Apocalipsis 11:3 - Qullan Arunaka DC

³ Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.

Aymar Bibliia 1986

³ Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”

Qullan Arunaca

³ Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”

Apocalipsis 11:3 Jak'a apnaqawi uñst'ayäwi

Génesis 37:34

Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

2 Samuel 3:31

Ukat Davidax Joab jaqimpiru, jupamp chika ukankir jaqinakampir säna: “Llakisiñat isinakam ch'iyanuqasipxam, chhankha isinakamp uchasipxam, Abneran jiwatapat jachapxam” sasa. David reyisti jiwat amaya kallirinak qhipap saräna,

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

2 Reyes 19:1

Ezequías reyix ukanak ist'asinxa, llakisiñat isinakap ch'iyanuqasïna, chhankha isimpi uchasisinsti Tatitun utaparuw saräna.

1 Crónicas 21:16

Davidasti uñtasax Tatitun angelaparuw uñji, alaxpachampi aka uraqimpi taypin sayt'atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt'apxäna,

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Job 16:15

Llakin phuqhantataw chhankha isinakamp isthapista, p'iqixsa laq'aruw muqintarakta.

Salmos 69:11

11 (12) llaki isimp uchasta ukapachasti, nayat taqinipuniw sawkasipxitu.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Lamentaciones 2:10

Jerusalén markankir jilïr jaqinakas amukiw uraqin qunurxapxi, p'iqinakapxarus laq'ampiw jach'xatasipxi, chhankha isinakampiw uchasipxi. Jerusalén markankir tawaqunakasti p'iqinakapsa uraqkamaw alt'apxaraki.

Ezequiel 4:6

Ukham ch'iqäxat ikiñ tukuyxäta ukkhasti, kupi tuqitarak ikt'äta, ukatsti Judá markan juchap jumxarux apxatasirakïta, pusi tunka ururakiw ukham ikïta. Sapa urusti mä mara jucha lurataparüniwa.

Daniel (hebreo) 12:7

Lino isimp isthapit chachasti, alaxpachar amparap luqtasaw, jakkir Diosan sutipxar juramentompi arsüna akham sasa: ‘Kimsa mara chikatanita, kunapachatix Diosan markapax jan juk'amp t'aqhisiyat uñjaskxani ukapachaw taqi akanakax tukusxani’ sasa.

Daniel (hebreo) 7:25

Alaxpachankir Diosarusti jisk'achjaniwa; markaparus tukjarakiniwa; Diosan kamachinakapsa, amtäwi uruyañanaksa mayjt'ayañ munarakini, Diosan markapasti jupan apnaqatarakïniwa, kimsa mara chikatankama.

Daniel (hebreo) 8:14

Maynïr angelasti sarakïnwa: ‘Pä waranqa kimsa patakan jayp'umpi, willjtampiw ukhamäni, uka qhipatsti qullan utax q'umachatäxaniwa’ sasa.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Jonás 3:5

Uka markankir jaqinakasti jach'at jisk'akamaw Tatitur iyawsapxäna, ayuno lurañ amtapxarakïna, llakisiñatsa chhankha isinakampiw isthapisipxäna.

Jonás 3:8

Ukatsipana, llakisiñat taqinis chhankha isinakampi uchasipxam, taqi ch'amampi Tatitur art'asipxam, sapa maynirak jan wali sarnaqäwipa, jan wali luräwinakap jaytanukpan;

Números 11:26

Uka paqallq tunk ajllitanak taypin pä chachaw utjäna, maynix Eldad sutinïnwa, maynisti Medad sutinirakïnwa, jupanakasti janiw qullan carpar sarapkataynati, jan ukasti, campamenton qhiparapxatayna. Ukampisa, ajayux jupanakxar purirakïnwa, ukatsti jutir urunakat parlañ qalltapxarakïna.

Mateo 11:21

“¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Mateo 18:16

Janitix ist'kätamxa, maynirusa, jan ukax panirus irpasim, ukhamat kuntix arskäta ukxa paninisa, jan ukax kimsanisa arsusin irkatañapataki.

Lucas 10:13

“¡Ay, kunakïkani, Corazín marka! ¡Ay, kunakïkani, Betsaida marka! Tiro, Sidón markanakantix jumanak taypinjam muspharkañanak lurasisapänxa, niyaw jupanakax Diosar kutikipstapxasapäna; llaki isimp isthapita, qhillar qunusaraki.

Lucas 24:48

taqi akanakat arsupxäta.

Juan 15:27

Jumanakasti nayxat arsupxarakïta, qalltatpach nayampïpxatam layku.

Juan 3:27

Juanasti jupanakar sänwa: —Janiw khitis kunsa katuqkaspati janitix Diosax churkaspa ukaxa.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 13:31

Jesusasti walja urunakawa, walja kutirakiw uñstäna, jupamp chik Galilea uraqit Jerusalenar makhatapkataynas jupanakaru. Jichhasti jupanakaw Jesusat jaqinakar yatiyapxi.

Hechos 2:32

Uka Jesusaruw Diosax jiwatat jaktayi, uksti taqiniw sum uñjapxtan.

Hechos 3:15

Ukham jumanakax jakañ churirirux jiwayapxtaxa. Ukampis Diosaw juparux jiwatanak taypit jaktayi, uksti nanakaw uñjapxta.

1 Corintios 12:28

Diosax iglesian utjañap munäna, nayrïrinxa apostolunaka; payïrinsti profetanaka; kimsïrinsti yatichirinaka; ukxarusti muspharkañ luririnaka, mayninakax usutanakar qullirinaka, yanapasirinaka, sarayirinaka, yaqha arunakat parlirinaka.

2 Corintios 13:1

Akampix kimsïr kutiw jumanakar tumpxapxäma. Taqi kunas pani, jan ukax kimsa jilatanakan arsutaparjamaw askichatäni.

Efesios 4:11

Ukatsti jupa kipkaw sapa maynirus churawayi, yaqhipax apostolüñapataki, yaqhipax profetäñapataki, yaqhipax Diosan suma yatiyäwi arup qhanañchañapataki, yaqhipasti awatirinaka, yatichirinakäñapataki.

Deuteronomio 17:6

“Jiwayatäñataki juchañchäwisti kunapachatix pani, jan ukax kimsanisa qhanañchapxani ukapachakiw juchañchäwix utjani, ukampis janiw mayni sapan qhanañchatapampikix khitis jiwayatäñatak juchañchatäkaspati.

Deuteronomio 19:15

“Mä taripäwinxa, jaqi jiwayatapat khitir juchañchañatakisa, pani, jan ukax kimsa irkatirin arsutapaw askïni. Janiw mä sapa irkatirin arsutapax juchañchañatak askïkaniti.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 11:2

Ukampis uta anqäxäkis ukxa janiw tupt'kätati, ukasti jan judiöpkis uka jaqinakar katuyatäxiwa, uka jaqinakasti pusi tunka payan phaxsiw Jerusalén qullan marka apnaqapxani.

Apocalipsis 11:6

Jupanakax alaxpach jist'antañatakisa munañanïpxiwa, Diosat katuqat arunak parlapkani uka urunakan jallun jan puriñapatakisa, umanakan wilar tukuñapataki, akapach jaqinakar kunayman mutuñanakampi munataparjam qawqha kuti t'aqhisiyañatakis munañanïpxarakiwa.

Apocalipsis 12:6

Warmisti wasararuw jaltxäna, Diosax jupatak mä chiqa wakichkatayna ukkharu, ukawjan waranqa pä pataka suxta tunkan uru jupar uñjapxañapataki.

Apocalipsis 13:5

Uka axsarkañ animalarusti, jach'a jach'a tukuñampi Diosar ñanqhachas jan wali arunak parlañapatak munañanïñaw churatarakïna, pusi tunka payan phaxsinak marka apnaqañapatakiraki.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.