Apocalipsis 4:5 - Qullan Arunaca

⁵ Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Aymar Bibliia 1986

⁵ Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Qullan Arunaka DC

⁵ Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Apocalipsis 4:5 Jak'a apnaqawi uñst'ayäwi

Génesis 15:7

saraquïnwa: —Nayätwa Tatitojja; nayaw Ur sata Caldea oraket irpsunsma, aca orake jumar herenciat churañataqui —sasa.

2 Crónicas 4:20

Korit lurat candelabronaca lamparanacapamppacha, ucasti kollanansa Kollanapa Cheka nayrakatancänwa, cunjämatejj satäcäna uqhamar nactayañataqui;

Salmos 68:35

Diosajj kollan utapan muspharcayapuniwa; jupaw Israelan Diosapajja, jupaw marcaparojj ch'am churi, ¡Diosajj jach'añchatäpan!

Éxodo 19:16

Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Éxodo 20:18

Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 25:37

Uqhamarac luraraquïtawa pakallko lamparanaca, ucsti uchätawa amparanac patjjaru, uqhamata nayrakataru khant'añapataqui.

Éxodo 37:23

Ucjjarusti luraraquïnwa pakallko mecha naqhayañanaca koritcamaqui jisc'a platonacjja pabilo uchañapamppacha.

Ezequiel 1:13

Uca pusinisti mä sanq'iri q'illiminacjamaraquïnwa, jan ucajj mä nina wiyar uñtataw ucsa acsa sarnakapjjaraquïna uca taypinjja; uca ninasti walpun c'ajaraquïna, ucatsti uca nina taypitjja llijullijunacaraquiw mistunïna.

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Zacarías 4:2

—¿Cuns uñjtajja? —sasa. Nayasti juparojj saractwa: —Uñjtwa mä kori candelabro, uca patjjansti mä aceite imañampi apjjatata. Alto chekansti utjaraquiwa pakallko lamparanaca, ucanacarusti aceitejj puriwa pakallko tubonacata.

Mateo 25:1

“Diosan reinopajj aca uñtasitamp sasiwa. Tunca tawakonacaw mä casarasïwir sarapjje lamparanacapas apt'ata casarasirir catokañataqui.

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Hechos 2:3

Ucatsti sapa maynjjana lajjrar uñtata ninanacaw uñstaräna.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 10:3

Ucatsti mä leonar uñtataraquiw wali jach'at art'asïna. Cunapachatï art'ascäna ucqhajj pakallko khejjokhejjonacaw ist'asiraquïna.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 3:1

“Sardis iglesiancquis uca angelaru kellkasin apayaraquim: ‘Aqham siw Diosan pakallko ajayupanïqui, uqhamarac pakallko warawaranïqui ucajja: ‘Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Apocalipsis 8:5

Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.