Apocalipsis 11:8 - Qullan Arunaka DC

⁸ Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.

Aymar Bibliia 1986

⁸ Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Qullan Arunaca

⁸ Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Apocalipsis 11:8 Jak'a apnaqawi uñst'ayäwi

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 19:24

Tatitux Sodoma, Gomorra markanakxarux aqkir azufrempiw jallur uñtat purintayäna;

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 26:23

jupanakasti Urías profetar Egiptot irptanisinxa, Joacín reyin amparaparuw katuyapxäna, reyisti uka profetan jiwayatäñapatakiw arsüna, ukatsti janchipax mä jach'a p'iyar jaquntatäñapatakiw mayirakïna.

Ezequiel 16:46

Jilïr kullakamasti amsta tuqinkir Samaria markawa, jisk'a markanakapampi kuna; sullka kullakamasti aynach tuqinkir Sodoma markawa, jisk'a markanakapampi kuna.

Ezequiel 16:49

Sodoma kullakaman juchapax akänwa: Jupasa, jisk'a markanakapasa, manq'añan phuqt'atäsina, jan kuna llakin jakkasinxa wali jach'a jach'aw tukupxäna, janirakiw jan kunaninakarusa, pist'at sarnaqirinakarus yanapt'apkänti.

Ezequiel 23:19

Ukampis jupax juk'ampi juk'amp yaqha chachanakampi sarnaqañarux katuyasïna, tawaqu urunakapat amtasisa, Egipton jan wali sarnaqkän ukhama,

Ezequiel 23:27

Ukham lurasaw munañamar sarnaqañamxa tukusiyä, Egipton yaqha chachanakampi sarnaqañaru katuyasitamsa, janiw egipcio jaqinakarux mayampsa uñjkxätati, janirakiw mayampsa jupanakat amtaskxätati” sasa.

Ezequiel 23:3

Aka warminakasti tawaqutpach jan wali sarnaqañanakaru katuyasipxäna; Egipto uraqinsti ñuñunakapsa llawq'ayasipxakïnwa, ukham sarnaqasaw q'uma kankañap q'añuchjapxäna.

Ezequiel 23:8

Egiptonkkän ukkhatpacha q'añu lurir warmiru tukuwayxäna, uka jan wali sarnaqañanakapsti janipuniw apanukkänti. Jupax tawaqükän ukkhatpacha, walja chachanakaw jupampi ikintapxäna, q'uma kankañap q'añuchjapxäna, walja chachanakampi sarnaqir warmiru tukuyasa.

Ezequiel 37:11

Ukatsti Tatitux sarakituwa: “Israel markax uka ch'akhanakar uñtatawa. Jupanakax akham sasaw sarnaqapxi: ‘Ch'akhanakasax q'ala wañsutawa; janirakiw jiwasatakix kuna suyt'añas utjkxiti, q'ala aynacht'atätanwa’ sasa.

Amós 4:11

“Kamisatix Sodoma markampiru, Gomorra markampir nayax tukjkta, ukham jumanakarux tukjapxaraksma; ninat apsut sank'ar uñtatäpxayätawa, ¡ukampis jumanakax janiw nayan ukarux kuttanipktati!” Tatitux ukham siwa.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Hechos 9:4

Ukspachaw Saulox uraqir jaqnuqtäna, ukatsti mä aru jupar saskir ist'arakïna: “Saulo, Saulo, ¿kunatsa arknaqista?” sasa.

Hebreos 13:12

Ukhamarakiw Jesusax markat anqäxan jiwayatänxa, wilap tuqi jaqinakar q'umachañataki.

Hebreos 6:6

wasitattix tinkupxaspa ukkhax janiw Diosan ukar kutikipstayanksnati, jupanakpach Diosan Yuqapar wasitat ch'akkatatapata, taqinimpis phiskasiyatap layku.

2 Pedro 2:6

Sodoma, Gomorra markanakarusti, Diosax qhillar tukuyañkamaw ninamp nakhantayäna, qhipa urunakan jakir jan wali jaqinakan amuyt'asiñapataki.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 11:9

Kimsa uru chikataniw kunayman markankir jaqinaka, kunayman jaqinaka, kunayman parlani jaqinaka, taqi markanakata uka jiwat janchinak uñjapxani, janiw khitisa p'amp'antasiñap munkaniti.

Apocalipsis 14:20

Uka uvanakasti marka anqäxan ch'irwsutänwa, uva uchañatsti wilax waljapuniw mistunïna, kimsa metro chikatankam makhatasa, kimsa patak kilómetro ukch'ar llumitatasa.

Apocalipsis 14:8

Uka angelarusti yaqha angelarakiw arkäna, akham sasa: “¡Aynacht'xiwa, aynacht'xiwa, jach'a Babiloniaw aynacht'xi, taqpach markanakar jucha lurañanak yatichiri, k'ari diosanakar jaysañ yatichir markax t'unjataw uñjasxi!” sasa.

Apocalipsis 16:19

Jach'a markasti kimsaruw jaljtäna, akapachankir markanakas q'alarakiw t'unthaptäna; Diosasti Babilonia jach'a markat amtasïna, jach'a q'apisiñapampi mutuyañataki.

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Apocalipsis 17:18

Uñjktas uka warmix, uka jach'a markawa, reyipasti aka uraqin utjir taqi reyinakaruw apnaqi” sasa.

Apocalipsis 17:5

paraparusti jan uñt'at sutiw qillqata utjäna, uka sutisti akhamänwa: “Jach'a Babilonia, q'añusirinakan taykapa, akapachan utjir taqi ñanqhanakampina, uñisiñäki ukanakampin taykapa” sasa.

Apocalipsis 18:10

Ninan mutuyäwipar axsarasasti, jayatak uñch'ukipxani, sapxarakiniwa: “¡Ay! ¡Babilonia jach'a marka, ch'aman marka, kunarus purt'asta! ¡Akatjamatakirakis mutuyäwimax purinixä!” sasa.

Apocalipsis 18:18

Uka markan nakhatapat jiwq'i mistur uñjasasti, jach'at art'apxarakïna: “¡Janipuniw Babilonia markjam wali ch'amanix utjkänti!” sasa.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 18:21

Ukatsti mä wali ch'aman angelaw mä jach'a qala apti, ukasti molino qalar uñtat jach'änwa, ukatsti jach'a qutaruw jaqunti akham sasa: “Jach'a Babilonia marka, akham jaquntataw uñjasïta, janirakiw mayampsa uñjapkxätamti.

Apocalipsis 18:24

Diosaw uka jach'a markarux mutuyäna, profetanakaru, Diosan markapankirinakar jiwayatapat juchanïtap layku. Uka markaw aka uraqin waljaninakar jiwarayäna.