

Lucas 10:21

Ukapachaw Jesusax Qullan Ajayu tuqi kusisiñampi phuqt'ata, akham säna: “Yupaychsmaw Awkixay, alaxpachansa, akapachansa Tatitupa, jumax akanak wali yatiñaninakata, amuyt'aninakat imantasaw juk'a yatiñan jaqinakarux uñacht'aytaxa. Jïsa, Awkixay, jumax ukham muntaxa.

Lucas 11:32

Jichha urunakan jakir jaqinakar taripaskani uküruxa, Nínive markankirinakaw sartasipxani, ukat aka jaqinakar juchañchapxani; Nínive markankirinakax Jonasan yatiyäwip ist'asax, jan wali luratanakapat kutikipstanipxäna; ukampis khititix akankki jupax Jonasat sipan juk'ampi jach'awa.

Lucas 12:32

“Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Juan 1:12

Ukampis jupar katuqasin iyawsirinakax Diosan wawanakapäxiwa.

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Juan 20:17

Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa.

Hechos 13:48

Uk ist'asinsti, jan judiöpkis uka jaqinakax kusisipxänwa. Sapxarakïnwa: “Tatitun arunakapax wali sumapuniwa” sasa. Ukatsti wiñay jakañ katuqañatak wakichatanakax iyawsapxarakïnwa.

Romanos 8:23

Janiw akapach sapaki t'aqhiskiti, jan ukasti, jiwasaxa, Qullan Ajay nayraqat katuqirinakax t'aqhisiraktanwa. Jiwasanakax chuyma manqhisan t'aqhistan Diosan jiwasanakar wawanakapjam katuqatäñas uru suyt'asa, janchinakasax qhispiyat uñjaskani uka uru.

1 Corintios 1:1

Corinto markan Diosan iglesiapankir munat jilatanaka, kullakanaka: Nayax Sóstenes jilatasamp chikaw jumanakar aruntanipxsma. Naya Pablox, taqi chuymaxampiw munta Dios Awkisampi, Jesucristo Tatitusampix munasiñapa, sumankañap jumanakar churañapataki. Diosaw nayarux Jesusan apostolupäñapatak ajllisitu, jumanakarusti jupamp chika jakapxañamataki, jupan ajllit markapäpxañamatakiw ajllipxaraktam. Ukhamat nanakampi, Jesucristo Tatitusar taqi akapachan yupaychapki, jach'añchapkaraki ukanakamp mayachatäpxäta.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

2 Corintios 6:18

nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Efesios 1:9

ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.

Filipenses 2:13

Diosaw suma amtäwinak churapxtam, jupa pachparakiw uka lurañanak phuqhañan jupan munañaparjam yanapasipktam.

Colosenses 1:19

Diosax Criston taqi ch'ama utjañap munäna,

2 Tesalonicenses 1:11

Aka amtäwimpiw Diosarux jumanakatak mayipxapunta, Diosasarux aski jawsatapar tukuyañapatakiw mayipxta, ch'amapampisti kuntix jumanakax munapkta ukax phuqhaspan, kuna luräwinaktix iyawsäwi tuqi lurapkta ukas phuqhasirakpan.

Hebreos 2:4

Ukhamarus Diosax unañchanakampi, muspharkañ luräwinakampiw uñacht'ayistu, ukatsti Qullan Ajay tuqiw kunayman lurañanak munañaparjam churistu.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.