Apocalipsis 19:9 - Qullan Arunaka DC

⁹ Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Aymar Bibliia 1986

⁹ Ucatsti angelajj saraquituwa: “Kellkam: “Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.” Ucatsti saraquituwa: “Acanacasti Diosan cheka arunacapawa” sasa.

Qullan Arunaca

⁹ Ucatsti angelajj saraquituwa: “Kellkam: ‘Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.’ Ucatsti saraquituwa: “Acanacasti Diosan cheka arunacapawa” sasa.

Apocalipsis 19:9 Jak'a apnaqawi uñst'ayäwi

Isaías 8:1

Tatitusti sarakituwa: “Isaías, wakisiw Urías profetampiru, ukhamaraki Zacarías khititix Jeberequiasan yuqapäki ukampir jawsaniñamaxa, jupanakasti kuntix lurkäta ukanak uñjapxani. Jupanak nayraqatan ñiq'it lurat mä jach'a pallallxar jach'a qillqampi akïr suti suma qhan qillqantäta: ‘Maher-salal-hasbaz’ sasa, ukasti sañ muni: ‘T'unjatäñax niyaw jutaski, lunthatanakas niyaw akankxi.’ ”

Habacuc 2:2

Dios Tatitux sarakituwa: “Kuntix uñacht'aykäma ukxa, mä ñiq'it lurat pallallxar qillqam, ukhamat ullart'añax jasakïni.

Lucas 22:16

Nayax sapxsmawa, janiw mayampis aka Pascua manq'a manq'käti Diosan qhapaq markapan phuqhasiñapkama —sasa.

1 Timoteo 1:15

Ukax chiqäskapuniwa, taqiniw iyawsapxañapa: Cristo Jesusax aka uraqirux juchararanakar qhispiyiriw juti, jupanakatsti nayaw nayrïrïtxa.

1 Timoteo 4:9

Akasti chiqäskapuniwa, taqiniw iyawsañasaraki.

2 Timoteo 2:11

Akax chiqawa: Jupampitix jiwstanxa, jupampirakiw jakañäni;

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 1:19

Kuntix uñjktas uk qillqantam, kunatix jichhax utjki, kunatix akat qhipar utjkani ukanaksa qillqantarakim.

Apocalipsis 10:4

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.

Apocalipsis 14:13

Ukapachaw mä aru ist'ta, alaxpachat art'asisinkiri: “Aka arunak qillqantam: ‘Khitinakatix akat uksar Tatitur iyawsas jiwapki ukanakax kusisiñanïpxiwa’ ” sasa. Diosan Ajayupax siwa: “Ukhamawa,” jupanakax taqi t'aqhisiñanakapata, jan walt'añanakapat samarxapxani, Diosasti jupanakar taqi aski luratanakapat waxt'äwip churani” sasa.

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Apocalipsis 17:17

Diosaw uka tunka reyinakan chuymapar usku mayakïpxañapataki, ukatsti kuntix Diosax munki uk lurapxañapataki, uka jach'a axsarkañ animalar munañanïñ churasa, Diosax arski uk phuqhasiñapkama.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

Apocalipsis 2:12

“Pérgamo iglesiankir angelarux qillqarakim: ‘Khititix purapar arini espada ayt'atäki ukax akham siwa:

Apocalipsis 2:18

“Tiatira iglesiankir angelarux qillqarakim akham sasa: ‘Diosan Yuqapax, khititix nina lawranakjam nayranïki, kayunakapas suma lliphipkir broncer uñtatäki ukax akham siwa:

Apocalipsis 2:8

“Esmirna iglesiankir angelarux qillqarakim: ‘Khititix nayrïrïki, qhipïrïki, jiwasin jaktirïki ukax akham siwa:

Apocalipsis 21:5

Ukatsti qhapaq qunuñan qunt'atäkän ukax sänwa: “Nayax taqi kun machaqat lurta” sasa. Sarakïnwa: “Qillqam, aka arunakax chiqapawa, iyawskañarakiwa” sasa.

Apocalipsis 22:6

Angelasti sarakituwa: “Aka arunakax aski chiqap arunakawa, profetanakar unañchir pachpa Tatit Diosaw angelapar khithani, jank'ak phuqhaskani ukanak luqtirinakapar uñacht'ayiri” sasa.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa: