Apocalipsis 11:2 - Qullan Arunaka DC

² Ukampis uta anqäxäkis ukxa janiw tupt'kätati, ukasti jan judiöpkis uka jaqinakar katuyatäxiwa, uka jaqinakasti pusi tunka payan phaxsiw Jerusalén qullan marka apnaqapxani.

Aymar Bibliia 1986

² Ucampis ankäjj patiöquis ucjja janiw tupt'ätati. Uca patiosti jan judiöpquis uca jakenacaru catuyatäjjewa. Uca jakenacasti pusi tunca payani phajjsiraquiw aca Tatitun k'oma marcapjja taquisipjjani.

Qullan Arunaca

² Ucampis ankäjj patiöquis ucjja janiw tupt'ätati. Uca patiosti jan judiöpquis uca jakenacaru catuyatäjjewa. Uca jakenacasti pusi tunca payani phajjsiraquiw aca Tatitun k'oma marcapjja taquisipjjani.

Apocalipsis 11:2 Jak'a apnaqawi uñst'ayäwi

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Isaías 48:2

Jerusalén markan jakasirïtwa sistawa, Israelan Diosaparuw iyawsta, sutipasti taqi ch'amani Tatituwa, saraktawa.

Isaías 5:5

Walikiwa, jumanakaw nayan uva yapuxäpxtaxa, jichhax kuntix jumanakampi lurañ amtkta uk sapxäma: tukjatäpxañamatakix janiw arxatxapxämati, markaman pirqapsti aptxarakïwa ukhamat taksutäpxañamataki;

Isaías 52:1

¡Jerusalén marka, sartasim! ¡Wali ch'amampi sayt'asim! Jerusalén, qullan marka, suma isinakamampi isthapisim, Diosar jan uñt'ir ñanqha jaqinakaxa, janiw mayampsa jumar tukjirix jutkxapxaniti.

Lamentaciones 1:10

Uñisirinakaw Jerusalén markan suma yänakap katuntasxi. Markasti, Diosar jan uñt'ir jaqinakan Tatitun utapar ch'amampi mantir uñjaraki, ¡kawkïr jaqinakarutix jumax: “Janiw nayan utaxar mantapxätati” siskta ukanakaw mantapxi!

Ezequiel 4:6

Ukham ch'iqäxat ikiñ tukuyxäta ukkhasti, kupi tuqitarak ikt'äta, ukatsti Judá markan juchap jumxarux apxatasirakïta, pusi tunka ururakiw ukham ikïta. Sapa urusti mä mara jucha lurataparüniwa.

Ezequiel 42:20

Pusi tuqitpach tupt'äna, Tatitun utapan uraqipar pusi tuqit muytat pirqasti pä pataka phisqa tunkani metronkamänwa, uka pirqasti Tatitun utapampi, markampi jaljañatakïnwa.

Daniel (hebreo) 12:7

Lino isimp isthapit chachasti, alaxpachar amparap luqtasaw, jakkir Diosan sutipxar juramentompi arsüna akham sasa: ‘Kimsa mara chikatanita, kunapachatix Diosan markapax jan juk'amp t'aqhisiyat uñjaskxani ukapachaw taqi akanakax tukusxani’ sasa.

Daniel (hebreo) 7:19

“Nayax juk'amp uka pusïri axsarkañ jach'a laq'ut yatxatañ munäyäta, uka laq'usti mayninakatsa mayjänwa, axtaskañarakïnwa, hierro laka ch'akhanakani, bronce sillunakanïnwa; taqi kun manq'antäna t'unjarakïna, jilt'anaksa takisirakïnwa.

Daniel (hebreo) 7:25

Alaxpachankir Diosarusti jisk'achjaniwa; markaparus tukjarakiniwa; Diosan kamachinakapsa, amtäwi uruyañanaksa mayjt'ayañ munarakini, Diosan markapasti jupan apnaqatarakïniwa, kimsa mara chikatankama.

Daniel (hebreo) 8:10

Sinti jilantatapatsti, alaxpach warawaranakkamaw purïna, uka warawaranaksti williranïnwa, takisirakïnwa,

Daniel (hebreo) 8:13

Ukatsti ist'araktwa, mä angelaru yaqha ángel masipar jiskt'askiri: ‘¿Wilañchanak sapür luqtasiñ chiqawjan lurapki ukanakax, kunapachas tukusxani? ¿Kunapachkamarak Tatitusti qullan utapan juchachasiñanak utjayaskakinisti? ¿Kunapachkamarak iyawsirinakapar takisipxanisti?’ sasa.

Daniel (hebreo) 8:14

Maynïr angelasti sarakïnwa: ‘Pä waranqa kimsa patakan jayp'umpi, willjtampiw ukhamäni, uka qhipatsti qullan utax q'umachatäxaniwa’ sasa.

Números 14:34

Jumanakax pusi tunka uruw uraqinak uñakipasax sarnaqanipxtaxa; ukhamarakiw jichhax pusi tunka mara mutuyäwi phuqhapxäta, sapa uruta mä mara. Ukhamat jumanakax yatipxäta, kunjämäkitix nayar qallkatasiñax uka.

Mateo 27:53

Jesusan jaktatap qhipatsti, amay imäwit misturinakax Jerusalén qullan markaruw mantapxäna, ukansti walja jaqiw uñjapxarakïna.

Mateo 4:5

Ukatsti supayax Jerusalén qullan markaruw irpäna, Tatitun utap patar irpsusinsti,

Mateo 5:13

“Jumanakax akapach jayüpxtawa. Ukampis jayutix ch'aphaqar tukuspaxa, ¿kunampirak jayunchasispasti? Janiw kunatakis askïkxaspati, jan ukasti jaqin takisiñapatak anqar wartatakïxaspawa.

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Apocalipsis 11:11

Uka kimsa uru chikatan qhipatsti, Diosax uka pani profetarux jakatatayxänwa, jupanakax wasitat sayt'asxapxäna; jaqinakasti jupanak uñjasax wal axsarapxäna.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.

Apocalipsis 12:6

Warmisti wasararuw jaltxäna, Diosax jupatak mä chiqa wakichkatayna ukkharu, ukawjan waranqa pä pataka suxta tunkan uru jupar uñjapxañapataki.

Apocalipsis 21:10

Ajayux uñjaykitu uka unañchäwinsti, angelax mä jach'a qullur irpsusin uñacht'ayitu, Diosan nayraqatapat qullan Jerusalén jach'a markar saraqasinkiri.

Apocalipsis 21:2

Ukatsti qullan marka uñjta, machaq Jerusalén. Uka markasti Diosan nayraqatapat saraqasinkäna, jaqichasiñatak suma isthapt'at mä tawaqur uñtata, jaqichasir waynar katuqañatakjama.

Apocalipsis 22:19

Khititix akan qillqatäki uka profecía arunakata kunsa apaqanixa, janiw Diosax jakañ churir quqan achupat jupar jalt'asiykaniti, janirakiw akan qillqatäki uka qullan markar mantaykaniti.