2 Samuel 6:9 - Qullan Arunaka DC

⁹ Ukürusti Davidax Tatit nayraqatan axsaränwa, jach'at sarakïna: “Tatitun arcap apañaxax janiw wakiskpachati” sasa.

Aymar Bibliia 1986

⁹ Ucampisa uca urpacharaquiw Davidajj Dios nayrakatanjja wali ajjsarthapïna, ucat art'asiraquïna: “Janiw waquiscpachati Tatitun arcapa apañajjajja” sasa.

Qullan Arunaca

⁹ Ucampisa uca urpacharaquiw Davidajj Dios nayrakatanjja wali ajjsarthapïna, ucat art'asiraquïna: “Janiw waquiscpachati Tatitun arcapa apañajjajja” sasa.

2 Samuel 6:9 Jak'a apnaqawi uñst'ayäwi

2 Samuel 6:8

Davidasti Tatitun Uzá jaqir ukham jiwayatapat phiñasïnwa, ukat jupax uka chiqar Peres-uzá sasa sutichäna, ukasti jichhürkamaw ukham sutichatäski.

1 Reyes 8:27

“Ukampisa Diosaxay, ¿chiqpachapunit jumasti aka uraqin jakasmasti? Alaxpachatix jach'a kankañapampi jumar jan katxäsirjamäkstamxa, ¡janiw jumatak utacharapksma ukax katxäskiristamti!

Salmos 119:120

Janchixax nayraqataman axsarañat khathati; ¡kamachi arunakam laykuw chuymax alt'ayta!

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Mateo 25:25

Ukat nayax axsaräyäsma, qullqimsti uraqiruw allintasin imxarakta, jichhasti akax qullqimaxa’ sasa.

1 Pedro 3:6

Sara warmix ukham ist'asirïnwa, Abraham chachaparux “tatay” sarakïnwa. Jumanakatix ukham ask lurapxätaxa, janirak kunarus axsarapkäta ukaxa, Sara warmjamäpxätawa.

1 Samuel 6:20

Ukatsti Bet-semes chiqan utjasirinakax sapxarakïnwa: “¿Khitirak Qullan Dios Tatitu nayraqatar uñstaspasti? Jichhasti, ¿kawkirurak Tatitun arcap apayañänisti?” sasa.