Apocalipsis 4:5 - Qullan Arunaka DC

⁵ Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Aymar Bibliia 1986

⁵ Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Qullan Arunaca

⁵ Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Apocalipsis 4:5 Jak'a apnaqawi uñst'ayäwi

Génesis 15:7

sarakïnwa: —Nayätwa Tatituxa; nayaw Ur sata Caldea uraqit irpsunsma, aka uraqi jumar tutit churañataki —sasa.

2 Crónicas 4:20

Qullanansa Qullanapa uñkatasin utjki uka suma qurit lurat candeleronaka, nakhayañanakapamppacha, kunjämatix satäkän ukhamar naktayañataki;

Salmos 68:35

35 (36) Diosax qullan utapan muspharkayapuniwa; jupaw Israelan Diosapaxa, jupaw markaparux ch'am churi. ¡Diosax jach'añchatäpan!

Éxodo 19:16

Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Éxodo 25:37

Ukatsti paqallqu lamparanak lurarakïta, uksti patxaruw uchäta, ukhamat nayraqatar qhant'añapataki,

Éxodo 37:23

Ukxarusti suma qurit paqallqu lamparanaka, tenazanaka, jisk'a chuwanak lurarakïna.

Ezequiel 1:13

Uka pusinisti mä sank'iri k'illiminakjamänwa, jan ukax mä nina wiyar uñtataw uka taypin uksa aksa sarnaqapxäna; uka ninasti walpun k'ajäna, ukatsti uka nina taypit lliju llijunakaw mistunirakïna.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Zacarías 4:2

“¿Kuns uñjta?” sasa. Nayasti juparux saraktwa: “Qurit lurat mä candelero uñjta, uka patxansti aceite uchañampi apxatata. Alay chiqansti paqallqu lamparanakaw utjaraki, ukanakarusti aceitex paqallqu tubonak chiqaw puri.

Mateo 25:1

“Diosan qhapaq markapax aka uñtasïwimpi sasiwa. Tunka tawaqux aceitempi nakhir lamparanakapas apt'ataw jaqichasir waynar katuqir mistupxäna.

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Hechos 2:3

Ukatsti nina lawranakjamaw sapa maynxan uñstäna.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 10:3

Ukatsti mä leonar uñtataw wali jach'at art'asïna; art'askän ukkhasti, paqallqu qhixu qhixunakaw arunakap ist'ayasirakïna.

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.