2 Samuel 7:16 - Qullan Arunaca

¹⁶ Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa’ ” sasa.

Aymar Bibliia 1986

¹⁶ Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa” sasa.

Qullan Arunaka DC

¹⁶ Ukhamarusa, nayaw wawanakaman marka apnaqäwip ch'amaniptayä, reyi qunuñamasti wiñayatak utt'atapunirakïniwa’ ” sasa.

2 Samuel 7:16 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

2 Samuel 22:51

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.”

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

2 Samuel 7:17

Natán profetasti take acanacwa Davidarojj yatiyaraquïna, cunjämtejj uñjcatayna uqhamaraqui ist'catayna uqhampacha.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 9:5

nayajj wiñayataquiw Israel marcjjaru reyïñamjja sum sayt'ayäjja, cunjämtï David awquimaru arscäyäta aqham sasa: ‘Janipuniw jumat mayni wawamajj faltcaniti Israelan tronopanjja’ sasa.

2 Reyes 19:34

Nayaw aca marcaru imascäjja, khespiyaraquëjja, David sirvirejjaru munatajj laycu, naya pachpar munatajj laycuraqui’ ” sasa.

2 Reyes 8:19

Ucampis Tatitojj janiw Judá marcaru tucjañ muncänti, David uywataparu qhuyapayasitap laycu. Juparusti Tatitojj arsünwa mä lamparjja nactatapuni jupan nayrakatapana jaytaña.

2 Crónicas 6:16

Uqhamasti Israelan Tatit Diosapa, jumajja phokhamaya cuntï arscäyäta David sirvirima awquejjaru ucjja: jupat sarakeri wawanacapajj utjañapapuni Israelan tronoparu maqhatañapataqui qhuyapayasiñam laycu, jupanacatï sum sarnakapjjani, uqhamarac leyinacapsa phukharaquini cunjämatï jupajj phokcäna uqhama.

Job 36:7

Asqui jakenacarojj arjjatapuniwa, reyinacarusti konuñaparuwa utt'ayi, jach'achatäñaruw aptaraqui.

Salmos 45:6

Diosay, reyi cancañamajj wiñayataquiwa, reyi cancañamajj chekapar uñjañawa.

Salmos 72:5

¡Reyejj jumar wiñay ajjsartirïpan! Intir uñtata, phajjsir uñtat jupajj utjpan.

Salmos 89:4

“Allchhinacamaruw wiñayatac utt'ayä, reyit juma lanti kont'asipjjañapataqui” sasa.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 17:25

Uqhamtejj lurapjjäta ucapachasti, Davidan tronoparu kont'asiri reyinacajj utjascapuniniwa, aca marcan puncunacap cheksti carrosanacata, caballonacata mantapjjaraquini, take jilïrinacampi chict'ata uqhamaraqui Judá orakenquiri, Jerusalén, marcan utjiri take jakenacapampi. Jerusalén marcansti jakenacajj utjascapuniniwa.

Jeremías 33:17

Naya, Tatitusti, saractwa: Davidan wawanacapatjja utjapuniniwa mayni Israelan tronoparu kont'asirejja,

Ezequiel 37:25

Cawquïri oraktejj Jacob sirvirejjaru churcta ucanwa jacapjjaraquini, cawquintejj nayra awquinacapajj jacapcäna ucana. Jupanacasa uqhamaraqui wawanacapasa, wawanacapan wawanacapasa ucanwa jacapjjani, David sirvirejjaraquiwa jupanacan jilïripäni.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 7:14

Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Juan 12:34

Ucjjarojj jakenacajj sapjjaraquïnwa: —Nanacajj ist'apjjtwa ley libronacajj toke: ‘Cristojj wiñayataquiw jacani’ siri. ¿Cunjämsa jumajj sista: ‘Jaken Yokapajj aptatäñapawa’ sasajja? ¿Qhitis uca Jaken Yokapajja? —sasa.

Hebreos 1:8

Ucampis Yokap toketjja saraquiwa: “Juman tronomajj, Dios Tata, wiñayataquiwa. Apnakatamas chekaparaquiwa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.