Efesios 1:6 - Qullan Arunaka DC

⁶ Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

Aymar Bibliia 1986

⁶ Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Qullan Arunaca

⁶ Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Efesios 1:6 Jak'a apnaqawi uñst'ayäwi

Salmos 22:20

20 (21) Espadampi jiwañat qhispiyita, anunakan amparapat jakañax qhispiyita;

Salmos 60:5

5 (7) ¡Ist'apxakitaya, ch'amamampiy qhispiyapxita! ¡Munatanakamarux qhispiyakimaya!

Proverbios 16:4

Tatitux mä amtäwimpiw taqi kuns luri; ñanqha jaqirusa t'aqhisiñ urutakiw irnuqi.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 43:21

kawkïr marktix nayax uywasta uka markax nayar yupaychañapataki.

Isaías 61:11

Kunjämatix uraqit alinakax sartanixa, mä panqar yapun ayrunakax ch'ichtanixa, ukhamarak Tatitux atipjañap sartayani, taqi markanakasti yupaychañ q'uchunak q'uchupxani.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Levítico 15:15

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat Tatitun nayraqatapan jatha aywiyir usun jaqitakix q'umachasïwi lurañ phuqxani.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Mateo 20:9

Ukapachaw jayp'u tuqir irnaqiri mantirinakax jutapxäna, jupanakasti uru phuqhatas irnaqapkaspa ukhamaw qullqi katuqasipxäna.

Mateo 3:17

Alaxpachatsti mä aruw ist'asïna akham siri: “Akapï munat Wawaxaxa, khitirutix nayax ajlliskta ukaxa” sasa.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 10:17

“Nayax jakañax churta, wasitat jakañ katuqañataki, ukat Awkixax nayar munasitu.

Juan 3:35

Awkix Yuqapar munasiwa, juparusti taqi kun katuyaraki.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

2 Corintios 4:15

Taqi ukanakasti jumanakan askimatakiw lurasiwayi, ukhamata, Diosan munasiñap katuqirinak utjatapatxa, waljaniraki Diosar yuspagarapxañapataki, Diosan qhapaq kankañapataki.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Efesios 1:12

Jupasti jiwasanakan nayrïrïñas muni, Criston suyt'äwi tuqi jakañasataki, ukhamat taqpachani muspharkañ ch'amapat jach'añchañasataki.

Efesios 1:14

Qullan Ajayuwa jiwasanakan arxatirisaxa, Diosax waxt'äwip jiwasar churkistani uk katuqañasataki, uksti kunapachatix jupankirinakan qhispiyasiñapax phuqhatäxani ukkhaw katuqañäni, taqpachani jupan jach'a muspharkañ ch'amapat jach'añchañasataki.

Efesios 1:18

Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki,

Efesios 2:7

Aksti jutir urunakan jupan munasiñapa, khuyapayasiñap uñacht'ayañatakiw luri, jiwasatak Cristo Jesús layku utjatapata.

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.

Filipenses 4:19

Ukhamax taqi kunatix jumanakan jan utjkani uksti, Diosaxaw jumanakar churapxätam, Jesucriston qhapaq qamir kankañapax utjki ukarjama.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.