Apocalipsis 11:9 - Qullan Arunaka DC

⁹ Kimsa uru chikataniw kunayman markankir jaqinaka, kunayman jaqinaka, kunayman parlani jaqinaka, taqi markanakata uka jiwat janchinak uñjapxani, janiw khitisa p'amp'antasiñap munkaniti.

Aymar Bibliia 1986

⁹ Quimsa uru chicaniraquiwa take casta jakenaca, cunaymani parlani jakenaca, take marcanacata ucanacaw uca jiwatanacjja uñjapjjani, janiraquiw imantayapcaniti.

Qullan Arunaca

⁹ Quimsa uru chicaniraquiwa take casta jakenaca, cunaymani parlani jakenaca, take marcanacata ucanacaw uca jiwatanacjja uñjapjjani, janiraquiw imantayapcaniti.

Apocalipsis 11:9 Jak'a apnaqawi uñst'ayäwi

1 Reyes 13:22

Tatitux kawkhantix jan uk lurañamataki sisktam ukkharuw manq'iri, umiri kuttawaytaxa. Uka layku, jiwxäta ukapachaxa, janiw nayra awkinakaman amay imäwipar imt'atäkätati” —sasa.

Eclesiastés 6:3

Mä chachax patak wawanakanïskaspawa, ukat walja maranakas jakaskarakispawa; ukampis ukham jakkasax janitix yänakapampi kusiskani, janirak amayapas imt'atäkan ukaxa, nayatakix uka jaqit sipansa mä sullsut wawaw askixa.

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Jeremías 7:33

Uka jaqinakan jiwat janchinakapsti jach'a jamach'inakampi, monte animalanakampiw manq'apxani, janiw ukanakar khiti jark'iris utjkarakiniti.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Apocalipsis 10:11

Ukat sapxitu: “Jichhax Diosan amtäwinakap walja markanakankir jaqinakar yatiyañamawa, kunayman parlani jaqinakaru, reyinakaru” sasa.

Apocalipsis 11:11

Uka kimsa uru chikatan qhipatsti, Diosax uka pani profetarux jakatatayxänwa, jupanakax wasitat sayt'asxapxäna; jaqinakasti jupanak uñjasax wal axsarapxäna.

Apocalipsis 13:7

Ukatsti Diosan wawanakapampi nuwasiñatakis munañanïñ kankañax churatarakïnwa jupanakar atipjañkama; ukhamarus kunayman jaqinakaru, markanakaru, kunayman parlani jaqinakar apnaqañataki.

Apocalipsis 17:15

Angelasti sarakituwa: “Uñjktas uka jawiranaka, kunxarutix q'añusir warmix qunt'atäki ukanakasti, akapacha markanaka, jaqinaka, kunayman parlani markanakawa.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.