Apocalipsis 19:8 - Qullan Arunaka DC

⁸ Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Aymar Bibliia 1986

⁸ Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Qullan Arunaca

⁸ Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Apocalipsis 19:8 Jak'a apnaqawi uñst'ayäwi

Salmos 132:9

Sacerdotenakamax chiqa kankañ isimp isthapisipxpan, jumar iyawsirinakax kusisiñat art'asipxpan.

Proverbios 31:22

Jupa pachpaw ikiñanak sawst'asi, suma telat lurat isinakampiw isisiraki.

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Ezequiel 16:10

ukxarusti wali suma sami isinakampiw isthapiysma, suma lip'ichit lurat wiskhumpiw wiskt'aysma; ukxarusti suma linot lurat wak'a chursma, ukhamarak suma sawuta isinakampi;

Ezequiel 44:17

Manqhankir uta anqäx punkup chiqa mantapkani ukapachasti, linot lurat suma isimpi isthapitäpxañapawa. Manqhankir uta anqäxan luqtapkani, jan ukax pachpa utaxansa luqtapkani ukkhasti, janiw t'awrat lurat isimpi uchasipkaniti.

Mateo 17:2

Ukansti Jesusax jupanak nayraqatan qhankiriw tukuwayäna. Ajanupasti intjamaw k'ajäna, isipasti wali janq'ururakiw tukuwayäna.

Mateo 22:12

Juparusti sänwa: ‘Jilata, ¿kunjämatarak akarusti jan jaqichasïwi isin mantantasti?’ sasa. Jupasti amukiw ist'äna.

Marcos 9:3

Isinakapas k'ajkir khunjam suma janq'uruw tuküna, janipuniw khitis qawqha t'axsusas ukham janq'u tukuykaspati.

Lucas 24:4

Jupanakasti ukat wal mulljasipxäna, janiw kamacht'irjamäpkänsa, ukhamaruw jupanak jak'an suma janq'ut isthapit pani chachanakax uñstäna.

Hechos 1:10

Alaxpacha uñtat Jesusar uñch'ukisipkipansti, janq'u isini pani chachaw jupanak thiyan uñstäna.

Romanos 13:14

Ukatsipana, jumanakax Jesucristo Tatitump isthapisipxam, janirak janchin munañanakapar jaysapxamti.

Romanos 3:22

Jesucristor iyawsañ tuqiw Diosax iyawsirinakar aski jaqir tukuyi. Janiw yaqha yaqhäñax utjkiti:

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 15:6

Uka qullan utjäwitsti paqallqu angelanakaw mistunïna, paqallqu mutuyäwinakas apt'ata. Uka angelanakasti suma q'uma qhankir lino isinakampi isthapitänwa, quri wak'anakampi wak'antatarakïnwa.

Apocalipsis 19:14

Alaxpachankir ejercitonakaw qhipap arkapxäna, suma lino janq'u q'uma isimpi isthapitkama, taqinis janq'u caballor lat'xatatkamaraki.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.