Efesios 1:4 - Qullan Arunaka DC

⁴ Diosax Cristo tuqiw ajllisistu, aka uraqix janïr utjkän ukkhatpacha, ukhamat q'umachata, jan akch'a q'añuni jupan nayraqatapankañasataki. Munasiñap laykuw,

Aymar Bibliia 1986

⁴ Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Qullan Arunaca

⁴ Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Efesios 1:4 Jak'a apnaqawi uñst'ayäwi

2 Samuel 22:24

Jan kamskayaw nayraqatapan sum sarnaqta, ñanqha lurañat jithiqtasta.

Salmos 135:4

Jupaw Israelarux ajllisïna, jupan markapäñapatakiw ajllisïna.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Levítico 19:2

“Israelitanakarux akham sarakim: “Jumanakasti qullanäpxam, naya Tatit Diosamax qullanätwa.

Levítico 20:7

“Nayarupun taqpach katuyasipxita, ukatsti qullan jaqinakäpxarakim, nayätwa jumanakan Tatit Diosamaxa.

Mateo 24:22

Diosatix uka urunak jan jisk'aptaykaspa ukaxa, janiw khitis qhispiyaskaspati, ukampis ajllitanakapar munatap laykuw Diosax uka urunak jisk'aptayani.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Hechos 13:48

Uk ist'asinsti, jan judiöpkis uka jaqinakax kusisipxänwa. Sapxarakïnwa: “Tatitun arunakapax wali sumapuniwa” sasa. Ukatsti wiñay jakañ katuqañatak wakichatanakax iyawsapxarakïnwa.

Hechos 15:18

Nayaw Tatit Diosamätxa. Nayaw nayratpach taqi ukanak arsuwayta” sasa.

Hechos 18:10

Nayaw jumampïskta, janiw khitis kuna ñanqhsa lurkätamti, nayankirinakax aka markan waljaniwa” sasa.

Romanos 8:33

¿Khitirak Diosan ajllitanakapar kuna jan walitsa irkataspasti? Diosaw jupanakarux aski jaqinakar tukuyi.

1 Corintios 1:8

Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Efesios 4:2

Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

Colosenses 1:22

jichhasti Criston jiwatap tuqiw Diosampix sumankthapipxtaxa. Uksti jumanakar jupa nayraqatan qullanar tukuta, jan q'añuni, jan juchan uñstayañatakiw luri.

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

1 Tesalonicenses 3:12

Tatitusti jumanakar jiltaypan, maynit maynikam munasiñan juk'ampi utjañapataki, kunjämtix nanakax jumanakar munasipksma ukhama.

1 Tesalonicenses 4:7

Diosax janiw juchan jakañasatak jawskistuti, jan ukasti q'uman jakañasatakiw jawsistu.

2 Timoteo 1:9

Diosaw qhispiyistu, ukatsti qullan markap sayt'ayañatakiw jawsistu, ukasti janiw jiwasan kuna aski luratas laykükiti, jan ukasti jupan amtäwip laykuwa, Diosasti aka uraqix janïra utjkän ukkhatpach munasistäna, ukkhatpacharak Jesucristompix mayachatäxtan.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

1 Pedro 1:20

Cristow ukham phuqhañapatak ajllitäna, aka uraqix janïra utjkän ukkhatpach ajllitänwa, ukampis aka qhipa urunakan jumanakatak askiw uñstxi.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

2 Pedro 3:14

Ukatpï munat jilatanaka, akanak suyt'kasaxa, Tatitumpi sumankañatak ch'amachasipxam, taqi kunsa askpun lurapxam, ukhamat jupan jumanakar jan juchani, jan q'añucht'at jikxatañapataki.

1 Juan 4:16

Jiwasax ukham tuqiw Diosan jiwasar munasitap yattan. Diosax munasiñawa; khititix munasiñan jakki ukax Diosan jaki, Diosasti jupan jakaraki.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.