Eclesiastés 4:9 - Qullan Arunaka DC

⁹ Mayni sapat sipansa panïñaw juk'amp askixa, ukhamat irnaqatapas juk'amp uñstaraki.

Aymar Bibliia 1986

⁹ Mayni sapat sipansa paniniw juc'amp asquejja, uqhamatwa juc'amp luratas utjaraqui.

Qullan Arunaca

⁹ Mayni sapat sipansa paniniw juc'amp asquejja, uqhamatwa juc'amp luratas utjaraqui.

Eclesiastés 4:9 Jak'a apnaqawi uñst'ayäwi

Génesis 2:18

Ukxarusti, Tatit Diosax sänwa: “Janiw walïkiti jaqin sapakïñapaxa. Nayasti jupatakix mayni jupampi chika jakiri, ukhamarak jupar yanapt'iri lurarapï” sasa.

1 Crónicas 19:12

juparusti sänwa: “Sirio jaqinakatix nayar atipjirjamäni ukkhaxa, jumaw nayar yanapirix jutäta, amonita jaqinakatix jumar atipjirjamäni ukkhasti, nayaw jumar yanapt'irix jutä.

Proverbios 27:17

Hierrox yaqha hierromp liq'jas ariptayatawa, aski jaqïñatakisti, jilat masimp amuyt'ayatäñawa.

Eclesiastés 4:10

Maynitix jupanakat liwischi ukaxa, mayniw juparux wayti. ¡Ukampis kunakïkan sapak liwiski ukatakixa, janiw khiti waytiripas utjkaniti!

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Hageo 1:14

Tatitux ukham Judá marka apnaqir Zorobabelampiru, sacerdotenakan Josué jilïripampiru, markachirinakampirux ch'amañcht'äna; ukatsti, suxtïr phaxsina, pä tunka pusin uru saraqataru, Darío reyix Persia marka payïr mara apnaqkän ukkhaw taqi ch'aman Tatitu Diosapan utap wasitat utachañ qalltapxäna.

Números 11:14

Janiw naya sapaki taqi aka jaqinakar irpirjamäkti; nayatakix wali ch'am tukuñawa.

Marcos 6:7

Tunka payan yatiqiripar jawsasinsti, panin panin khithäna, ñanqha ajayunak alissupxañapatak ch'am churasa.

Juan 4:36

Khititix yapu apthapki ukax payllap katuqasiwa, yapu apthapitapasti wiñay jakañatakiwa, ukhamat yapuchirimpi yapu apthapirimpi kusisipxañapataki.

Hechos 13:2

Mä urusti, jupanakax Tatituruw yupaychasipkäna, ayuno lurasipkän ukchañkamaw Qullan Ajayux jupanakar säna: “Bernabeampiru, Saulompir yaqhacharapipxita. Nayaw jupanakar mä suma irnaqäwitak ajllista” sasa.

2 Juan 1:8

Jumanakax wal amuyasipxam, ch'ama tukutasax janiw inamayäñapäkiti, jan ukasti jupan waxt'äwip phuqhatpach katuqañasawa.

Rut 2:12

¡Diosaw luratamat jumar kuttayxätam! ¡Israelan Tatitupat churäwi katuqasxäta, jupar alkatatam layku, jupar thaqhatam laykuraki! —sasa.