Apocalipsis 19:7 - Qullan Arunaka DC

⁷ Kusisipxañäni, kusisiñan phuqt'at jupar jach'añchapxañäni, Corderon jaqichasiñap urux purinxiwa. Esposapasti wakicht'atäxiwa.

Aymar Bibliia 1986

⁷ Cusisipjjañäni, c'uchirt'asipjjaraquiñäni, jach'achapjjaraquiñäni Diosaru. Corderon casarasiñapasti purinjjewa. Esposapasti waquicht'ataraquiwa.

Qullan Arunaca

⁷ Cusisipjjañäni, c'uchirt'asipjjaraquiñäni, jach'achapjjaraquiñäni Diosaru. Corderon casarasiñapasti purinjjewa. Esposapasti waquicht'ataraquiwa.

Apocalipsis 19:7 Jak'a apnaqawi uñst'ayäwi

Salmos 107:42

Aski jaqinakax uk uñjasax kusisipxiwa, ñanqha lurir jaqinakasti lakap llupantasipxi.

Salmos 48:11

11 (12) ¡Sión qullux kusispan! Chiqap arsutanakamampix Judá uraqinkir markanakax kusisipxpan.

Salmos 9:14

14 (15) Ukhamat Jerusalén punkunakanxa, taqi jaqinakar Tatitur yupaychapxam sä, nayar qhispiyatamat kusisitaxsa yatiyarakï.

Proverbios 29:2

Aski jaqinakan apnaqatax, markax kusisiwa; ñanqha lurir jaqinakan apnaqat markasti, t'aqhisiwa.

Cantar de los cantares 3:11

Jerusalenankir warminaka, ¡Salomón reyir uñjir mistunipxam! Pillumpi ucht'atawa, taykapax jaqichasiñ urupataki lurkatayna, taqi jakäwipan kusiskañ urupataki lurkatayna uka pillumpi ucht'atawa.

Isaías 52:1

¡Jerusalén marka, sartasim! ¡Wali ch'amampi sayt'asim! Jerusalén, qullan marka, suma isinakamampi isthapisim, Diosar jan uñt'ir ñanqha jaqinakaxa, janiw mayampsa jumar tukjirix jutkxapxaniti.

Isaías 62:5

Kunjämatix mä waynax mä tawaqumpi jaqichasixa, ukhamarakiw Tatitux jumarux warmimat katuqasxätam, wasitat sayt'ayxätam; jumampisti k'uchikiw jakasini, kunjämatix mä chachax warmipampi kusiski ukhama.

Isaías 66:10

Tatitux siwa: “Jumanakax Jerusalén markarux wal munasipxta, jupamp chikaw jachapxta, jichhax wal kusisipxam, jupamp chikarak kusisipxam;

Isaías 66:14

Kunapachatix jumanakax akanak uñjapkäta ukkhasti, chuymanakamax kusisiniwa; machaq ch'amanïpxätawa. Tatitusti arkirinakap taypin ch'amap uñacht'ayani, uñisirinakap taypinsti phiñasiñap uñacht'ayarakini.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Mateo 1:20

Ukham lup'iskiriruw, Tatitun angelapax samkan uñstäna, ukat sarakïna: “José, Davidan yuqapa, Mariar warmimat katuqañ jan axsaramti, yurkani uka wawax Qullan Ajay tuqiw utji.

Mateo 22:2

“Diosan qhapaq markapax kunjämatix mä reyix yuqapar jaqichañatak mä manq'äwi wakichayki ukar uñtatawa.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

2 Corintios 11:2

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

Efesios 5:23

Chachax warmin p'iqipawa, kunjämatix Cristox iglesian p'iqipäki ukhama, iglesiasti jupan janchipawa; Cristosti jupan Qhispiyiriparakiwa.

Efesios 5:32

Akax wali jach'a jan amuyt'kañawa. Nayasti Cristompita, iglesiampit ukham arsta.

Deuteronomio 32:43

“¡Jumanaka, jak'ankir markanaka, Diosan markapamp chika kusisipxam! Jupaw uywatanakapan jiwatapat phuqsusini, uñisirinakapat phuqsusirakini. ¡Diosax markapar pampachaniwa uraqiparusti juchanakat q'umacharakini!”

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 21:2

Ukatsti qullan marka uñjta, machaq Jerusalén. Uka markasti Diosan nayraqatapat saraqasinkäna, jaqichasiñatak suma isthapt'at mä tawaqur uñtata, jaqichasir waynar katuqañatakjama.

Apocalipsis 21:9

Ukatsti mä angelaw juti, uka angelasti qhipïr paqallqu t'aqhisïwinakan phuqt'ata paqallqu qirunak ast'atakän uka angelanakat maynirïnwa, uka angelasti situwa: “Jutam, khititix Corderon esposapäkani ukaruw uñacht'ayäma” sasa.

1 Samuel 2:1

Ukatsti Anax akham Tatiturux q'uchüna: “Tatay, nayasti taqi chuymaw juman kusista, jumax nayar ch'ama churatamata. Jichhakuchaw uñisirinakatakix arsusïxa, jumaw nayarux yanapt'ista uka layku. ¡Wali kusisitätwa!