2 Samuel 7:16 - Qullan Arunaka DC

¹⁶ Ukhamarusa, nayaw wawanakaman marka apnaqäwip ch'amaniptayä, reyi qunuñamasti wiñayatak utt'atapunirakïniwa’ ” sasa.

Aymar Bibliia 1986

¹⁶ Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa” sasa.

Qullan Arunaca

¹⁶ Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa’ ” sasa.

2 Samuel 7:16 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

2 Samuel 22:51

Jumaw ajllit reyimar nuwasïwinakan atipjaytaxa; Davidampiru, wawanakapampirusti munasiñampipuniw uñjtaxa.”

2 Samuel 7:13

Jupaw nayatakix mä uta utacharapitani, nayasti marka apnaqäwip wiñayatakipuniw utt'ayarakï.

2 Samuel 7:17

Natán profetasti taqi akanak Davidarux yatiyäna, kunjämtix uñjkatayna, ist'karakitayna ukhampacha.

1 Reyes 2:4

Tatitusti kuntix nayar arsuwaykitu uk phuqharakini: “Wawanakamatix naya nayraqataxan chiqa kankañampi, taqi chuymampi, taqi jakañapampirak sum sarnaqapxani ukkhaxa, janipuniw wila masim taypit Israel markan reyi qunuñankañax tukuskaniti” sasa.

1 Reyes 9:5

nayax wiñayatakiw Israel marka apnaqañamatak reyi qunuñam utt'ayä, David awkimar arsutaxarjama, kunapachatix jupar siskäyäta: ‘Israel markar apnaqañ reyi qunuñamas jumat saraqir wawamatakix utjapuniniwa’ sasa.

2 Reyes 19:34

Nayaw aka markar imaskä, qhispiyarakï, David luqtirixar munasitax layku, naya pachpa munasitax laykuraki’ ” sasa.

2 Reyes 8:19

Ukhamïpansa Tatitux janiw Judá markar tukjañ munkänti, David luqtiripar khuyapayasitap layku, juparusti Tatitux wila masinakapat wiñayapun marka apnaqirix utjañap arsutayna.

2 Crónicas 6:16

Ukhamasti, Israelan Tatit Diosapay, kuntix juman luqtirima David awkixaru arskta ukampix phuqhamaya: jupat saraqir wawanakapat Israel reyin qunuñapar makhatirix khuyapayasiñam layku utjañapapuni, jupanakatix sum sarnaqapxani, kamachinakapsa phuqhapxarakini ukkhaxa” sasa.

Job 36:7

Aski jaqinakarux arxatapuniwa; reyinakampi chikaw qunuñapar qunt'ayi, jach'ar aptataw uñjasipxi.

Salmos 45:6

6 (7) Dios Tatay, reyi kankañamax wiñayatakiwa, reyi kankañamax chiqapar uñjañawa.

Salmos 72:5

¡Reyix jumar wiñay axsartirïpan, intin phaxsin utjañapkama!

Salmos 89:4

4 (5) “Wawanakamaruw wiñayatak utt'ayä, reyit juma lanti qunt'asiñapataki” sasa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 17:25

Ukhamtix lurapxäta ukkhasti, Davidan qunuñapar qunt'asir reyinakax utjapuniniwa, aka markan punkunakap chiqsti jupanakax carronakxata, caballonakxata taqi jilïrinakampi chikt'ataw mantapxani, Judá uraqinkiri, Jerusalén markan utjir taqi jaqinakapampi kuna. Jerusalén markansti jaqinakax utjaskapuniniwa.

Jeremías 33:17

Naya, Tatitusti, saraktwa: Davidan wawanakapatxa utjapuniniwa Israel markan mayni reyipaxa,

Ezequiel 37:25

Jacob luqtirixar churata uraqin jakapxani, kawkintix nayra awkinakapax jakapkäna uka uraqina. Jupanakasa, wawanakapasa, wawanakapan wawanakapas ukan jakapxani, David luqtirixarakiw jupanakan jilïripäni.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Mateo 16:18

Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.

Juan 12:34

Jaqinakasti sapxarakïnwa: —¿Kunatarak Jaqin Yuqapax cruzan ch'akkatas aptatäniwa sistasti? ¿Khitirak Jaqin Yuqapasti? Kamachi tuqiw nanakax yatipxta Criston wiñayatak jakañapa —sasa.

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

1 Samuel 25:28

ukatsti jumaw aka luqtirimarux pampacht'arakïta. Chiqpachansa Tatituw jumarusa, wawanakamarus marka apnaqäwi kankañ wiñayatak churapxätam, Tatitutak juman ch'ama tukutam layku, taqi jakäwimansa janirakiw kuna jan walt'añas jumxarux jutkaniti.